Tuldukuwit

✎ Upuan

Matagal-tagal na rin

simula nang

magkasama tayo

sa upuang ito,

nagkukwentuhan

sa mga bagay-bagay

na mas lalong nagpalapit

sa'yo sa aking puso.

Mas nakilala natin

ang bawat isa

at mas lumobo

ang ating pagkakaibigan,

at dahil sa mga pagsubok

ay mas lalo pang tumibay

ang ating samahan. 

Minsan ma'y di ako kumikibo

at kung minsan ma'y

di ako nagsasalita,

pero di mo lang alam

na sa dako

nitong pagkukubli

ay minamahal na kita. 

Madalas man ako'y

dumidistansya

at kung minsan

nakaupo na nga ako

sa dulo, 

iniwasan ko lang

na baka mas lalo akong

umasang mahal

mo rin ako,

iniiwasan ko lang

masaktan. 

Ngunit sana'y mapatawad,

ganito talaga ako,

natotorpe,

nahihiya,

sa tuwing

ika'y kasama,

subalit nandito lang

naman ako

palagi sa tabi mo,

na hinding-hindi kita

iiwanan

hanggang

sa walang hanggan.

Matagal-tagal na rin

simula nang

nakasama kita

sa upuang ito,

naghihintay

sa pagkakataong

ako naman

ang maging dahilan

ng matatamis

mong mga ngiti.