رويده- اخر اشخاص بحياتي ردت اشوفهم تمنيت اشيل من المنطقه كولها ولا اصادفهم بيوم واكفه بالمصعد على اعصابي رووف يباوع عالارقام كنما مشتفهم ضلت يتهامسن ويصنفن اسمع تصنيفن العديمات الذوق
ياسه- بعده على كرشه ههههه حيوكع بينا المصعد خل نتشاهد ههه
رباب - يا يمكن تزوجها طبعا العار مايلفه غير اهله اكولج هاي شون تصير العمليه بينهم هههه مامو نسبه وتناسب هه مترهم شون مافرها براسي مترهم هو كرش وهي قمجي عرنبجي
ياسه- باعي قميصه الاثري باع البنطرون صاير خاكي من الغسل بس زين مكويه هدومه
رويده- اعصابي ترجف حسيت رووف گادني من ايدي باوعتله ميباوع عينه على باب المصعد بس وكف نزلنا راسن وهمه ورانا ميتات ضحك
متت قهر وحركه ادري الله ميطلعها بيهم صرت اعصاب اني صوجي طلعت وياه هو ميعتني بنفسه ومديفهم لو شكد مااحجي كمت امشي سريع وهو ورايه صاح
اوكفي رويده ع
مدرت بال
مو وياج يابه اوكفي حتخليني اركض وراها
وكفت باوعلي بغضب مو داحاجيج
خل نرجع للبيت
لتهتمين همه اربع وعشرين ساعه يفرفرن بالمول
بقيت اباوع بعينه بغضب
هسه اني شعليه نترت
جان مفروض مااطلع وياك رووف عفته ومشيت مشه ورايه اسمع جر حسرته والتافاف مالته صعدنا بالسياره ورجعنا للبيت كبل صعدت شوي وصعد ورايه طب وركع الباب باوعتله صاير عصبي
اني شعليهه منهم اذا هيج شكول ياثرون بيج فانتي وحده ماعدها شخصيه
المشكله مو بس بيهم المشكله انت تسوي واهس واحد يضحك علينا
ليش بله شبيه شلت ايدي واشر على روحي بعصبيه
رووف انتبه المضهر هم مطلوب افهمني الله يخليك مو ميت مره لمحتلك وانت ممهتم لخاطري اقلها
شترديني اسووووي صحت كلشي ميعجبببج
اني اني ميعجبني ليش هيج تكول. خنكتني العبره اباوعله صار عصبي بقه يباوع بعيني بغضب كال
شنو التردين فهميني مو طلعت روحي والله العضيم
بس انتبه لنفسك
التردي كولي والمتردي كولي واني وياج وييياج بعددددد عايل اني
حشاك همست بقيت اباوع بوجهه دار وجهه عاكد حاجبه عافني ونزل ركع الباب فزيت بقيت مغمضه عاضه شفتي جرحته وميستحق مني هالمعامله الوحيد اللي فتحلي ايده بعد ماالكل دفعني عن حياته
شوي وصعدت روعه طبت باوعتلي بحقد كالت
شبيج وياه مو عالكلج العشره شمع ليش تاذي لييش مو حرام عليج هاي جيف حلوه انتي ليش هالغرور مو حتى الله ميرضاها
مهتميتلها كمت ارجع هدومي ضلت تحجي تحجي اخر شي عططت
روووعه لخاطر الله تركيني
