راح اشتاقلكم هواي
راح اغيب شهر وارجع بقصه
من انت لتكون انا
بطلب من مدام مريم
متابعه ممتعه.
---
رووف- وانفكت باب الطواريء وطلعو مدمه وكعت مكدرت اوكف بعد ومعد لازمني
لك بابا عايش اثكل روووف هاي انت الجبير
اخويه معد
لك يابه وروحه لابويه عايش باوعه
خوله- شفت معد مسحت دموعي طلعت من الطواريء بالعاده بهيج موقف. من يصير انفجار او حادث جبير نلتم الممرضات واللي عالاجهزه كلنا للطواريء نساعد الدكاتره.
بس اليوم حيلي نهد واني اشوفه يلوب وينزف طلعت معد صار بوجهي مكدرت اسكت بعد واخويه يقره وجهي. كال
ها خوله يمعوده صدك جذب واني اكول كلبها مات
حضنته وابجي بقه صافن عليه
كافي يابه هاي شبيج
خطيه ذاك الولدمات
الله يرحمه استغفر الله الله يرحمه
حجزت سرير
اي اي اخذو الممرضين اله.
نمشي. نحجي وره السديه ورووف كوه يمشي لازم السديه مال فرات خلو بالقاووش وبقيه جماعته الوياه هم تسطرو بس الولد المات اخذو للثلاجه يمه شون شباب يعين الله اهله
طلعت من يم معد ورووف وعفتهم وي الدكتور
طبيت للحمام. غسلت وجهي لكيت روحي فقدت من البجي واني اغسل الدم مالته من ايدي. يمه جان راح الولد لو لا ستر الله. يمه الحمد لله ربي. الحمد لله لو ميت جان تخبلت تعودت على سوالفه صح زعلت عليه وقهرني بس
تدكرت من شفت طوله بالسديه تخبلت كلت مو هو مستحيل
غسلت بعدما شبعت بجي وطلعت. يمهم معد رايح شغت رووف واخوته. وامه وكفت بعيد باوعت فرات نايم رجعت لشغلي اخذت اشعه لكم مريضه وراحو رجعت رحت للقاووش شفت بس رووف كاعد يم راسه يحجي وياه. يبتسم. اباوعله من بعيد. اخجل اقترب. رفع راسه رووف شافني ابتسم
رديتله الابتسامه. من مكاني كلت
محتاج شي
لا سلامتج مقصرتي التفت فرات بهدوء دار راسه عليه باوعلي بتعب جسمه مربط بباندج رجع دار وجهه عفتهم ورجعت بعد ساعه طلعتي ينتهي دوامي رتبت الغراض وبقيت صافنه مرلي رووف
تشكر وراح كال علي عفته يمه اجيبله غيارات وارجع الدكتور كال باجر الصبح نغيرله ضماد
الحمد لله عالسلامه
تسلمين ماعرف شون اشكر وكفتج ويايه
