الفصل(12) الجزء الثاني
لهفة قلب عاشق
٠•••••
زينه في الحمام وحاسه تعب غريب خرجت بعد فترة ما كانتش قادرة تتحرك بس وقفت في مكانها من الصدمه
زينه: أدهم!!! بيعمل أيه هنا ؟ يا نهار أسود ده لو شافنى هتبقي مصيبه أعمل ايه أنا لازم امشي حالا
بعتت رساله لجاسر«« أنا تعبانه اوي مش هاقدر أكمل الحفل هخلي السواق يروحنى»»
ومشيت بهدوء من غير ماحد يشوفها
كانت لسه هتركب في العربيه بس اصطدمت في بنت زينه بصتلها بغيظ وقالت : مش تفتحى أيه اتعميتى؟
البنت: تؤ أنتى إللي ماشيه ومش شايفه قدامك يا ترى بتهربي من أيه؟
زينه: أنتى مجنونه ولا أيه ماتعرفيش أنا مين ؟
البنت بفحيح: أنتى إللي ماتعرفيش أنا مين:؟
زينه: مين إن شاء الله؟
البنت بهمس: إللي هتاخد جوزك وابتسمت بشر ومشيت
زينه باستغراب: أنا شفتها فين قبل كده؟ وبعدين افتكرت وقالت بهمس دى نفس البنت بتاعة الفندق اسمها
البنت رجعت تانى وقالت باستفزاز: ليال الجبالي اسم مايتنسيش خليه علي بالك عشان نهايتك هتكون علي ايدى ومشيت
زينه بغيظ: وحياة أمى أنتى إللي جبتيه لنفسك عشان تحرمى تتحدينى أتأكد الأول من المصيبه دى وافوقلك يا بنت الجبالي
٠••
قاعد مع مراته بيتكلمو عن ذكرياتهم وحبهم
جاسم: بس والله أحلي أيام
فريده: بس عمرها ماهترجع بعد ما..
وقبل ماتكمل وصلت رساله لجاسم وكانت عبارة عن فيديو جاسم بعد ما شافه وشه أحمر من فرط العصبيه ورمى الفون على الأرض بعصبيه شديده وقال بصوت جهورى عصبي: بيتحداااانى بيتحداااانى ابن الجااارحى
فريده بخوف: أيه يا جاسم في أيه؟
جاسم بحده: بعتلي فيديو يورينى إنها في بيته وإنه وكيلها
فريده: مين وكيل مين مش فاهمه
جاسم: آدم اتجوز ماريا
فريده بصدمه: أيه أنت بتقول ايه؟ وأنا آخر من يعلم طب وبنتى أيه ظروفها:؟ أنا لا لايمكن اسمح بكده
جاسم بحده: فريده أهدى سيف الجارحى مش وحش هو بس بيثبتلي أنه عارف كل حاجة
فريده بعدم فهم: تقصد ايه ؟
جاسم: أقصد إن أن الأوان ارجع مصر أنا راجع بكرة الصبح وهقابل سيف الجارحى وبنفسي وهحط حد للي بيحصل مش هسمح لماريا إنها تدخل اللعبه دى ولا وبعدين سكت قبل مايكمل جملته
فريده: ولا أيه سكت ليه؟
جاسم بتوتر: ولا حد يأذيها أنا هروح أجهز شوية حاجات وهسافر في أول طيارة وتركها وذهب سريعا قبل أن نبدأ بطرح أسئله أخرى(( هيييح اخيراااا غموضك هيتكشف يا سي جاسم😂😂😂))
**********
جنى بحده: يعنى أيه ده بقاله أسبوع مختفي تفتكرى راح علي فين؟
فاطمه صديقتها: وأنتى مالك مهتميه بيه ليه كده
جنى بهيام: قمر ابن الذين يخربيت طعامته
فاطمه: اوبااا شكلك وقعتى
جنى بسخريه مريرة: بس هو فين وأنا فين
فاطمه باستغراب: أنتى ناسيه أنتى مين ولا أبوكى مين؟
جنى بحده: فاطمه قلتلك قبل كده ماتجيبيش سيرة الراجل ده
فاطمه: يا جنى ده باباكى
جنى: قلتلك اقفلي الموضوع ده لو عايزانا نفضل صحاب وسابتها وقامت أما فاطمه فاتصلت برقم
فاطمه بهمس: لسه زى ماهي رأيها مش هتغيره
الرجل: وأنتى بتعملي أيه مابتغيريش رأيها فيا ليه
فاطمه: وأنا عملت ايه بس بتزعقلي ليه: بنتك دماغها ناشفه وبعدين مانت لازم تديها وقتها البلاوى إللي عرفتها عنك مش شويه برضو
الرجل: ورينى همتك فاهمه وإلا
فاطمه: أيه أهدى أنت بتكلم واحده من الشارع ولا أيه ده أنا مراتك
الراجل بتهكم: طب يا مراتى ورينا همتك وقفل الخط في وشها
فاطمه: ماشي وأنا وراك للآخر يانا يانت والمصالح تحكم وابتسمت بغل وقامت ترسم الطيبه على وشها وراحت لجنى
أنت تقرأ
لهفة قلب عاشق
Romanceبسم الله الرحمن الرحيم 🌸🌸🌸🌸🌸 آدم وآريام...الماء والنار....الحب والكره...السلام والانتقام....العلاقه وعكسها...عاشوا مابين سلام حبهما وجمال لقائهما وبين نار الماضي وطوفان الانتقام عشق نارى هل سينجو وينجو معهم عشق الطفوله أم سينهارو وينهار معهم ا...
