The High School Oddventures of Admin Maverick: A Misfit in Time (Season 3 and 4)

Part 27: Welcome to BED Shop

"Ha? Ba't ganyan ka makatingin?" ask nito Carlo.

Hinugot ko mula sa drawer ng work table ang copping saw ko.

Nakangiti ako.

"Yon."

"Sabi na eh." reklamo nito.

__________

Author's Note:

Copping saw.

Eto yung lagare naka clamp, designed to cut wood mula sa loob ng area.

Sa madali't sabi, ito ang naghuhugis ng design sa loob ng isang design.

Mahirap gamitin to, kelangan maayos ang direction ng kamay mo at malakas para sa short but forceful stroke motion.

_____

"Sabi mo tutulungan mo ako di ba?" natatawa kong ask.

"Oo na nga." give in nito.

"Ano lalagariin natin?" muli nito ask.

Pinakita ko ulet yung blue print.

"Yung pinto." sabi ko.

"Sus.. chicken feed to pre."confident na wika ng chismoso.

"San ang kahoy na gagamitin natin?" ask muli nito.

"Ewan. Hanap ka dun sa likod sa may mga lababo baka may scraps." wika ko.

Kamot ulong sumunod si Carlo.
Bumalik ako sa paghahalo ng resin at baka manigas ito sa loob ng film container.

_____

Matapos ang ilang minutong paghahalo ay ibinuhos ko na ang mga mixture ng resin sa frames ng binata ng project ni Ness.

Ayos.

Nahabol ko yung mga bubbles kanina.

Wala nang bubbles sa loob mismo ng mixture. Malinis na.

Maganda tingnan.

Matutuwa si Ness dito.

Sinilip ko ang pinagagagawa nung chismosong naging busy na rin.

(Sa panahon ngayon, sabi nila..)

(Kung gusto mong makakita ng lalaking seryoso.)

(manood ka ng nagdodota, yung natatalo.)

(Pero sa panahon namin.)

(Gusto mo ng seryoso?)

(Pumasok ka sa Shop ng busko.)

(grahahahahahahah!!)

Siyempre seryoso sa ginagawa nito ang chismoso kaya naka sneak in ako sa likod nito.

Ang ginawa pala nito.

Ni trace nya gamit ang carbon paper ang disenyo ng pinto sa plywood.
Kasalakuyan nya sanang ilalagay ang plywood sa drill press para lagyan ng butas na pag sisimula nya ng pagka copping saw.

"Carlo!" sigaw ko sa kanya.

Nabitawan nya ang ply wood.

"Takte nakakagulat ka Mav eh!" singhal nito sa akin.

Nag peace sign ako.

"Amanos!" natatawa kong wika.

Natawa na rin ang ulupong at muling dinampot ang plywood na may disenyo ng pinto.

Maingat nitong ibinaba ang umiikot na drill bit sa mga target points nya.

Nang matapos ito ay dinala na sa worktable ang plywood at nagsimula na siyang maglagare.