رووف- عمي شنو السالفه سديت الباب بعد متركها عمي مفتوحه محد جاوب بس صافنين ومرت عمي تبجي باوعت لرويده تبجي كتلها
شنو اختنكتي شبيج
رووف اني كطعت اوردتي هسه تذكرت
جانت تبجي وتشهك رجعت كالت والله محسيت عبالك مو اني بس هسه صافنه وتذمرت من كمت اكطع بيها بموس بالحمام وتخبلت
باوعتلها ميته بجي ووجعها احمر
ميخالف موضوع خلص باوعت لعمي جر نفس كال
بابا روحو نامو انتو خلوها يمي اجتنام يضل بالي
رويده- لا بابا والله مبيه شي بس هسه تذمرت وانهاريت
شكلت اني
اوك بابا
طلعو خواتي ومروه تباوعلي وطلعت باوعت لرووف جر نفس كال
محتاجين شي نازل اجيب عصاير
عمار- لايابه سلاماك روح عمي روح
ماشي طلعت وعيني على رويده الحضنتها امها وتمسد براسها اختنكت اكثر بعد يومين ونرجع بعد ايام كضيناها بونسه
مروه- دانام بليل ودك تلفوني رضا ابتسمت صار هواي مداك من طلعنا لحد الان بس نضرات بيننا رديت
الو باوعت نور نايمه ولازمه ايد هدير
هلو مراوي
هلاو شونك
مشتاقين لصوتج يابه
هه الداعي اشوق
احلى ايام دااكضيها بحياتي
ههه ليش يعني
يعني بنتي طايره وي اختج وانتي كدامي
سكتت مبتسمه
ايي بعد
شنو
يابه شون مقلوبه اليوم هاي طبخج مو
اي ههه طبختها عالهيتر هه تبا للمستحيل
ههههه بس والله تخبل شوكت تكومين تسويلي
سكتت مرديت كال
مروه من نرجع امشي لابوج ولو الضروف مخربطه بس تعبني الانتضار
سكتت
ليش اسكتين اي لو لا متكلفج تره
اوك
اوووف كون ينطيني
الله كريم
تتوقعين يرفض
ليش يعني
يعني لان متزوج و ---
حنرجع رضا قاطعت كلامه سكت جر نفس
اسمي شون حلو بصوتج
ممم ههه شعاجبك باجر تتغده
لاعيب يابه الباجر عليه اتفقت وي ابوج شطلعت هاي
ميخالف جيب واني اسوي
اي والله ياريت لان اكلهم يخزي مال مطاعم
لا ليش هم طيب بس مو مثل اكلنا
مو بله اوك تسويلنا تمن شعريه برياتي يعني
اوك بسيطه
عاشت ايدج هه دنتعبج
لاعادي
بس تدرين اكلج صحي يعني خفيف شكد اكلت منتخمت
ماخلي دهن ابد
اي عرفت والله شوفي اني قدري جفجير واحد حاى ماخرب جسمي اليوم مامو دست محسيت على روحي الا واني بثاني ماعون.
بالعافيه
يعافيلي كلبج حنبقى نحجي بالاكل
انت دتحجي اني شعليه
اليوم طالعه كمر المشمشي يخبل عليج
شكرا
جنت اتمنى يوم واحد اشوفج واكعد وياج صارلنا سبوع بس نضرات اريد احاجيج قريب عليج اخجل عيوني مفضوحه وابوج محامي يلكفها
اممم ههه
احبج
ججج كافي
اموت عليج
رضا
ياعمره الفايت والجاي ياتعب السنين
حروح باي
يعني مادري شكول بس بداخلي كومه عواطف ولهفه
اكولك صدك انت وين.
بباب الغرفه الولد نايمين
عززه دفوت نام
مدااكدر مروه
يعني شون هسه
مروه اطلب منج طلب
نعم
مروه فتحي الباب بس اشوفج قبل لانام
رضا صدك تحجي
واكف اني بباب غرفتكم
ليش هيج
اوووف مادري ليش مادري.
رضا روح نام
مكدرت صار ساعه اتكلب اريد اشوفج
ماكدر
ليش هالقسوه مردت شي اشوفج ثواني
رضا واذا احد شافنا همس
