لستُ_عانس14
#زينب_الموسوي#
ثاني يوم كان مقداد حالته احسن وگعد اكل وطلع يشوف الكفتريا واصدقائه ماحجيت وياه ولا اگدر اباوع بوجهه اني بنظره عانس ممصدگه لگت رجال ويمكن حتى شغلي وتعبي كان يفسره لان اني ممصدگه
هسه صارت اللحظه المناسبه احجي ويه نفسي واشوف وين رايحه
داخل كل وحده من عدنا زاويه بعقلها تدفعها للمحافظه على بيتها ورجلها مهما كان الثمن احيانا نتخلى عن كرامتنا عن احاسيسنا عن عمرنا صحتنا في سبيل يستمر زواجنا وكل وحده عدها سبب يخليها متمسكه بزواجها احجي عن اسبابي
بديت حياة هنا وناجحه بيها وعندي بيت واموال وصديقات
عندي زوج احبه رغم جرحه الي رغم اخذني وهو يعتقد اني عانس مااستحق حب ومشاعر
السبب الاخير مااريد اهدم البنيته وابدي من جديد مابقى بيه حيل وعمري فات ومااريد شمات وناس تحجي بقصتي
بنفس الوقت مقداد جرحني واستكثر عليه گلبه وبلحظه كان بحضني ويبچي ويشكيلي من حبه لباث لازم يتعاقب رجع العصر كنت بالمطبخ ها شلون صرت انشاالله احسن
الحمدلله احسن انتي شلونج مشتاقلج
اتقرب يحضني
مقداد خلي ناكل وبعدين نسولف
شفاء لاتكولين اتركك حجيتلج كلشي حتى تبقين وياي
اصعب ماگلته ان اخذتني لان عانس وزواحنا كان فضل منك على بنيه عانس بينما اني اتصورت زواجنا بدايه لقصة حب كنت محرومه اعيشها
هسه اختلف كلشي وتدرين احبج
لا مقداد ماادري شنو الدليل انت تحبني شنو سويت علمودي لان تنام وياي من تجي تلكاني شبه عاريه ومنتطرتك باث بس نزعت ملابسها الك گدرت تغويك اني انطيتك كلشي حبيتك وصنتك ولميتك اجى دورك تثبت الي تحبني
كولي اي شي تريديه كولي
انت فكر اني مسافره لاهلي وانت فكر
لا شفاء خليج يمي الله يخليج
الله يخليك انت لاتخليني انتظرك وتطول عليه حاول تستعيدني اذا صدوك تحبني
حجزت على السفر وباقي عشر ايام كنت بالصالون دخل دلفري شايل ورد والبطاقه مكتوب بيها اسف الي بالصالون علقوا مدام ورد واسف يعني مسوي كارثه
بالضبط كارثه واريد اعاقبه ومااعرف شلون في وحده امريكيه سوده كانت موجوده گالت احرميه من كلشي عودتيه عليه اذا تحمل سامحيه
وفعلا رجعت للبيت لبست دشداشه هو صار تلث سنين مشايفني الاملابس مدلعه وضيقه وقصيره وماطبخت اكل ومانظفت ظليت اتفرج تلفزيون رجع مقداد
گعد يمي وصلج الورد
وصل والبنات گالوا شعجب زوجج يدزلج ورد
شبيج اليوم تعبانه شكلج ضابجه
وانت شعليك بيه ها مضايقتك بشي
طبعا اتضايق مو زوجتي غير اعرف ليش ضايجه
بكيفي زين وبعد لاتدز ورد هاي السوالف سويتها قبلك ومفادت وياك اول مره اشوفج عصبيه اني اسف تعالي نطلع نروح نتغدا
اني تغديت معليك بيه قفلت غرفتي ومطلعت باليل سمعته يصرخ
يابه اه راح اموت
فتحت الباب كان خاتل يم الباب اول مطلعت لزمني من ظهري
ليش طلعتي تركضين خفتي عليه مو بالله
يعني راح تبقى طول عمرك چذاب عوفني احسنلك ترى اعرف اتصل بالشرطه مو بس باث تعرف
اتصلي بيهم اگلهم احبها ومتقبل تسامحني
وخر اديك خنگتني ماريدك هي گوه
وتالي شفاوي حبيبتي محلوه الدنيا بدونج والله
روح لباث هسه تنسيك الدنيا واهلها وخطيه هم واسيها هسه تنزعلك كلشي مو بس التشيرت
اووووف من عنادج تدرين انتي ليش هيج تسووين لان متاگده احبج وتعرفين زعلج ياذيني عادي اتحمل مدام هذا الشي يريحج ويردلچ كرامتج ومره لاخ اگلج اسف حبيبتي اسف عيوني كان يكولها ويبوسني وبلحظه تركت غضبي وحسيت نفسي تركت روحي استمتع بوسته على شفايفي واتجاوب وياه مبقت عندي قوه ارفضه غمضت عيوني جتي صورته يم باث وصوته يگلي عانس دفعته وركضت للغرفه
اوووف امداني ليش احبه الصبح ظليت نايمه مااريد اطلع اشوفه
دگ عليه التلفون
تطلعين وياي نركض
لا اطلع انت
زين اطلعي من الغرفه اشوفج واطلع
لا باله تريد تقشمرني اطلع وجفيني شرك
صار مثل متامرين طالع باي
طلعت بالسياره دز مقطع اغنيه ادل هلووو اغنيه المطربه تعتذر بيها لحبيبها لان جرحت گلبه
مارديت عليه اليوم الي بعده كان سابقني للبيت ومحضر اكل ومخليه على طاوله بالحديقه
ها مو صلت الفكره ان احبج وكنت غلطان
لا موصلت اني مسافره وانت فكر تريدني لو تريد باث
هواي فكر يستعيدني ليله من اليالي كنت بفراشي العب بالموبايل اني انام بغرفه ثانيه
دخل بالفراش
ماهتميت اله ولاحجيت بقيت العب
شنو اليوم متنامين
عاجبني اليوم انام على القنفه مثل بعض الناس صدوك نسيت تگلي القنفه شلون كفتكم اثنينكم
بس تكفي ليش لا اذا حضن واحد يلزگ بالثاني خو مو مثلي اتوسل بيك يله تتعطف عليه صدوگ ماافتهم چنت
سكت شويه اني اعتبرتج صديقتي مو بس زوجتي وحجيت كلشي انتي اقرب الي من اهلي معبالي تتغيرين وتتحولين ضدي شفاء لو اريد باث ليش باقي وياج
هي متريدك او انت متريد تخسر المستوى الي وصلتله
لعد من اليوم طالع من البيت ومعليه بالكفتريا والسياره اخذيها
ها من عندي ماتحملت الصد بس من باث عادي واني لازم اتحملك وانت تگول احب باث وتبجي عليها فكر تنهار حتى ترجعني تشكي من هجري مثل باث لان اني استحق
ئي غير تنطيني فرصه انهار عليج اذا انتي قافله الباب وكل شويه باث وباث
لج والله احبچ كافي صبري خلص وياج
كنت اني گاعده بالسرير وهو نايم
بس شفته گعد عرفت راح يتقربلي
گمت من الفراش
والنبي اذا اتقربت اخابر الشرطه حلفت مقداد
لا عيني لاتخابرين الشرطه اني طالع مو من الغرفه وبس من البيت كله
مقداد اذا عفت البيت معناها رايح لباث وعمري مراح اسامحك اني الزعلانه مو انت
ادري ياعيني زعلانه غير اصالحج
مااريد تصالحني هسه بعد وكت
على راحتج تصبحين على خير
حاول بكل الوسائل يثنيني عن قراري ماگدر سافرت لبلدي
من تترك العراق وترجع بعد فتره تحس معنى الوطن الفرحه بداخلك وانت تشوف وجوه اهلك وهمه يتفحصون ملامحك وتسمع جملة نورت العراق
شنو هاي صايره بيضه
وغير شكل
امي تلگتني وهي تبچي اخواتي اخواني وفطومه كبرانا وكرار ابن لقاء
ام مقداد كانت موجوده بيت اهلي ومبقت سوال مسالتني هي شايفه صورهه اضعف من قبل عبالها مريض
لا خاله هو ديلعب رياضه ومحافظ على وزنه
ها خاله والاطفال ليش مصار عدكم
والله ياخاله ماخليت دكتور ولاوسيله ماسويتها ومصارت
رحت على دائرتي القديمه شفت ام انمار ومروه كان لقائنا مشحون بالعواطف والشوق والذكريات تذكرنا ايام العنوسه والسحارات والخطوبات الفاشله ضحكنا ودمعت عيونا مروه عدها ولد وحامل طلعنا العصر للاسواق والمطاعم رحت زرت اهل مقداد وانطيتهم هدايا ابوه فرح بيه شافوا صور بيتنا وشغلنا
كان مقداد يوميه يتصل وكل مره نفس الحجي مشتاقلج وشوكت ترجعين
تشتاقلك العافيه وتدري شوكت ارجع ليش تسال
متعرفين ليش تدرين اضيع بدونج
هذا حجي مشفت منك تصرف واحد يعبر عن حبك الي اثبتلي
والله مااعرف شلون انطيني انتي طريقه اعبر بيها واسويها تريدين اضعف اكثر وابطل الاكل اسويها
تعرفني مااهتم بهذا الشي
تريدين احلف احبج ونسيت باث وكرهتها والله اني لو ادري تتاثرين لهذي الدرجه ماحجيتلج الحقيقه شفاء كنت مشتت ابني ميت وعرفت مو ابني الي گلته كان مثل الهذيان
مااگدر انسى نبرة صوتك وبكائك بحضني وانت تگول اسمها
راح اترك كلشي واجي للعراق
والشغل مقداد وتعبنا بالكفتريا
شسوي بالكفتريا بدونج تحترك انشالله لو ترجعين لو اسدها والله
مااجي مو بكيفك ارجع
مر عشر ايام عليه بالعراق سويت بوتكس وفلر مع ان اني بامريكا سمنت وغيرت حواجبي وصبغت شعري لان الوان الصبغ بامريكا مترهم للعرب ولون بشرتهم دگ تلفوني مقداد
من البارحه وصلت وعند اهلي ساعه واجي عليج
صدوك تحجي انت والكفتريا منو بيه
بيها صديقي ابو مصطفى لاتخافين
كنت نايمه بالغرفه فوگ نزلت گلت لامي مقداد وصل وراح يجي عليه
وليش مگال راح اجي
يگول مشتاقلي وماتحمل غيابي
الله يهنيج يمه تروحين وياه لبيت اهله. الليله
ماادري افكر
خليكم يمنا اشو البيت فارغ بس اني وابوج
لايمه ميصير عيب شلون يصير
اتصلي بابوج مدام بالسوك يجيب وياه كم حاجه عيب من مقداد
يمه مقداد مومثل قبل ياكل قليل ويلعب رياضه الموجود نعمه
الشي الي تاگدت منه واني انتظر الساعه تخلص واشوفه هو اني غرگانه لحد الهامه بمقداد وصل قبل ليجي ابويه ردت اركض عليه وبعدين ثگلت وامي كانت موجوده اكتفينا اثنينه بالسلام وهو باسني براسي
ليش قميصك ممضروب اوتي شگد عجوزي
غيري انتي عفتيني وتبهذلت
YOU ARE READING
لست عانس
Romanceالقصه تتحدث عن نظرة المجتمع العراقي لفتاة بعمر ال ٢٨ ولم تتزوج ووصف الناس لها بالعانس القصه حقيقيه من قصص الغربه
