Abaddon School (Part 1&2)

Abaddon School 2.4

Chapter Four: Field trip

LINCOLN'S POV

Nakarating na ako lahat-lahat sa bahay namin pero hindi ko pa rin makalimutan ang mga narinig ko sa dalawa.

Tungkol saan ba ang pinag-uusapan nina Spencer at Rey?

Ano iyong sa field trip? Ano iyon? Ginulo ko ang buhok ko dahil sa hindi ko malaman na dahilan.

Hindi ako mapakali kung tungkol saan ang pinag-uusapan nila, kinuha ko ang phone ko at hinanap ang numero ni Rey. Alam kong may alam siya sa mga nangyayari ngayon.

Nang makita ko ang number niya, agad ko itong tinawagan.

Answer my call, Rey.  Naknang! Sagutin mo tawag ko Rey Smith!

"Your number you dialed is not in service. Please, try again later. Thank you."

"Your number you dialed is not in service. Please, try again later. Thank you."

Binaba ko ang tawag at saka ko ulit tinawagan ko siya.

Puro ring nang ring ang phone niya. Baka naman hindi pa siya nakakauwi?

Ilang beses nagriring ang phone niya at ilang minuto narinig ko na naman ang boses ng babae.

Your number you dialed is not in service. Please, try again later. Thank you.

Your number you dialed ---

Bago pa ulit magsalita ang babaeng iyon, binaba ko na ang tawag ko.

Mamaya ko na nga tawagan ang kumag na iyon.

Nagpalit na muna ako ng damit at inasikaso ang mga gamit ko.

Habang inaayos ko ang mga gamit ko sa school, naalala ko ang sinabi ni Ms.Niña, may mag-eemail sa amin para sa waver ng field trip. 

Kinuha ko ang laptop ko at binuksan ito. Habang hinihintay ko itong ma-open, may natanggap akong text galing kay Debra.

Lincoln, may natanggap na akong email. Iyon yata iyong waver natin para sa field trip. Buksan mo na iyong email mo. Then, iprint mo na. Pinaalala ko lang sayo baka nakalimutan mo,eh.

Napailing ko sa kanya. Anong akala niya sa akin? Makakalimutin ako?! Parehas talaga sila ni Ivan.

Nagreply ako sa kanya.

Yes, mahal na prinsesang Debra. Ito na oh, binubuksan ko na laptop ko. Parehas talaga kayo ni Ivan. Itext mo rin si Fayce mas makakalimutin iyon kaysa akin.

Sent.

Nang mabuksan ang laptop ko, agad akong pumunta sa email address ko. Naknang, ang bagal ni WiFi,oh. Nakikisama siya ngayon.

After 10 yrs, nakapaglog-in din.

Hinanap ko agad ang email ng school namin. Nang makita ko ito, nakita ko rito ang waver para sa field trip namin.

Agad kong kinonnect ang laptop ko sa printer namin para maprint ko itong waver na 'to at mapapirmahan kay mama.

Nang makita kong naiprint na, sinarado ko na ang laptop ko at bumaba agad sa sala para ipakita ko ito sa mga magulang ko.

Sana lang talaga pumayag sila.

Simula ng mangyari ang tungkol sa Abaddon School, naghigpit na sila sa akin. Kailangan alam nila kung saan ako pupunta, kung sino mga kasama ko at anong oras ako makakauwi.