مروه- سكتت شكو بيه احساس رجف ومااعرف ليش نزلت دموعي شبيج مروه مو هذا الانتضرتي تسمعتي بعد شتردين اسمعه يجر حسره كال
مروه
همم كلتها بخنكه مدري شبيه بجيت بس كلبي فرحان
مروه تسمحيلي اشاركج حياتج والا كولي هاي حياه مروه يعني ارتباط
سكتت كال
لتخجلين بس هالمره احجي بداعت اعز شي عدج
مكدرت ارد رغم علاقهزالصداقه الغريبه واللي مالها معنى بس مكدرت اعترف كال
مروه الله يخليج احجي توافقين بواحد مثلي
بس كولي لو اي لو لا
امم كلتها بعد سكوت كال بنفس ضايع ومخربط و مخنوك
احجيها بداعتي
تقدم رضا اني معجبه من زمان من جنت تفوت تنطي محاضره جر حسره وسكت كال
يعني ورجع سكت نفسه حيل مخربط واني كاطعه النفس اعصابي متشنجه ودموعي بس تجري رجع كال
يعني الجنت احس بي صح
شجنت تحس همست
جنت احس اكو كلام بعينج
امم مجنت اكدر امنع عيوني
وتلوميني من اكولج اريد اشوفج
جر حسره كال
عاشك طولج اني عاشك حته ضلج طلعت من تربيتي واخلاقي وياج جنت اتاذه من التقي بوالدج رغم كل الجمعنا صداقه. بس بداخل كلبي كل حرف منج يلعب باحاسيسي بس يشهد الله نيتي جانت طيبه
ضوجتني مرتين شهكت من تزوجت ومن جبتلي خطابه همس
مروه عيوني انتي اذا عالزواج جان مخطط الاهل لخاطر نور وتورطت بي وجنت متاكد منكم مراح تنطون لان مو صغير اني وانتي ميعيبج شي حتى تتزوجين واحد اكبر منج 15سنه وعده بنيه
رضا يعني مجنت تحس بيه يعني مغرت علبه من جبتلي صاحبك يرتبط بيه
هههه شفتي غيري بصاله بيتكم من اجيت لبوج
جج
مامو صاحبي مخبل اني انطي الاحبها لصاحبي ليش هيج كرن
يعني شنو
يعني باختصار جيت اجس نبض تنطون لهيج مواصفات لو لا ونفس الوكت لااخسرج ولا اخسر والدج ولا احرجكم ولا احرج روحي
وهسه شنو التغير
هسه اااخ ربي هسه مشتعل بركان اموت ولاغيري يمسج بنضره
