لست عانس

لست عانس ١٣

#لستُ_عانس١٣
#زينب_الموسوي#
بعد الانهيار الي صار  بوفاة علي بدت اجراءات المستشفى حتى يسلموه النا فجاءه اشتدت النقاش بين باث وهذا الامريكي اسمه بوب
ودفعها  توجه على غرفة علي مقداد جوه يم علي  حسيت في شي مو طبيعي لكن الي صار حقيقه اشبه بالخيال
طلع مقداد منهار ودموع وعصبي لزم باث خنكها على الحايط
شنو هذا الكلام الي يگوله بوب علي ابنه مو ابني احجي علي ابن بوب
سمعت الكلمات استنفرت كل حواسي. حتى اسمع
ردت عليه تتذكر مقداد علاقتي بيه وبيك كانت ممستقره وعلي ابنه عرفت هذا من اول متمرض علي وبتحليل الدم يختلف عن فصيلتك وسويت تحليل Dna علي مو ابنك
وسنين تضحكين عليه ليش سجلتيه باسمي ضربها وظل يضرب وهي تصرخ طلع بوب ضرب مقداد
وكملت الاحداث الامن اخذ الثلاثه للمركز وبقينا اني وزينب
كنت بحالة ذهول سنين مدمره حياته ومتحمل مراره مرض ابنه ومصاريف وقلق وسهر ومستشفيات وتدري مو ابنه ومابلغته
بعد ساعتين رجعت باث وبوب حتى يكملون الاجراءات رحت عليها
وين مقداد
راح على بيته هذا مو ابنه عندي التحليل
وزينب بنته لو لا احجي
لا مو بنته بنت بوب
وليش سجلتيهم باسم مقداد ردتي ثور يكد ويصرف عليج لان صاحبچ ممستعد يصرف على نغولته حقيره حتى من طلكج ظل يكد عيشتي وهم تدرين شگد يحب اطفاله كم ولايه غيير حتى يكون يمهم شگول عليج بس اذا انتي متزوجه وتنامين ويه بوب وغيره
هو كان متمسك بيه تركت الف مره ورجعني
انتن الساقطات امثالچن حظهن يصير غير شكل
بقت عندي حسره بگلبي تفلت بوجهها وطلعت
اسوق بالسياره وافكر شاسوي اواسيه بشنو. شلون ارتبط بوحده مثل باث هو انسان عفوي وماعنده مكر ابد
دخلت الشقة اول مره اشوف رجال يبجي بهذي الحرگه گاعد بالممر وراسه بين رجليه ويبچي
اخذته بحضني ومااكدر احجي شگول بهيج موقف الي مات ابنه وفجاءه مو ابنه ولاهذي بنته
ربنا ابد ميظلم الانسان يظلم نفسه بنفسه مقداد ظلم نفسه بزواجه بوحده مثل باث مجرد شكل عجبه
وتالي مقداد تموت نفسك يعني
لج ياريت اموت ولا هالقهر حتى ماعرف شبيه ابجي على علاوي ابني واتذكر مو ابني وتدرين حتى زينب مو بنتي
ادري مقداد يمكن الله رحمك رادك بموته تعرف الحقيقه
هاي مو حقيقه دمار والله علاوي ابني نص عمري هو وياي من ولادته ماتركتهم الا بامر محكمه وسويت المستحيل حتى ترفع المنع عني ارتضيت تحولني اله تجيب فلوس وتنفذ طلباتها بس حتى اشوفهم گوليلي شسوي
ربك الي يسوي خلي حملك عليه واصبر وكل امرك لله
فوگ خيانتها الي مسجلتهم باسمي ومخليتني مثل الكلب الي رابطته
حتى من ردت اتزوج وافكر استقر گلت لاهلي اختاروا وحده مااحبها مجرد حاجه وحده تقبل باي شي لان اعرف نفسي مااگدر احب غيرها
كافي مقداد خلي هذا الحجي بگلبك لاتجرحني الله يخليك لاتخلي قهرك يطلع بيه
فدوه اسمعيني لااموت  ردت عانس مأيسه من الزواج بس انتي مقبلتي تبقين مجرد عانس بحياتي صرتي كل حياتي والله شفاء ماادري شسووي گولي
لاتسوي شي تروح گدام الناس تدفن ابنك وتسوي عزا  وخلي علي وزينب ذكرى حلوه بحياتك ياما في ناس تربي ابناء غيرهم ويعتبروهم اولادهم جزائك عند ربك  وانت مو اول واحد تخونه زوجته تماسك ولاتسووي نفسك نكته گدام العالم
كلمة عانس موتتني ليش اني من اخذته شكان حتى معتبرني عانس يعني الانسان ميشوف عيوبه بس عيوب غيره بعدت راسه عني وردت اكوم مخلاني
لاتركيني شفاء بس الليله ابقي وياي ولج والله گلبي احسه يريد يطلع من مكانه اريد اروح اشوف علاوي اخاف يدفنوه وبعد مااشوفه واتذكر مو ابني
كوم نروح للمستشفى الك حق بيه ربيته كوم مقداد اني اسوق
اخذته للمستشفى هو وقع على الاوراق لان الاوراق الرسميه هو الاب
مقداد راد يدفنه بمقبرة المسلمين مقبلت باث رادت بمقابرهم
حجى وياها انتي تتحملين مصاريف دفنه اذا
لو تخليني ادفنه بمقبرتنا علي اني ربيته مسلم ونطق الشهاده واصبري ياباث اذا مادفعتج هذي السنين كلها وبالمحاكم تدرين جريمه تعرفين اني مو الاب ومحملتني تكاليف اني اراويچ بسيطه
قبلت ندفنه بالمقبره وصار الدفن ثاني يوم الصبح وحضروا اصدقائنا
بعد العزا زينب اخذت موقف من امها
بقى مقداد بتشتت عشر ايام حتى الاكل مياكل الا لمن يحس عنده صداع بالليله العاشره كان يقرا قران واسمعه فجاءه صوته عالي بالبجي رحت عليه شجاك مقداد ترى انت مو اول واحد يموت ابنه  مقابر العراق مليانه
المصيبه ابجي عليه وهو مو ابني
وظل يبچي ويوم اصعب من الثاني
لحد اليوم عشرين
اني من يوم الي شفته مع باث غيرت غرفتي فتلك اليله صحاني شفاء اگعدي اريد احجي الج
ها مقداد شتحجي بيش الساعه
هسه الفجر اريد اريد احد يسمعني
اسمعك احجي شنو المسهرك
اني تزوجت باث عمري ٢٤سنه اجرت شقه من ابوها كنت مرفوض من كل البنات مافي وحده تقبل بيه بسبب وزني حبيت باث وطبعا هي ماحبتني فد يوم شفتها راجعه باليل وبوب معاها ويضربها نزلت دافعت عنها وحميتها يمكن هذا الموقف خلاها تقبل بيه زوج تزوجتها وبدت مشاكلي وياها اسمي عدها كان قالب اللحم السمين القبيح تركتني تصورت اموت اذا تركتني حاولت بكل طريقه ارجعها رجعت بعد سنتين صار ت زينب وبعدها تركت الولايه واخذت زينب وطلبت الطلاگ والمحكمه حكمت الها وبقيت متمسك بيها ومصر ارجعها لحگتها كانت عايشه مع بوب وعدها مشاكل وياها اتصلت بيه محتاجه فلوس حتى تترك الولايه وتنهزم من بوب انطيتها الفلوس ورحت وياها ورجعنا تزوجنا وصار علاوي
كنت اهين نفسي وكرامتي بس حتى تبقى وياي لان تصورت محد راح تقبل بيه غيرها وبنفس الوقت زرعت بداخلي احساس اني قبيح ولازم مااتركها وفد يوم جتي گالت احب بوب مااحبك طلكني اتركني ضربتها اتصلت بالشرطه اخذت حكم ان اني عنيف وميصير اتقرب من اطفالها
تعهدتلها ابقى اشتغل طول عمري وانفذ كل طلباتها بس اشوف اطفالي
مرت سنين حياتي اشتغل وانطي الها وعندي امل ترجعلي
دفنت نفسي بالاكل حتى افرغ كبتي
واهلي غدروا بيه بشغلة البيت الي اشتريته بالعراق رادوا يعوضوني عن طريق الزواج خضعت وگلت اروح اشوف زوجه امي كانت مجهزه قائمه بنات كلهن اصغار وحلوات ذني ميتحملن وضعي وافلاسي وشغلي ليل ونهار فهمتهم اريد وحده عانس فايتها القطار مااحبها وتحبني تريد تتزوج وخلص وترضى بكلشي تشوفه
ليش مردت وحده تحبك وتحبها لان سمين
لا لان مااريد انسى باث اريد ابقى احبها
وحضي جابك عليه وعرفت اني عانس من تلفون رجل اختك عصام
وهذا السبب الي خلاني جامد وياج حاولت اقاوم السحر الي بيج والانوثه والمشاعر مااگدرت انجرفت وياج حبيتج وليلة الي شفتيني ويه باث كانت ناويه ان تخليني استسلملها وكانت عندي رغبه قديمه امنيه ان فد يوم تگلي احبك وتعال بالبدايه فرحت لكن تذكرت اني عندي زوجه تحبني وعمرها مامتهنت كرامتي مصار اي شي بينا والله هذا الي اريد اكوله صدگيني
مصدگتك مقداد شتريد ارجع الك زوجه وحبيبه مااگدر صعب على بنيه انزفت وسلمت نفسها لرجال وبليلة عرسهاكانت مجرد عانس ذابحه روحها على رجال هذي كانت فكرتك عني يوم عرسنا بس اني مشفتك اول يوم رجال سمين وفايته القطار
شفتك اول حب واول  لمسه مو  ذنبي تاخر زواجي بس ذنبك استغليت هذا التاخير واعتبرتني مااستحق الحب والمشاعر
هسه اني اختلف اشوفج انتي وبس
روح نام وارتاح هسه وبعدين نسولف
كولي متركيني واني اروح
الله كريم روح نام هسه
سمعت حجيه خنگت نفسي بالمخده وبچيت لحد نمت