Abaddon School (Part 1&2)

Abaddon School Part 1.5

Chapter Five:

FAYCE'S POV:

Tumatakbo kaming tatlo. Kasama ko sina Amchel at Joaqui para hanapin ang kakambal kong si Faye. T*ragis! Sana ligtas siya pati na rin si Debra - parang kapatid ko na rin ang isang 'yon.

Sabi ko sa dalawang 'to, maghiwalay kami. Sila ang maghahanap sa mga estudyanteng buhay pa at tignan kung saan sila pupunta. Pero, langya mga takot. Kaya wala akong nagawa kundi isama sila at kapag nahanap namin si faye, doon namin hahanapin ang mga estudyanteng nakaligtas. Sabay-sabay kaming tumakbo papunta sa classroom nina Faye.

Nang makarating sa tapat ng classroom, dahan-dahan binuksan ni Joaqui ang pinto ng classroom.

Napatakip kami ng mga ilong namin dahil sa malansang amoy na mukhang nanggagaling sa mga dugo at laman-loob ng mga 'to.

Kahit ang lansa ng amoy, tumuloy pa rin ako para sa kakambal ko. Pero, si Amchel hindi nakayanan. Pusa naman oh! Sumuka na siya. Tsk!

"T*ragis kang Amchel ka! Pinakita mo pa talaga sa amin na sumuka ka! Lalaki ka ba talaga? Tsk! Diyan ka na lang sa labas!" Pumasok na ako kasama si Joaqui at si Amchel ay nagpaiwan sa labas.

Halos masuka ako sa nakita ko. Mga kaklase ni Faye 'to at halos lahat hindi na makilala. Puro lasog ang mga katawan at sabog ang mga ulo. Halos lumabas na ang mga laman-loob sa mga katawan nila.

"Ack... Ack... Ack..." tumingin ako sa gawi ni Joaqui na ngayon ay sumusuka na rin. T*ngina mga lalaki ba talaga mga 'to? Mga SSG pa man din. T*ragis naman oh!

Nilapitan ko siya at nakita ko ang tinitignan niya. Halos bumaliktad ang sikmura ko. Nakita lang naman namin ni Joaqui ang isang prof na naliligo sa sarili niyang dugo dahil sa laslas sa bandang leeg niya, ang ulo niyang halos mahati sa gitna at ang katawan niyang bali-bali at sa tabi nito ang paa niyang putol na ngayo'y may uod na.

Umalis ako sa harapan ng prof na 'yon kahit galit ako sa mga prof may konsensya pa rin ako. Hinablot ko ang isang kurtina dito at tinabing sa katawan ng propesor. Sa lahat ng bangkay dito sa kanya ang pinakamalala.

Hinila ko si Joaqui paalis sa bangkay ng prof na 'yon. "Joaqui, tumingin ka sa akin." Pero 'tong si Joaqui ayaw tumingin sa akin. "P*ta naman Joaqui! Tumingin ka sa akin. 'Wag mong intindihin ang bangkay na 'yon. Intindihin mo ang iba pang mga schoolmates natin. Kailangan nila kayo ni Amchel!" sa sinabi kong 'yon, tumingin din siya sa akin.

"Tinignan natin ang mga bangkay na ito, para tignan ko kung isa sa mga ito ang...kapatid ko." Umalis ako sa harapan niya.

Binaliktad at tinignan ko ng mabuti ang mga katawan ng mga nilalapitan ko pati ang mga ID ng mga kaklase ni Faye tinignan ko rin dahil iba sa kanila ay hindi na makilala.

"F-fayce...sa mga tinignan kong bangkay, wala roon ang kambal mo." mahinang sabi ni Joaqui sa akin.

Tumingin rin ako sa kanya. Sa mga tinignan ko ring bangkay, wala rin si Faye roon. Ibigsabihin...B-buhay ang kakambal ko.

Nagulat kami ng sumigaw si Amchel sa labas. Kaya agad kaming lumabas nitong si Joaqui. Bakla yata 'tong si Amchel eh. Pusa naman oh!

"Hoy! Anong problema mo at bigla kana lang sumisigaw diyan!" tanong ko sa k*pal na 'to! Bwisit parang bakla talaga 'tong si Amchel eh. Paano kaya 'to naging president ng SSG.