Abaddon School (Part 1&2)

Abaddon School 2.9

Chapter Nine: 2nd day sa Isla de Tempter

FAYCE'S POV

Nagising ako dahil may narinig akong pagsabog. Mukhang malapit lang dito.

Sumilip agad ako sa bintana, may nakita akong usok na nanggagaling lang malapit dito.

Kinuha ko agad ang micro uzi at ginising sina Lincoln at Rey. Nagpalit na kami ng bantay ngayon, ang nasa sala ngayon ay sina Gino, Spencer at Ivan. Si Debra ay tulog ngayon dito sa taas, kasama namin.

"Tngina, Fayce, inaantok pa ako!" Kusot mata niyang sabi.

Pusanggala! Nasa bingit kami ng kamatayan, ganito pa rin siya.

"Langya! Bakit ba Fayce?" Ito rin si Lincoln, mainit agad ulo.

"Pusanggala kayo, hinaan niyo nga mga boses niyo. Natutulog pa si Debra." sabi ko sa mga 'to.

Lumapit ako sa gilid ng bintana, "May pagsabog na naganap kanina. Hindi ko alam kung galing sa mastermind ang pagsabog o sa mismong mga kaklase natin."

Isa-isa silang lumapit sa bintana, may usok pa rin na nanggagaling sa pagsabog.

"May pagsabog na nagaganap. Ano na next nito? Iisa-isahin tayo?" Problemadong sabi ni Rey.

"P-paano tayo makakatago sa kanila kung nahahanap din nila tayo ng dahil dito."sabi ni Lincoln sabay turo sa collar na suot niya.

Pusanggalang! Collar 'to!

"Gisingin na natin si Debra. Rey, puntahan mo na sila Spencer at Ivan sa baba. Kailangan natin maghanda."

Bumaba si Rey para tignan kung gising na ba sina Ivan at Spencer. Ginising naman ni Lincoln si Debra.

Pagkagising ni Debra, bumaba agad kami para puntahan sila.

Nadatnan namin silang mga nakaupo sa sofa.

"Narinig niyo ba ang pagsabog?" tanong ko agad sa mga kupal na 'to.

"Narinig namin." Simpleng sagot ni Spencer sa tanong ko.

"Kanina pa kami gising, nakita namin lahat ang nangyayari kanina." dugtong ni Ivan.

Nangyari kanina? Anong ibigsabihin niya?

Bago pa ako makapagtanong, inunahan na niya ako magsalita, "Nakita namin sina Macky at Athena na hinahabol nina Anton at Liam. Gusto namin sila tulungan pero pinigilan ako ni Spencer. Baka kasi tayo naman ang balingan nila."

Tumango ako sa sinabi niya, "Sa kanila galing ang pagsabog?" tanong ko rito.

"Oo, sa kanila galing ang pagsabog. Granada yata ang tinapon nina Athena kina Anton. Hanggang doon na lang nakita namin dahil lumiko sina Athena doon sa may kakahuyan." atleast nakahinga ako na sa kanila galing ang pagsabog. Akala ko sa mastermind na.

"Akala kasi namin galing sa mastermind," sabat ni Lincoln sa usapan

"Kaya naman pala si ogag, dali-dali akong ginising." Sabi ni Gino na ngayon ay tumatawa na dahil sa sinabi niya.

Nahagip ng paningin ko si Rey na ngayon ay nanlilisik na ang mga mata na nakatingin kay Gino. Away na naman 'to.

"Guys," tumingin kami kay Debra na ngayon ay nakatayo pa rin. "Hindi ba kayo nagugutom? Ako kasi nagugutom na. Baka pwede na ako magluto ng breakfast natin?"