Abaddon School (Part 1&2)

Abaddon School Part 1.15

Chapter Fifteenth

LINCOLN'S POV

Nagulat kami sa nangyari. Dahil lamang doon nagsinungaling si Ria. At, ngayon wala na siya.

Nagsalita ulit ang harvester.

"AYAN ANG MANGYAYARI SA INYO! SINO KAYA ANG SUSUNOD KAY RIA? IKAW BA LINCOLN?"

Bigla akong napatingin sa kanya. Ako na, ako na ang susunod na itatanong.

Tumitingin sa paligid ang harvester. Mukhang nag-iisip siya ng itatanong sa akin.

Bigla siyang ngumiti at binigkas ang mga salitang labis kong kinabahala.

"TRUTH OR FALSE. MAY LIHIM NA PAGTINGIN KA BA KAY DEBRA?"

Hindi naproseso ng utak ko ang tanong.

"UULITIN KO ANG TANONG LINCOLN, MAY LIHIM NA PAGTINGIN KA BA KAY DEBRA?"

Napatingin ako kay Fayce na may alam sa tunay na nararamdaman ko, nakita ko siyang tumango sa akin.

Nahagip ng mga mata ko ang mukha ni Debra na sobrang nabigla sa tanong.

Kung magsisinungaling ako, mamatay ako at kung anong nangyari kay Ria ganoon din ang mangyayari sa akin.

Dahan-dahan akong tumango sa harvester at sinabi ang katagang kay tagal ko ng gustong sabihin.

"Oo, may lihim akong pagtingin kay Debra..." Habang sinasabi ko n'yon, nakatingin ako kay Debra at nakita kong lalo siyang nagulat dahil sa mga nasabi ko.

"Pero, tanggap ko na... na si Ivan ang mahal niya at hindi ako. Tanggap ko na, na hanggang matalik na kaibigan lang kaming dalawa." Sa huling sinabi ko, lahat sila tahimik wala ni isang nagsasalita.

Nagulat na lang ako, biglang umilaw na kulay dilaw ang bilog ko. A-anong ibigsabihin nito?

"L-lincoln, B-bakit dilaw ang ilaw ng sayo?" Nag-aalalang sabi sa akin ni Debra.

Hindi ko rin alam kung bakit dilaw ang ilaw na lumitaw sa bilog ko.

"NAPABILIB MO AKO,LINCOLN! DILAW ANG ILAW NA UMUSBONG SA BILOG DAHIL SA TAPAT AT BUSILAK ANG SINABI MO..." Anong nangyayari? Ano ang sinasabi ng harvester?

"BINABATI KITA. NAKALIGTAS KA SA AKING LARONG TRUTH OR FALSE. MAAARI KA NG MAUPO SA ISANG TABI." sa sinabi niyang harvester na n'yon, bigla siyang tumingin kay Debra.

Lumakad na ako sa upuang sinasabi ng harvester. M-may ganoon pala sa larong n'yon, hindi ko alam.

"DEBRA, NAIS MO BA TALAGA ILIGTAS ANG MGA KASAMAHAN MO SA UNANG LARO? O KAGAYA KA RIN NG IBANG NAKALIGTAS?" rinig kong tanong ng harvester kay Debra.

"Oo... nais ko tulungan ang mga kaklase ko pero... pero hindi ko nagawa! Hindi ko alam na may rules siyang tungkol doon. After kong natamaan ang button sa likod ng domokun na nyon... nakita ko na lang ang mga natitira kong classmate... isa-isang sumabog ang mga katawan nila..." rinig na rinig ko ang sagot ni Debra.

"Debra..." Gusto ko siyang lapitan.

Napaluhod si Debra sa kinalalagyan niya. At, ramdam ko ang sinsero ng kanyang sinabi.