"မြိုင် ... မာမီကမြိုင့်ကိုတွေ့ချင်နေတဲ့ပုံပဲ"
"ကိုကြီးအဲ့တာပြောမယ်ဆို မြိုင်ပြန်တော့မယ်"
ဟိဏ်းဆက်လေးကတော့ ဟိန်းသူ၏မျက်နှာကိုသာအရိပ်တကြည့်ကြည့်နဲ့လိုက်ကြည့်နေသည်။ မနက်စာစားပြီးကြသည်နှင့်ကိုယ့်လုပ်ငန်းခွင်သို့ ကိုယ်စီဝင်ရန် ခွဲခွာခဲ့ကြသည်။ ဟိဏ်းဆက်တစ်နေကုန်အလုပ်ထဲတွင်အာရုံသိပ်မရှိ။ ဟိန်းသူဘယ်လောက်ပဲပြုံးနေနေ စိတ်ထဲကိုတော့ဟိဏ်းဆက်မြင်နေရသည်။ ညနေအိမ်ပြန်ရောက်သည့်အချိန်တွင် ဟိန်းသူက အိမ်ပြန်ရောက်နေပြီဖြစ်သည်။ ကုတင်ပေါ်မှာ ကွေးကွေးလေးအိပ်နေသည့်ဟိန်းသူကိုတွေ့လိုက်ရသည်။ အိပ်ပျော်နေတဲ့ဟိန်းသူကိုကြည့်လိုက်သည့်အခါ မျက်လုံးလေးတွေတောင်ဖောင်းအစ်လို့နေသည်။ ဟိန်းသူငိုထားမှန်းအရမ်းသိသာလွန်းသည်။
ဘယ်လောက်တောင်ငိုထားရတာလဲအစ်ကိုရယ် ...
ဟိန်းသူကို စောင်လေးခြုံပေးပြီး အခန်းထဲမှထွက်လာလိုက်သည်။ တစ်ခါတစ်လေ အိပ်နေရင်းတောင် မေမေ မေမေနဲ့ယောင်တတ်သည်။ အခု ဘာတွေများပြောလိုက်လို့ ဒီလောက်တောင်ငိုထားရတာလဲ။ ဟိဏ်းဆက်တွေးနေစဥ် ဒေါ်မေဦးရောက်လာသည်။
"မေမေ ..."
"ဟိန်းလေးအခြေအနေသိချင်လို့လိုက်လာတာ ... အောက်မှာကားတွေ့ တယ် ... ဟိန်းလေးပြန်ရောက်နေပြီမလား"
"ဟုတ်တယ် ... အစ်ကိုငိုထားတယ်မေမေ ... ဘာတွေများပြောလိုက်လို့လဲဆိုတာ သားကိုလည်းမပြောပြသေးဘူး"
"လဲ့ကြည်ကသားနဲ့လမ်းခွဲပြီးသူ့ဆီလာဖို့ပြောခဲ့တာ ... မြိုင်ပြောပြလို့ မေမေလည်းသိခဲ့ရတာ ... ဟိန်းလေးကဒီကိစ္စကိုဖုံးထားတယ် ... မျက်နှာသိပ်မကောင်းလို့ မေမေပြန်လွှတ်လိုက်တာ"
"အစ်ကိုကလေညဘက်ဆို မေမေ မေမေနဲ့ယောင်တတ်တယ် ... ဖြစ်နေတာကြာပြီ ... အစ်ကို့အတွက်စိုးရိမ်တယ်"
"လဲ့ကြည်ကသူ့အတိတ်နဲ့ကလေးကိုရောထွေးနေတာ ... မချစ်မနှစ်သက်တဲ့သူနဲ့ရတဲ့ကလေးဆိုပြီး ဟိန်းလေးကိုရောထွေးနေတာ"
"မေမေ!"
ဟိန်းသူ အခန်းထဲကထွက်လာသည်။ ဒေါ်မေဦးကိုမြင်လိုက်တော့ မျက်နှာလေးကနည်းနည်းလေးပြုံးလာသည်။
YOU ARE READING
ချစ်ရပါသော"ညီ"
Romance[Unicode]အဖေမရှိတော့ဘဲ မိထွေးရဲ့အရိပ်အောက်မှာကြီးပြင်းလာတဲ့ကောင်လေးနဲ့မိဘရဲ့အရိပ်အာဝါသအောက်မှာနွေးထွေးမှုအပြည့်နဲ့ကြီးပြင်းလာတဲ့ကောင်လေး ထိုကောင်လေးနှစ်ယောက်ရဲ့တွေ့ဆုံခြင်းမှအစပြု၍........ တစ်ယောက်ကလည်းခပ်ချေချေ တစ်ယောက်ကလည်းအမြဲပြုံးပျော်နေတတ်သူ သူ...
