رووف- رجعت سيده لاهلي شفت رفيف وكعدت شوي امي وروعه انخبصو خلو الغده يابه مااكدر والله معدتي كالبه من الاكل مال ريوك روعه كالت
يخاف من مرته عيني
مزدرتلها بال وكفت بست رفيف. يله حروح كالت
العصر امرلك
انشاء الله انتضرج. على عشا تره
وشحتسويلي.
تخوصرت تبتسم.
التردي يجرالج
اريد كباب شوي دجاج.
تدليين واحاى دجاج ومقبلات
فدوه لكلبك دروح خويه طريق السلامه سلم على رويده
وعليكم السلام يله فيماللا يوم
الله وياك يمه
طلعت اباوع عالساعه يا الله ب4ونص تاخرت عليها هي منا مدري شبيها وصلت للبيت فكيت الباب البيت صنطه وحتى اكل عالطباخ ماكو ضل بالي صعدت لكيتها نايمه والغرفه ضلمه
شغلت الضوه تقربت عليها مغمضه وخدودها حمر. تناكل اكل ابتسمت تلمست خدها شفتها مجمره تلمست كصتها. حاره تصمط. رويده لج رويده باعيني
همم
شو كومي تره مصخنه وخري الغطا. اشو كومي
بارده بارده
لج بابا مصخنه كشفتها شعرها مخربطت تريد تشيل راسها متكدر عيونها متكدر تفتحها
لج عيني شبيج
راسي حيطك
كومي لبسي اوديج مستشفى.
ماريد همست اخ يابه
جريتها من الفراش كعدتها رجيت وراها المخاد رجت راسها عالتاج شلت شعرها ثبرني خليت الكماشه اباوعلها رايحه راخيه
شيوجعج يابه حاحيني
راسي وبلاعيمي
سلامتج بس تكشفي موزين
لالا باردتلي عفيه
جريت الجرجف غصب عنهاا شمرته واشوف الفراش كله. دم. فزيت لج هاي شنو
عزه والله مادري روح اطلع عفيه
ولج شطلع هاي شنو فهميني شنو منين
روح رووف حباب غطيت وجهي كورت جسمي خجلانه. انتبه كال
ماشي ماشي طالع. اجلتبجين كومي بدلي بسع. موزين بروده يصير
