رويده - بنفس اليوم بليل انتضرتهم ينامون كلهم واخابره اللهفه البيه لهفه سنين اشتياق مو فتره شهور كاعده واتخيل عيونه شون حتكون من يشوفني اوف ربي كون محد. يحس بينا ميته خوف وبنفس الوكت ميته اشتياق بصوره متعادله تخليني مااكدر اتنازل عن فكرتي وموعدي. وياه كلبي يدك سريع وكلما باوع روحي بالمرايه ابتسم الفرحه تارسه كلبي صارت الوحده والبيت هدا وصار اضلم دنيا شته حتى وان طفت الكهرباء يبقون نايمين صعدت خلسه لغرفه مروه طبيت على كيفي جانت نايمه ومغطيه راسها مطفيه الكهرباء وبارده غرفتها التدفئه مطفيه جريت الفون من عالميز ضميته بجيبي وركض نزلت وطبيت للغرفه ارجع سمعت كحه بابا طبيت جوه الفراش ارجف دكيت عليه راسن ارتجف خوف ولهفه رد راسن من اول دكه جان صوته مليان انتضار ولهفه
الوو الو رويده
حيدر همست
عمري وينج والله تدمرت واني انتضر شكد صعب الانتضار
انت وين
بالشارع اجيج هسه لو بعد منايمين
شعدك بالشارع بارده هسه
حبيبي بس كوليلي تعال تلكيني يمج رويده تره ميت اريد اشوفج لتفتي لملبي
اوك بس دقيقه
اوك اوك انتضر
زين طلعت فتريت بالبيت بهدوء شفت باب الطرمه فتحته باوعت الباب الجبيره مضروب قفل اخذت المفتاح معلك فتحته على كيفي وفتحت الباب رديتها ورجعت للبيت افتربت نايمين امشي على اطراف اصابعي بهدوء حافيه الكع ثلج وكلبي يرجف رجعت طبيت دكيتله كال
ها
تعال
يا الله جايج عمزري جايج اطلعي بالباب بس رويده
نعم
اذا انلكفنا
لا عفيه لتخوفني
اسمعيتيييي زين----- نتر
ها
اذا انلكفنا اخذج ويايه لان تره مااتحمل تتاذين من ورايه بعد اني عايش بمعجزه فخلي حجاب على راسج حضري
اوك كلتها ارجف طلعت بره واباوع عالسطح غرفه حسين مسدوده البرده وارجع اباوع لشباك غرفه بابا ضلمه مطقيه الوطني والدنيا ثلج كمت اسمع خطوات سريعه ولان الدنيا ليل ومطفيه الكهرباء جانت بعيده بس اسمعها تقربت وره الباب كامت تتقرب ابتسمت ودموعي تجري هاي مشيته رفعت راسي بس ضوه الكمر. يضوي يايابه تعبت من اللهفه وحسيته وكف انكطع صوت مشي الخطوات صارت اخف واهدا عبالك يمشي بدون شحطه حتى محد يسمع جان خايف اكثر مني وصل وصل اخ كلبي كمت اسمع نفسه دفع الباب على كيف ايدي الاثنين على حلكي ارجف ودموعي تنزل من وحدها مد راسه طب عيونه تعبانه لابس الكلو مال تراك بقه يباوعلي فاتح حلكه واني بنفس وضعي ايدي الاثنين على حلكي ودموعي تجري اقترب ابتعدت وكف يتنفس سريع باوع بزاخل البيت ورجع باوعلي تقرب بسرعه وضمني لصدره بقوه يشم بيه واني جمدت اشم عطره واحس روحي مستغربه منه بقه يدفن براسه بشعري وركبتي واحس بخشونه لحيته الطويله وجسمي يرجف هدا على غفله وبده يشهك بهدوء حضنته ودموعي تنزل وياه كال وهو يشم بيه
هاي تاليتها اتدنالج بالحرام هاي تاليتها اتحسر عليج لج ميصير ارجعج على ذمتي اذا مو غيري ياخذج ابتعد وبده يحرك بدمه ويضرب على صدره بقسوه الموقف هزني فززني من الاني بي كمت اخاف اكثر من قبل
روح حيدر
شون شسوي اخطفج بالحرام نعيش كوليلي شسوي
حباب بعدين احجي واباوع جوه
لج لتسوين هيج اتخببببل لتخافين مني
عظ شفته قوي اباوعلها تفطرت لزم وجهي بين ايده انتي مالتي رويده مستحيل اخلي احد يلزمج اموتج واموت نفسي
هزيت راسي اي اريد يهدا من ناره يخوف صار حننفضح طلع تلفون من جيبه كال
هذا يبقى يمج يوميه اسمع صوتج يوميه فاهمه
كالها بتهديد ورجفه وعيونه مدمعه اخذت الفون وادفع بي ديطلع ورجع عليه حضنني قوي باسني من ركبتي سمعت كحه بابا ركض دفعته وسديت الباب قفلت وشلت المفتاح همس كال
خابريني انتضر
اوك روح الله يخليك
رايح ديري بالج
طبيت ااسن قفلت الباب علكت المفتاح رجعت كلشي بمكانه واتلمس بالضلام سمعت غرفه بابا انفتحت طبيت راسن للغرفه وسديت الباب وركضت لفراشي بابا كال
منو هنا منو كاعد
مرديت بقيت ارجف
يايابه يا بويه ياحضنك جانت اصعب ليله تمر عليه من تركني اخذ روحي وراح دكيتله وخليت السماعات رد
الو رويده
حيدر بجيت
بس رويده خليني بعدني اني يمج روحي يمج بس جسد نايم بفراشج
كالها بهدوء
سكتت كال
اهداي انتي بيدي هسه بعدج بحضني وريحتج هيانها بيه
حيدر
شششش لتفكرين بشي شششش بس اريد ارتاح
اوك
حبيبي
همم
اعشقج
رجعت ابجي موبيدي انحرمت منه ضلم تنفس برجفه ويهمس
شششش ويتنفس. سريع ششش ارتاحي خل ارتاح بحضنج
بقيت سامته بس النفس لحد ماغفيت ونسيت فون مروه بجيبي فزيت الصبح على حركه بابا ديروح للشغل كمزت ركض صعدت فوك خليت التلفون عالميز ونزلت خواتي نايمات وعطله نص السنه يتاخرون بكعدتهم نزلت ورجعت نمت باوعت فوني مكطوع الخط وياه كلبت بالصور الموحوده بالجهاز كلها صور قديمه بسيارته ووحده منهم وي امجد جيراننا غمضت عيني ونمت براحه وارجع اتذمر عصبيته. وناره اول مره اشوفه بهالحاله ميلام من فضحها لهند الله لاينطيهم حرمونا من بعضنا. خزنت رقمه وفتحت بي فايبر حتى عالفايبر مكالماتنا تكون ردت اشوفه شوكت يتصل بالنت جان كلشي صعب حسيت رجعت لنقطه الصفر وياه سبحان الله الرقم الوحيد الحافضته رقمه ورقم رووف ابن عمي بيوم اللي لكفونا الشرطه حفضت رقمه ورقم بابا ورقمي بقيت هاليوم بالفراش عبالهم مريضه ميدرون جنت احس روحي بحلم وكلسا صورته تصير بوجهي من ذب الكلو من على راسه وتقرب حضنني راسن ربي انت تدري بنيتنا وتدري شكد ضلمتنا الدنيا سلمت امري بيدك البي خير سوي الي دخيلك تعبت ورجعت لسبحه الصلاه على محمد وال محمد وكمت مااتركها ابد ورجعت يوميه احاجي بليل من ينامون جان اكثر كلامه عصبي وكفر بالله واني اخاف واتوسل بي ليكول هالكلام ويرجع يكول الاكثر جنت اسكت لحد متروح موجه الغضب ترك صلاته وشغله بس كاعد بالبيت ويحاول ياذي اهله بكل الطرق بالذات والده كام يصرف صرف مو طبيعي وكام يشرب ومرتين جابو للبيت يتعمد يصرخ بالشارع حتى يفضح اهله وابوه يخجل كام بس يتعارك وياه ومره من المرات حرك سياره ابوه دار عليها بانزين وخركهازبطريق خارجي ورجع للبيت كله احتركت من غير الصرف الحان يصرفه وابوه بالعها وساكت اخته مرتين تعارك وياها ومره ضربها وعلى اثرها طرحت وتعارك نسيبه وياه كل هذا ومن احاجي يكون بلسم بس اكوله حبيبي
يهمس اي بس اني حبيبج متصيرين لغيري واعديني
جنت اواعد بتصميم وارجع اهداه بين ايدي اخر شي عرفت منه زوجته حامل بالشهر السادس عدها 3تواءم كثر المقويات الحانت تاخذها حتى تحبل والتاكدت منه انه هاجرها جان يطلب مني صور وفديو واني افوت للحمام وواعيش وياه كزوج جانت نضرته الغاضبه تبين عدم رضاه عالحرام الديصير ودموعي بنهايه كل مكالمه فديو وتانيب الضكير الي كرهني بروحي اني متربايه اني اصلي ميصير هيج غلط بس ماكدرت امنع روحي منه كمت اقنع روحي بحجه انه اني انضلمت مع الاسف ضلمت نفسي اكثر شلت ذنبه وذنبي مرت الايام وكام ميكفي الفون لحد مافد يوم كام يصيح ويكفر اريد اشوفج واتوسل بي اخاف كال مهدد
عشر دقايق اني بباب بيتكم وحق الضلم اللي انضلمنا اذا مطلعتيلي اطبلج بداخل بيتكم وسلاحي ويايه لو كاتل لومكتول
بقيت صافنه صاح يللللله
اوك باوعت ساعه 2 بدلت جانت دتمطر لبست شي يدفيني طلعت كلها نايمه طرمتنا مسكفه طلعت بهدوء وصوت المطر على سقيفه الطرمه خله الوضع اامن فتحت القفل وفكيت الباب سمعت صوت سياره طبكت والباب انفتحت على كيف طب توه شافني وجرني باسني انسطرت سطر ابتعدت وبقه يكفر قشعر بدني اباوعله ركع راسه بالحايط بقوه شهكت شبيك تخبلت
