رويده-
تغيرت نضرتي للحياه كرهت حيدر وعرفت من وراه اخسرت احلى سنين حياتي الحب لايكفي احيانا. فهمتها متاخره. مرضي اللي صرت اخاف انام وتجيني الحاله ويرجع الالم الاشوفه بدقيقه يمر عليه بعشر سنين احقد اكثر على كل الاذىني ابويه الخلفني ماحن عليه لحد الان اتذكر البرد الاكلته والخوف بالضلمه واني اشعر بالفار ياكل باضفري ومااكدر اتحرك تقلصت كلي. تردوني اسامح
مااكدر بعد
اعرف غلطت بحقكم عشت ايام ضنين بيها من المستحيل اكدر اعيش بله حيدر وهالوكعه وعتني حيل عرفت الدنيا مو بس رجل الدنيا مشاركه مثلي مثله واني هسه ممحتاجه لاحد ماريد احد اهلي ملزمين بيه من اغلط ذاك الوكت الهم حق يجبروني. بعدني ليهسه من. اتذكر صياح رووف اسد اذني وارجف نفس الرجفه شون ارجع واعرض نفسي لاحتمال تكرار هاليوم ليش خلوني حالي حال هدير. ماريد رجال بحياتي بعد. ماريد اي احد ----
صوتي اللي انبلع ومديطلع رغم اني مرتاحه وماحاول.
صار كل همي دراستي مو دائما يكولي عله خواتج انتي اريد اصير حالي حالهم وادخل كليه والكل يخليلي احترام رويده زمان راحت يابه
سرى- مر يومين وتحدد الزفاف الحنه تصير بقاعه حتى نفس الوكت نلبس الذهب تلفون يوميه مخابر ساعه ساعتين بس اللاحضته
انه عصبي كلش واخلاقه تغيرت عاتبته وبدت المشاحنات
حبيبي شبيك
شبيه مبيه شي
ليش بس ترزل وتحجي حجي موحلو اني سرى معد
شحاجي اني هسه
معد شنو تكولي اكسر رجلج اذا وصلتي للباب
مااتحمل سرى وتدرين بيه من اول
معد بالاول جنت تكولي بغير اسلوب اسلوبك تغير بهالسنه
اي هو اني انجلبت شرايده
بقيت ساكته غمضت عيني وانقبض كلبي
سرى
مرديت
الوو يمعوده
اهووووو
نعم خير نترت
احترمي نفسج لج شنو صغير تحجين هيج
همست لعد حلوه من تحاجيني حجي عبالك تحاجي جماعتك حلوه هيج
انتي صايره اقل شي تتزعلين
يعني انت اذا ترضاها عليه اعيش وياك بهالاسلوب اعيش عادي بس تشوفني استاهل
