رووف- اخوتي كلمن معتمد على روحه بلبسه وصرفه على نفسه يدرسون ويشتغلون وامي تعيش من تقاعد المرحوم خواتي متزوجات وموضفات هم الحت امي عليه بسالفه الزواج وقبلت تقدمت لكم وحده ورفضتني. وكعدت وسكتت اليوم الصار فرحني حيل رغم اذاني بكد فرحتي من شفتها طالعه وي ولد ومن حجيت وياها كالت صديقتي طالعه وي حبيبها ومردت اعوفها وحدها والفرحني انها لجاتلي الي فرحت حيل رويده بالنسبه الي مثل الشلال الكهربائي اللي استمتع بمراقبته واشتهي الزمه واخاف لا اتكهرب الايام تمر سريعه. رحت كم مره بيت عمي شفت البنات ومشفت رويده البنات هم مثلها اشعر باستصغارهم بس البس اغلس مااهتم بت عمي الجبيره
سرى- هلو رووف شونك
هلو سروشه
هله بيك خاله شونها الولد
زينين يم الله الحمد لله
الحمد لله البارحه شفتك دتفوت للمعهد
اي كبال كليتج اني علطول اشوفك واكول للاساتذه ويايه هاي بت عمي
هههه اكولك عدكم مدرس اسمه استاذ معد
اي صاحبي هذا ويايه ليش اباوعلها وجهي يضحك واعدل بنضارتي الجبيره كالت
لا هيج مرته ويانه بالجامعه
هاا اي ادري بيها عدها شامه بخدها جبيره
اي هاي
اي
اكولك شنو هو شبي خبل
ليش
شو بس يرزل بيها ويضربها كلما نكعد تشكي منه بشكل مو طبيعي
والله سروشه مادري البيوت اسرار اني ماحب ادخل روحي بقضايا مالي حق بيها
صح والله
---الحياه تعلمنا من خلال احاديثنا وي البشر ومواقفنا معادنهم هواي ناس تتوقعيهم شي ومن تكعدين وياهم تشوفيهم شي مغاير هواي للحسبته
اني سرى اداب مستنصريه ملتزمه خواي وبالبيت يصيحولي خواتي المعقده مجان يهمني هالشي المهم عدي اكمل واتوضف هاي اذا لكيت تعيين حلمي اكون شي بالمجتمع سيارتي الخاصه اكبر احلامي اهلي ملو مني كدما ارفض قسم الارتباط اكبر مخاوفي عدنا بنيه ويانا اسمها سالي هاي بكل كعده تفرها على رجلها وعالويلات التشوفه وياه من ضرب وشتم ونوبات تبالغ اكول لصديقاتي همس مو جنها حمت يكولولي سمعي وغلسي لحد مافد يوم مصادفه شفتها بباب الجامعه وي زوجها وابن عمي غلست وفتت بس صوت رووف رجعني
سرى
ها هلو رووف
هله بيج اي شي تحتاجي اني كبالج
ههه شكرا جزيلا بقيت اباوع لزوجها باوعلي مستغرب وعفتهم وطبيت من ذاك اليوم كمت كل مااطلع اشوفه جانت نضراته مستغربه مااعرف ليش ونوبات احسه يخزر بيه. اني اغلس وافوت بس جذب اهتمامي هواي بنضراته مروه اختي هندسه اتصالات اخر سنه نفس جامعتي مراوي وخدها قضيه
مروه- ها سرى كملتي
لا بعد محاضره
اني خلصت راح ارجع
يله اوك ارجع وراج
مروه - فعلا الحياه فرص واني بعد لسه مجتي فرصتي واذا جتي الزمها بيدي وسنوني عمري22 سنه شاطره كلش مشكلتي جبيره وبس اختي تعرف بيها ومحد يعرف مشكلتي احب شخص اكبر مني ب13سنه. مدرس جامعي ارمل وعده بنيه شون حبيته شون تعلقت بي وكبر بكلبي جانت من معجزات قلبي
استاذ رضا
قبل غام من هيج وكت انضربت بماطور وسببلي فطر بعضم الفخذ ولازم ابقى سبوعين بله حركه وهالاسبوعبن جانت امتحاناتي واني متفوقه حيل استاذ رضا جان مياخذنا لان جنت صف ثاني وراهازصرت صف ثالث وكام ياخذنا بس بوكتها من انضربت جان مو علينا ماعرفه بالغلط بابا راح عليه وطلب منه انه تتاجل وهو مرده وسواله بيده التقرير بعد الشهر ماكمل رحت وي بابا واجه عليه كالي هذا السوالج تقريرج انصدمت
بابا هذا ميجينا
صدك لعد خطيه تكلف بالسالفه كلها
خرب شكد عيب اجه من بعيد الاستاذ ووجهه يضحك جان من زمان يجذبني هندامه وترتيبه وشكله الرزن الشيب اللي باطراف شعره وابتسامته وكف يمنه تصافح وي بابا وسلم عليه مااعرف شنو بيه تاثر بحيث حتى عيني دمعت من ذاك اليوم لليوم واني كل تفكيري بي راح تشوفوني ساذجه بس مو بيدي مو اي شخص يعجبني مواقفي وياه متعدده عالصابع هالسنه اخذنا ومن يفوت ينطي المحاضه ادوخ لدرجه احفظ كل كلمه تطلع من شفته مااكدر احرك بؤبو عيني من عليه نوبات اشوفه يخلي عيني بعينه يبتسم وينصي روحي تفرفح من يوصل يمي وينطيني الورقه ويكول اسمي ويباوع بعيني حمار خده وتلوينه عينه تاسرني اسر لحد ما يوم من الايام
سرى اني طالعه
وين لج توها بالعشره
لج نفسي دتلعب فد نوبه وراسي حيطك خل اروح احسلي
ها زين عود خابري من توصلين دااطلع ولمحني ديفوت لقسمي التفت كال
مروه
نعم دكتور
بابا موعدكم محاضره ليش طالعه من القسم
اادكتور رايحه للبيت شوي دايخه بقه يباوعلي بشك واني عيوني تغوش لحد ما دخت لزمت الحايط راسن اجه كدامي كال
بنتي شون تطلعين وحدج عدج سايق
لا همست منصيه جسمي يرجف مدري مريضه مدري وقع ايده على ساعدي كال
تعاي ارتاحي بالغرفه بينما ماكمل محاضره
لا دكتور العفو
لا اني مصر انتي هم مثل بنتي
هزيت راسي اباوع بعينه اوك دكتور مشيت وراه وكلسا يلتفت عليه صاح عالمنضف كاله جيبلها بطل مي وكون مو بارد وباوعلي
بنتي اني انطي محاضره واطلع تكدرين تخابرين اهلج
بقيت اباوعله وانصي
ها
دكتور بابا بالمكتب ميكدر يعوفه واخويه بالشورجه هسه اختي تكمل ونطلع سوه شكرا وكفت كال
اكعدي بابا ارتاحي ممتزنه انتي
اوك كعدت لان صدك جنت دايخه غمضت واتذكر عيونه القلقه ولزمته كلبي يدك سريع نص ساعه ورجع مكمل محاضرته طب باوعلي جنت مغمضه والدوخه لعبت لعب بيه لازمه راسي وكاعده عالقنفه كال
مروه شون صرتي باوعتله نازع سترته ومخليها عالمرسي ماال مكتب هزيت راسي اوك وكفت
كال
بنتي اختج كملت محاضراتها
مجاوبته هزيت راسي بس طلعت ورجعت الدوخه بقيت لازمه الحايط سمعت صوته
بابا انتو ليش هالجيل عنادي ابو محمد فدوه بس الستره من يمك وسد الباب طالع اني بقيت اباوعله مال
اوصلج
لااستاذ فدوه
بنتي ابوج وكفاته حلوه قضيتين عدي فضها وانتي مثل بنتي اعتبريني صديق ابوج بقيت اباوعله دكتلي سرى
الو
وينج وصلتي
لا جريت نفس انتي وين
محاضره عدي هسه
اني حروح للبيت وي الاستاذ
يا وين عزه بعينج
سرى مدااكدر احجي
اوك روحي يااستاذ اللي اجه ببيتنا
اي
دروحي الله وياج خرب يومج
سديته باوعتله مشه كدامي واني امشي وراه كلسا يلتفت يباوعلي بقلق وصلنا كال انتضري هنا اطلع السياره من الكراج طلع السياره ووكف صعدت احس عيون الطلاب عليه بس همه شافو بابا كم مره تردد عليه صعدت ليكدام سديت الباب وطلع بهدوء ورزانه ريحه السياره ونضافتها جذبتني وصحصحتني وانشتلنا بالترفك باوعلي كال
شون تحسين روحج
ابتسمت باوعتله هزيت راسي احسن بقه يباوع بعيني مستغرب نضرتي دار وجهه كال
انتو جيل هالوكت كل اكلكم مو صحي لو تطلعون بله ريوك وهالشي غلط
بقيت ساكته ابتسمت درت وجهي عالشباك
لازم معجبج كلامي
دكتور ليش دائما توضح فكره انك من غير جيل ومن غير قرن بقيت اباوع بعينه باوعلي مستغرب كال
يعني قصدي شباب هالوكت
ليش انترشكبراتك قابل بقيت اباوعله بتسائل ومبتسمه باوع بوجهي وملامحي ودار وجهه كال
اني بعمركم جنت متبع نضام صحي. هذا الاقصده
امم بس اني هم مافوت وجبه
عاشت ايدج لعد الوش اليوم هيج صار عدج اني داءئما اشوفج نشطه بالقسم وحتى بالسنتر وضحكتج متفارك شفافج ليش اليوم متغيره خاف ماخذه برد
بقيت صافنه يعني منتبه عليه باوع بعيني مستغرب هيج عيوني فاضحتني كال
شنو شبيج كالها مستغرب
جريت نفس ودرت وجهي اي يمكن مستبرده
ديري بالج بابا هالسنه انتي رابع ومرحله صعبه وصحتج تاثر على مستواج الدراسي بنتي
اوك استاذ جريت نفس عدك بنيه بعمري
ههه لا بنتي متوسطه بكد اختج الله يحفضها الصغيره شسمها نسيت
هدير
ايي هدير اساسا وي نور بالصف هي سباعيه
اممم عراكه
اي عكسج تماما
شون عرفت اني مو عراكه ههههه مشايفني من اهد باوعتله التفت يبتسم يباوع بعيني
ههههه ممبين
دك تلفوني بابا
الو ها بابا اي دخت لالا خطيه دكتور رضا وصلني باوعتله ابتسم ودار وجهه بابا نتر بيه
لج بابا ليش متصلتي والله حتخزوني انتو بقيت ساكته كال دروحي روحي سديته وره مسده باوعت للدكتور كال
شكلج ترزلتي
ابتسم اممم
هههه ميهم اني احاجي ذهب والدج حيل احترمه اني
تسلم دكتور مو احسن منكم جر نفس كال
هدير شونها بالدروس من شنو تعاني،
والله استاذ عدها فيزيا تضوج منه بس اني ادرسها وتكعد وزن
ها تعرفين يعني
اي شيرادله باوعتله عكد حاجبه
كل شكد تدرسيها
يعني كلزاسبوع السبت الزمها ساعتين اخلصلها فد فصل تفتهمه وهي راسن تاخذ
ممم كالها وسكت يباوع للطريق
ليش بنتك تعاني من الفيزيا
نور دمارها الفيزيا ومشكلتها متحب الارتباط وي الاساتذه تضوج لان كومه طلاب وياها حاولت اخلي استاذ خاص يجيها للبيت متوفقت لان كل اليدرسون يردون اكثر من طالب بالقليل اربعه ومتعرف على تدريسي
اممم صح زين تحب ادرسها وي هدير كل اسبوع جيبها
لا اسوي زحمه وانتي منا جايتج امتحانات
لااستاذ والله خجلتني
لا بابا ميصير الا اذا اخذتي. اجر عليه ذاك الوكت اجيبها واني الممنون ها شتكولين
باوعلي مبتسم هزيت راسي اوك بس ردت خيط وصل كال
هاي هي السبت اجيبها اذا سمعت وي هدير راح تفرح
هواي تحبها لبنتك
نور هه نور هي الطلعت بيها من هالدنيا اريدها تكمل دراستها بافضل طريقه وصراحه هي الذكرت انج تدرسين هدير ومستوى هدير فوق الممتاز فجرجرتج بالكلام هههه ووكعتي بمصيدتي
بقيت صافنه كلبي يرجف وي كل كلمه يحجيها ونضراتي تفضح وهو يباوع مبتسم نزع النضاره الشمسيه وخلاها بجيبه التفت باوعلي كال
اكوشي تردين تكولي
شنو مثليش
مااعرف اخاف عدج اعتراض على دراستج لنور احجي بابا اذا متكدرين كولي
لا استاذ بالعكس
لعد ليش هيج تباعين محتاجه شي بدراستج خجلانه تطلبي
لا احم درت وحعي عالشباك خرب بيومي وصلنا للبيت كال
دير بالج على صحتج بابا وراج امتحانات محد يفيدج كد دراستج
اوك استاذ مشكوره
اهلا الله وياج وشكرا على نور
اهلا بيها السبت انتضرها
ماشي هاهي ممنون منج بنتي كالها وطلع بنتي وبنتي خبصني خبص طبيت للبيت نزعت ونمت راسن تعبانه كلش مدري شبيه
ام حسين- مروه ماما شبيج
مابيه شي بردانه شوي
دنامي وتغطي زين ابوج خابر كال وصلت كتله اي
مو تلفوني طفا زين خابرج
هدير- طبيت لكيت حسين وسليم بالباب طبو للطرمه يتحاسبون باوعتلهم اضحك اباوع عالفلوس واباع على سليم وعلى حسين
حسين- ها شبيج لج امشي يله فوتي
مافوت اذا متنطيني منها
سليم- هههه قطاع طرق
اي معليه طيني منها اريد 5
لج دمشي لللج امشي فوتي
ماه تطوني لو مافوت
لج بابا بله شقه ماصخ
سليم- عوفها حسين هاج يابه ولا يهمج عشره بمكان الخمسه بعد
عهههههه شكرا سلومي فدوه لكلبك
حسين- ابقي هيج مثل الجهال طاح حضح
سليم- ابتسمت لطفولتها شكد احبها لهالبنيه تنكرط كرط احب اباوع عليها من تصنف ومن تضحك وتكمز اوف ماخذه كلبي من صغرها
رويده- بعد الصار احمد تغيير عليه ومكام يتصل الا نادرا اخابره كل يوم اخر شي رزلني كال مستوايا صار زفت لتتصلين بعد التهي بدراستج واني التهي بدراستي متخجلين راسبه سنتين وممهتمه بمستواج الدراسي تره انتي كبرتي رويده
بقيت مصدومه محجيت شي كال
اني وياج نفس العمر لازم تنتبهين لروحج مو طفله انتي ومنا وجاي كلمن يروح لطريقه
اوك همست
الله وياج
اوك سده مني وبقيت ابجي تعلقت بي كلش شبيه اني عبالك جاهله طز واذا مراح صاحت ماما تعالو عالغده طلعت بابا كاعد يحجي وي هدير ويسالها عن ابو صديقتها نور وهي تجاوب كعدت كال
وانتي رويده شونج بدوامج
زينه ببا باوعت لسليم يباوع لهدير وطته ماما خاشوكه دياكل ويانا رجعت نزلت راسي عالاكل بدون شهيه اكلت لكمتين وكمت -----
