Unicode
ဟိန်းသူ၏စကားကြောင့်ဟိဏ်းဆက်ကလေးမျက်လုံးလေးပြူးပြီးဟိန်းသူကိုမော့၍ငေးစိုက်ကြည့်နေမိသည်။
"ညီ ထတော့ လမ်းမကြီးမှာ မကောင်းဘူး ၊ ကားလာရင် သေနေမယ်"
"ဗျာ!!! ဟုတ်ဟုတ်"
"ကိုယ်ကားသွားယူလိုက်ဦးမယ် ဒီကစောင့်နေနော်"
ဟိန်းသူသည်ဟိဏ်းဆက်၏ဆံပင်တွေကိုလက်ဖြင့်ထိုးဖွကာပြုံးပြပြီးထွက်သွားသည်။
"ဟုတ်"
ငါတော့သေတော့မှာပဲ။အသက်တောင်ရှူဖို့မေ့တယ်။
ဟိန်းသူ၏ကားလေးသည်ဟိဏ်းဆက်၏အရှေ့သို့ရောက်လာသည်။ဟိဏ်းဆက်သည်လည်းကားထဲသို့ဝင်လိုက်သည်။
"ညီ!"
"ဗျာ!"
"ဒီနေ့အတွက်ကျေးဇူးပါ"
"မဟုတ်တာ ကျွန်တော်လည်းပျော်ရတာပဲ ၊ ကျွန်တော်ကသာကိုဟိန်းကိုကျေးဇူးတင်ရမှာ"
ဟိန်းသူသည်ပြုံးသည်။ဟိန်းသူပြုံးလိုက်သည့်အခါတိုင်းဟိဏ်းဆက်ငေးကြည့်နေမိသည်။ဟိန်းသူသည်ဟိဏ်းဆက်ကိုအိမ်အထိပြန်လိုက်ပို့ပေးခဲ့သည်။ဟိဏ်းဆက်အိမ်သို့လမ်းလျှောက်သွားသည်ကိုဟိန်းသူမျက်စိတဆုံးလိုက်ကြည့်နေသည်။
နှုတ်ဆက်ခဲ့ပါတယ်ညီ။
ဟိဏ်းဆက်ကိုလိုက်ပို့ပြီးသည့်အခါမေမေ့ရုံးအရှေ့ကိုသွားခဲ့ပါသေးသည်။မေမေသည်ယောကျာ်းတစ်ယောက်နဲ့ပျော်ရွှင်စွာထွက်လာသည်ကိုဟိန်းသူတွေ့လိုက်ရသည်။မေမေပျော်နေသည်ကိုဟိန်းသူသည်လည်းပြုံးပြီးလိုက်ကြည့်နေမိသည်။
ဟိန်းသူသည်မေမေ့ရဲ့ကားအနောက်မှလိုက်ခဲ့မိသည်။အိမ်ကြီးတစ်အိမ်ထဲကိုကားဝင်သွားသည်ကိုတွေ့လိုက်ရသည်။
ဒါမေမေနေတဲ့အိမ်ပေါ့။မေမေ့သမီးလေးဆိုတာကကျွန်တော့်ညီမလေးပဲပေါ့။သားလည်းညီမလေးလိုမေမေ့အနားမှာနေချင်တယ်မေမေရယ်။
မေမေအိမ်ထဲသို့ဝင်သွားသည်အထိဟိန်းသူလိုက်ကြည့်နေမိသည်။မေမေ့ရင်ခွင်ထဲမှာသူနေချင်သည်။မေမေ့ရဲ့အချစ်တွေကိုသူခံစားချင်သည်။သို့ပေမဲ့ကံတရားသည်သူ့ကိုအခုလိုပျော်ရွှင်ရန်ခွင့်ပြုချက်မပေးခဲ့ပါ။
YOU ARE READING
ချစ်ရပါသော"ညီ"
Romance[Unicode]အဖေမရှိတော့ဘဲ မိထွေးရဲ့အရိပ်အောက်မှာကြီးပြင်းလာတဲ့ကောင်လေးနဲ့မိဘရဲ့အရိပ်အာဝါသအောက်မှာနွေးထွေးမှုအပြည့်နဲ့ကြီးပြင်းလာတဲ့ကောင်လေး ထိုကောင်လေးနှစ်ယောက်ရဲ့တွေ့ဆုံခြင်းမှအစပြု၍........ တစ်ယောက်ကလည်းခပ်ချေချေ တစ်ယောက်ကလည်းအမြဲပြုံးပျော်နေတတ်သူ သူ...
