حسين- شبه مستعد. رووف يكولي يرادلك بعد. واني بديت اتعب وامل اريد اخلص رويده جتي يمنا ضايك خلكها. محجت شي الوالده حاولت تستفسر مقبلت تحجي عافتها براحتها. تروح وتجي وي رضا للجامعه صارلها يومين
رويده- داراجع بالملزمه وحسيت احد خله شي عالمصطبه بصفي التفتت رووف جايب نستله وعصير رفعت راسي باوعتله ودرت وجهي عنه كعد يمي كال
شونج
موزينه جاوبت بدون ماباوعله
روحي طكت وحدي اليوم ارجعج. ضايج والله نوم مدتشوف عيني تعلمت عليج حيل تعلقت
ماارجع مو متريد مني جهال شكو مبقيني رووف هو الزواج شنو غير تكوين اسره باوعت بعينه عكد حاجبه جر نفس ووكف كال
تحضري الضهر نطلع نتغده بره
ماريد
رويده لتستفزيني ولتقيسين صبري داكولج مااكدر ابات وحدي روحي طكت
باوعتله بعينه ودرت وجهي سمعته جر نفس والتفت كال
ب4 امرلج لتتغدين
هزيت راسي بالموافقه راح للمعهد
كملت محاضراتي ورجعت وياه مرلي للجامعه دااطلع لكيته واكف وي رضا شافتي كال اصعدي يله
رضا- ها انت توصلها
اي ويايه روح الله وياك
يله فيماللا بس عود خابره لعمي
اي خابرته ليضل بالك
ماشي الله يهديكم
رويده- صعدت وياه درت وجهي عالشباك مد ايده يلزم ايدي شلتها
حبيبي لتسوين هيج
تره صعدت اريد تبرير باوعتلها بغضب باوع بعيني وجر نفس دار وجهه وصلنا لبيت اهلي كال
بدلي دنطلع
مالي واهس
ميخالف غسلي بدلي. عازمج حتى احجيلج مو تردين تسمعين وابررلج
اوك هزيت راسي نزل ويايه طب يم اهلي بدلت ومكيجت خفيف حتى اضوجه وطلعت بابا كال
ها بابا طالعين
اي بابا
رووف- وكفت يله عمي فيماللا
الله وياكم يابه. رويده ماوصيج برووف
اي بابا
رووف انت هم يابه لتخلون العصبيه تدمر حياتكم هاي احلى ايام دتعيشوها
صار عمي
رويده- طلعت ملكيت سيارته
سيارتك وين نروح مشي
اخذها سليم طالع وي هدير
لعد شون نروح
نتمشى للمطعم مو عاجبج هذا المطعم الجديد
