Unicode
"ကောင်လေးဒါဘာလုပ်နေတာလဲ"
အရှောင်ကောင်းသောဟိဏ်းဆက်ဒီတစ်ခါတော့ကေသွယ်နဲ့တည့်တည့်တိုးပါတော့သည်။
"ကေ ကေ ကေသွယ် ဘယ်တုန်းက ရောက် ရောက်နေတာလဲ"
ဟိဏ်းဆက် စကားပြောတာတောင် အထစ်ထစ်အငေါ့ငေါ့
ဖြစ်ကုန်သည်။ကေသွယ်ကဒီဗေးလ်အပြုံးကြီးနဲ့ကြည့်နေလေသည်။
"ပြောရမယ်ဆိုရင် နင်ဒီမှာရပ်ကျန်ခဲ့ကတည်းကဆိုပါတော့"
"ဒါဆိုမြင်သွားတာပေါ့နော်"
"မြင်တာပေါ့ ၊ ကွက်ကွက်ကွင်းကွင်းကိုမြင်တာ ၊ နေပါဦး နင်အဲ့အစ်ကိုကိုကြိုက်နေပြီမလား"
"ဘာ!!!ငါကဘာလို့ကြိုက်ရမှာလဲ ၊ ငါကမိန်းကလေးတွေပဲကြိုက်တာမိန်းကလေးတောင်ကိတ်မှ"
"အေးပါ အေးပါ ထားပါတော့လေ ၊ မကြိုက်လို့ပဲဓာတ်ပုံခိုးရိုက်ပြီးသိမ်းထားတယ်လို့ပဲမှတ်ယူလိုက်ပါတော့မယ်"
"သွားမယ် သွားမယ် ၊ နင်ကလေလျှာကိုရှည်တယ်"
"ဟားဟား ဘယ်ကိုသွားမလို့လဲ ၊ လှေကားကဒီမှာလေ"
ဟိဏ်းဆက် ကေသွယ်သိသွားပြီဆိုတဲ့အတွေးကြောင့်ပူထူ
သွားပြီးဟိန်းသူရှိရာဘက်သို့ထွက်သွားမိတာကြောင့်ကေသွယ်ကလှမ်းအော်လိုက်သည်။
"ငါမေ့သွားလို့ပါ လာသွားမယ်"
ကေသွယ် အနောက်ကနေတဟားဟားနဲ့အော်ရယ်ပြီးလိုက်လာလေသည်။
"တော်ပါတော့ကေသွယ်ရာ ၊ ကန်တင်းတောင်ရောက်နေပြီ ၊ နင်ရယ်လို့မဆုံးသေးဘူးလား"
"နင့်မြင်တာနဲ့ကိုရယ်ချင်လာတာ ၊ ရှက်နေလိုက်တာများမျက်နှာကြီးကိုနီရဲလို့"
"နင့်ကိုဘာမှကိုမပြောတော့ဘူး ၊ အန်တီရေ မှာမယ်"
"လာပြီ"
"အန်တီသားကိုကော်ဖီအေးနဲ့ပသျှူးထမင်းကြော်စပ်စပ်လေးလုပ်ပေးပါနော် ၊ ဟဲ့ ကေသွယ် နင်ဘာစားမှာလဲ"
"အန်တီသမီးကိုနို့သစ်ခွနဲ့မြေအိုးမီးရှည် ချဉ်ချဉ်စပ်စပ်လေးနော်"
YOU ARE READING
ချစ်ရပါသော"ညီ"
Romance[Unicode]အဖေမရှိတော့ဘဲ မိထွေးရဲ့အရိပ်အောက်မှာကြီးပြင်းလာတဲ့ကောင်လေးနဲ့မိဘရဲ့အရိပ်အာဝါသအောက်မှာနွေးထွေးမှုအပြည့်နဲ့ကြီးပြင်းလာတဲ့ကောင်လေး ထိုကောင်လေးနှစ်ယောက်ရဲ့တွေ့ဆုံခြင်းမှအစပြု၍........ တစ်ယောက်ကလည်းခပ်ချေချေ တစ်ယောက်ကလည်းအမြဲပြုံးပျော်နေတတ်သူ သူ...
