رووف- لحضه وحده وكف بيها الزمن. حست امي والحمد لله الضغط نزل سجاد بصفي مدري ليش احس بعينه كلام يروح ويجي بالدشداشه والسبحه بيده. نطونا تصريح خروج بعد ساعتين من يكمل السيروم وكعدت اخذ نفس. فرات علي عمي يمي ورضا خطيه اجه وراح وحتى معد متركني دقيقه جريت نفس هسه يله ارتاحيت كعدت
سجاد كعد بصفي
رووف مترجع لبيتك
لباوعتله مستغرب دار وجها جر نفس
شبيك ابو محمد احجيلي من العصر مومرتاح عبالك
يابه صارلك يومين منايم ارجع لبيتك
سجاد امي تره النايمه جوه
وهسه فاقت وحاجيتها وضحكت والدمتور نطه تصريح الخروج كوم لبيتك رووف
هاي شبيك سجاد اكو شي
استغفر الله لك عيني على بختك ارجع للبيت اوخابر اهلك
هاي شجاك وكفت بالي راسن راح لرويده سجاد ميحجي شي بلاش ابتعد بالممر عن احوتي واني لحكته دكيت لرويده مردت سديته وكفت يمه يلوب يروح ويجي يباوعلي واني وراه
سجاد احجي
رووف صدك تحجي مرتك تروح وتجي للمدرسه والمدرسه بعد شارع عن بيت طليقها وانت تدري هذا شسوه بيكم بابا هذا ناقص غيره
بلعت ريك. سجاد شكو رجعت دكيت لرويده مترد روحي رادت تطلع ادك واحجي
سجاد احجي بروح ابوك
رووف ارجع افتهم منها
شفتهم لتخبلني احجي شفته حجه وياك كلك شي
استغفر الله باوع رووف اني مو مخبل اخليك على عماك. ونفس الوكت اخاف عليك تصير مشكله مادري ششسوي من العصر ليهسه حيل مبقه بيه
شنو السالفه ضغطت على سنوني
فتت بالسياره من فرع المدرسه دامر للبيت الدابني. فتت من راس الفرح لمحتها وشفته واكف يحجي وياها بقيت واكف شوي داانزل وهي مشت سريع تركته بس مدري شنطاها بيدها اخذته وراحت.
بقيت صافن اريد اجمع اركز مكدرت طلعت من المستشفى وهو يلحكني
لك رووف افتهم منها
مجاوبت
رووف وروح ابويه مكدرت مااحجي رووف اوكف اخذني وياك
مهتميتله. صعدت وطلعت كبل وهو يصيح
لك روووف
بحياتي ممخذول هيج خذلان يعني --- ايست من حبها. واكيد يكون كاللها. انتهت فشلتي من سجاد طبيت بوسط هدومي شسويلها اذبحها اعصابي تلفت واني اتخيل شنو الممكن صار بينهم. شنو النطاها اياه. شنو الكاللها عليه باوع بعينها او يمكن اخذها للبيت هنا اني ردت اندعم وكفت على صفحه بس ردت اركز وكملت طريقي. وصلت لكيت سيارتي عد سليم بالباب وسليم جوه يحاجيها طلعلي من طبكت وطبيتلها راح سليم
