رويده- عدت بسلامات خابرت حيدر عاتبته
ورطتني رادو اهلي يحسون لو ما رووف
بس محد شافني اول مسديتي الباب شغلت وطلعت
اي بس عرفو بيه جنت بره
هسه يله الحمد لله مصار شي
جر نفس كال
جنت عطشانج بس شنو الفايده عطشان وشرب مي مسموم
خدرت واستغربت اخر كلمتين ليش هيج تكول
لعد شتسميها من ابوسج بالحرام بعد ماحنتي الي وبس وهسه لازم غيري يبوسج يله ترجعين الي
بقيت ساكته اختنك صوته كال
مخليت احد مسالته ماكو حل الا اذا تزوجج غيري
اهلي ماصدك بعد يرضولي ارجع وياك
ميهموني عسى ماخطفتج المهم تحلين عليه
بقيت ساكته
احبج رويده تمشين بدمي انتي
اخ يابه اموت عليك الدنيا داست علينا هواي حيدر
انعل ابو الدنيا لتخافين وحيدر وياج
بقيت صافنه هالكلام كاله قبل ليضربني بيوم وقبل ليطلكني هم كاله مرديت بقيت ساكته لحد ماغفى يردد
احبج ماعوفج
تاثرت حيل وغفيت على صوته وحسيت الصبح هدير دتفتح بالكنتور جنت جوه البطلنيه قفلت الحهاز وخليته بوجه المخده ضميته باوعت لهدير ابتسمت كالت
يله يله كملت نامي
رجعت نمت وراسي تفتر الف فكره غفيت مره ثانيه وكعدت ب11 كمت عالبيت وي مروه الجانت تسوي صاج دجاج مضفت بسكوت ماريد احاجي احد اخجل اخلي عيني بعين اهلي بابا اليوم مداوم من شافني تقرب مني باسني من راسي وحضنني بابا هالفتره زيد حنانه عليه بالذات اني كانما يكولي اذا عافتج الدنيا اني موجود وماعوفج جنت اتمنى بذيج اللحضات يضلمني لو ياذيني لو يهملني على الاقل حتى مااحس بتانيب الضمير بس هالشي ميمشي وي عمار عده البنيه مدلله ومعززه كملت شغل وكعدت بالحديقه وي بابا الجان يقلم باغصان الورد ويحجي ويايه
بابا الحياه محطات حلوه وموحلوه ناجحه وخاطئه قدر الامكان بني ادم لازم يستفاد من الخاطئه اكثر من الناجحه تعرفين ليش حبيبتي
ليش بابا جنت مركزه وي كل كلمه جنت احس بي حاسس انه اللي اجه حيدر مو رووف كال
لان الخاطئه نستفاد من عدها انه منعيد نفس الخطا بابا صح صعب عليج تتركين شي كلبج بيوم من الايام تعود عليه بس اذا ضغطتي على روحج شويه ولزمتي نفسج مده من الوكت راح تشوفين جرحج عادي وانه هالشي راح يوكعج ماراح يرفعج وتحمدين الله انه تخلصتي منه فاهمتني حبيبتي
اي بابا
بابا حبيبتي الانسان مو معصوم من الغلط بنهايه المطاف هو بشر ويتميز عن الحيوان بانه عده عقل وهالعقل حيخلي ميعيد الغلط مرتين ابسط شي الطفل اذا وكع من الحربايه وتعور راسه او اي مكان بجسمه وضل يبجي تشوفي ببديهيه بعد حيكون حذر من صعدتها ونزلتها او اصلا يخاف يصعدها لا يوكع نفس الوكعه لان الله خلقله عقل يمنعه من الوقوع بنفس الغلط
- بابا جان يحجي ومنصي عالورود يقلم بيها بالمكص واني وراه عالمراسي كاعده كمل كلام واني ساكته داافهم كل مغزى كلامه بس مااكدر انفذه واسوي التفت عليه كال
شو جنج معجبج الحجي رويده
لا بابا العفو كلامك ذهب
تقرب مني نزع كفوف الخديقه وتلمس شعري بحنان كال
المهم يدخل بعقلج وتفهمي بابا والاهم يتطبق هاي الحياه كدامج واني وامج واخوج وراج امشي حبيبتي واحنا بضهرج
برطمت وغمضت عيني لمني بحضنه
ممنوع بت عمار تبجي ابوج يبجي زلم مجرمين باباتي،
اي بابا شهكت ابجي كلت بعد ماحاجي حيدر ابد ليش ااذي بابا ليش ااذي اهلي وارجع واحول اني وحيدر انضلمنا بعمل شيطاني الله الكاتبلي اياه اشوفه لكيت روحي رجعت للسبح وللصلوات المحمديه رجعت اسويها 3000مره والكل انتبهو عليه مر 3ايام وروحي بدت تلوب عليه مدااكدر بعد كلشي بيه يريده ويريد صوته نامو اهلي وفكيت التلفون بتعب وعدم رضا عن نفسي وكلت هاي اخر مره اودعه وخلص كافي بعد ماكو امل بس فتحت الفون دكلي تخبلت لزمته بيدي صامت وهو ديدك عليه رديت وطبيت جوهرالبطانيه
الو صيح
هيج هيج منج
لتصيح عفيه
ليش لج ليش تردين الموت الي
مااكدر بعد حيدر طريقنا مسدود
انعل ابو الطريق تسدين حلكج وحسج ميطلع
حيدر اتركني ارجع لزوجتك صاح بعلو صوته
انتتتتتتتتي زوجتي. هيج ------منج
كافي بس عفيه
رويده اذا عفتيني اموت
ليش اني هسه عايشه
رويده لتسوين هيج اكتلها لروحي
فدوه لعينك حيدر مترهم بعد احنا حرام الديصير بيننا يعني لو وي الغريب اهون بس وياك مترهم بعد
لججججججج ياغررريب خرب ----
لتكففففففر كلت من بين سنوني بعصبيه --- شوف اخر مره تكفر بيها كبالي عالاقل اذا سمعتك كفرت اسده بوجهك وماخابرك بعد
تهدديني ولج
اي اهدد
ماشي رويده بس لتروحين تعبان لج داموت
حيدر كافي بعد مترهم
لج لتكولين مترررهم انتي اصلا بس الي
حيدر
من خرب حيدر وساعه السوده اليوم الاجه بي لهالدنيا الوصخه
ارجع لزوجتك وجهالك مرتك خامل بتوم حيدر
خرب مرتي
كافي عاد
اريد الج مااكدر اله انتي اني روحي بيج يعني مراح اعيش اله وياج افهمي هالشي
حجاها وبجه كلشي بيه قشقر بده يتوسل
رويده اني دااتعذب لتعذبيني والله دااشرب الشرب بمكان المي لتاذيني ببعدج لتعاقبيني والله جنت مو بوعيي وطلكتج والله
كافي حيدر
لتعوفيني رويده ام ت والله
ماعوفك هاهي حبيبي
واعديني تضلين ويايه
ماعوفك والله اخ ربي شون بينا جر نفس وضل يكح هدا شوي كال
ابن عمج محاجاج
لا
ممم يعني عرف اني جاي
اي عرف بس مناقش
مكال لاحد مو
لا ميكول خطيه
زين رويده شنو رايج تتزوجي
شنووو شدتخربط شنو سكران انت
اي شارب بس واعي . اسمعيني
شسمع
بس انطيني مجال حاجي كوليله تزوجني وطلكني ومتلزمني حتى ارجع لرجلي شوفي شيكولج
حيدر اهلي ميرجعوني بعد
طزززززز باهلج واهلي اني اخذج بعد طلاكج وانهزم محد يدري لج بابا اني وياج منتفارك لااهلج ولا اهلي يكدرون يفاركونه
بقيت ساكته كال
رويده اريد حياتي الاخذوها اريد حضنج
بجيت بقهر
لتبجين عمري والله داموت ميت موته اكولج شي
همم
ابويه مريض
بقيت ساكته شنوو
ابويه مريض رويده مريض بمرض موزين
فكيت حلكي الضلم ميدوم
اي ميدوم بس خلي يموت هواي امور تتسهل اعوف اهلي واخذج بره محد يكدر يوصلنا بعد واهلج فتره واصالحج عليهم بس خليج ويايه لتتركيني
بقيت بامل انولد من حديد جنت متاكده رووف ميرفض هالشي لان مافد يوم رفضني شكد ماخربط الكاه واكف بضهري ولايناقش بشي ابد ولا يحسسني بغلطي---
مروه- مرت سبوعين ورضا مترك اتصالاته ميت مره باليوم وميت رساله واني مااقراها ابد لحد مافد يوم داادرس بنور والبنات ودك فون نور ردت
الو بابا اي دنقره اي هيانها
باوعتلي كالت
ست بابا يحاجيج
باوعتلها اخذت التلفون رديت ببرود
الو
ليش هيج ليش مو اصدقاء وتعلمت عليج هيج تلبسيني من ادكلج واراسلج هيج تهينيني
جريت نفس. مرديت بس كتله
عدي محاضره هسه بعدين نحجي بالاجور استاذ
يعني تردين من اتصل مو متردين
الله يسهل
ماشي اخذي راحتج
الله وياك سديته وكملت المحاضره بالي انشغل بي وزادت عصبيتي وحقدي عليه كملنا محاضره وراحت نور قبل جيه حسين مثل كل مره مايلتقون بيها الا نادرا صعدت فوك ارتاح اعصابي تلفت باوعتلي سرى كالت
شبيج
مابيه شي تعبانه متمدده بالفراش التفتت عليها وضربت عكس ايدي جوه راسي ابتسمتلها اي سرى شكو ماكو
ماكو شي درت وجهي عنها
مدتشوفي بعد
قبل يومين شفته يتعارك وي ابو الكراج
ها
اي وشافني وبقه ساكت بعد محجه شي درت وجهي وطلعت السياره
مممم اي وبعد
هاي هيه
زين جان وحده
اممم ابتسمت نصيت راسي
شبيج
باوعتلها ونصيت -- هاي البنيه طلعت بجامعتنا ومتزوجه
