لهفة قلب عاشق

سر

))7(( ج١

سليم بخبث وهو بيحرك نظراته بين زينه وإلياس: ياااه سبحان الله ما جمع إلا ما وفق
زينه بخوف بصت لإلياس إللي باصص ناحية سليم بتركيز وشفته ملتويه بابتسامه جانبيه خبيثه وقال بخبث مبطن بلهجه غير معروفه أهي كره أم نفور: عايز إيه يا بن النصيرى
سليم وهو بيبتسم ببرود بيقرب منهم وقعد علي الكرسي قدام المكتب بتناكه شديده وقال باستفزاز: كنت جاي اقابلك بس لقيت ام جرح غويط دى هنا وبصلها لثوانى وبعدين انفجر في الضحك: أما أنت علبك عبارات يا واد يا سليم حلوة أم جرح غويط دى والله ههههههههههه
زينه بغيظ شديد:, أنت متعرفش أنت بتتكلم مع مين
سليم وهو بيحاول يهدى نفسه من موجة الضحك: ما المصيبه أنى عارفك وعارف تاريخك الأسود بالمناسبه إن حد يعرفك دى حاجه متشرفش
زينه من غيظها بصت لإلياس وقالت! إلياس شوفلك حل قبل ما أفقد اعصابي
إلياس بصلها بفتور ولف وقعد علي كرسي مكتبه في مواجهة سليم ومال براسه شويه وركز في سليم إللي بصله برفعة حاجب وابتسامه خفيفه واحنى راسه وهو ماسك طفاية السجاير بيحركها بين أيده وفجأة قال لإلياس: علي فكرة أنا بتكسف متفضلش مسبلي كده وبصله فجأة وغمز: خلي التسبيل ده للي بالي بالك ههههههههه
إلياس رجع بضهره للكرسي وشاور لزينه بصلف أنها تقعد
قعدت في الكراسي المواجه لسليم وبصتله بغرور وهو بصلها بشر خلاها ترجع في كرسيها لورا بخوف
إلياس بحده؛ وبعدين بقا ما تتنيلوا تتظبطوا في مكانكو عشان نشوف أنتو عايزين ايه
زينه بحده! أنا عايزة حقى
سليم بنفور: كسر حقك يا شيخه أنتى لو قريبتى كنت قتلتك من زمان عيلة الجارحي دول يتعملهم تمثال
زينه تأففت بغضب وإلياس تابع: أنا مش عايز مشاكل مع عيلة الجارحي مفهوم وأنت يا سليم اتظبط وأبعد عنهم
زينه بحده! يعنى أيه
إلياس: يعنى تحمدى ربنا أنك عايشه واحد غير سيف الجارحي كان دفنك بالحيا
سليم وهو بيحرك القلم وبيبصلها؛ أيوه يعنى أنا مثلاً لو مكانه كنت هسيبك عايشه وكل يوم هزين وشك وجسمك الجميل ده بشوية مياة نار
زينه بصت لإلياس: يعنى ده آخر كلام عندك
إلياس: أيوه معنديش غيره
سليم بص لإلياس! بس ده مكانش اتفاقنا
إلياس: كنت غلطان ورجعت في كلامى
سليم وقف وقال ببرود: براحتك أنت حر في نفسك وأنا كمان حر في نفسي أعمل إللي يريحنى واللي يخلينى فوق وأنا دخلت في صفقه ومش هخرج منها غير وأنا كسبان وبشر قال: مش سليم النصيرى إللي يرجع في كلامه أو ينسي طاره وبص لإلياس بصه أخيرة وخرج وقبل مايخرج بص لزينه بتركيز وهي بصتله وخرج وقفل الباب بحده
زينه التفتت لإلياس: أفهم من كده ايه
إلياس:.........ظ

💔💔💔💔💔💔💔💔

طالع علي السلم بهدوء شديد وهو بيفكر في البعد إللي حصل بينهم غصب عنه الفترة إللي فاتت كان جاف جدا معاها وكل كلامه معاها عبارة عن أوامر وبس والبعد بينهم بسبب سفره وصفقاته الضخمه وصراعاته إللي واخده كل تركيزه كل إللي هامه أنه يبعدها عن أي حاجه مش عايزة ترجع للتهور تانى عايزة بعيده عن الصورة مسح وشه بكف أيده وهو حاسس أنها وحشاه جدا ابتسم بحب وكمل طريقه ووصل لاوضته دخل شاف الضلمه محيطه فيها نفخ بيأس وقال: طبيعي تنام هتستناك مثلاً
ومد أيده وشغل الكهربا ليفتح عبنه علي وسعها من الصدمه أو المفاجأة أو الانبهار لدرجة أنه نسي بقه مفتوح لوقت طويل
كانت قدامه بكامل أنوثتها وجمالها بقميص نومها الجذاب بلون الأحمر النارى وشفايفها إللي تلونت بنفس اللون وعينيها إللي عكست اللون الأزرق الخلاب إللي ظهر بلونه الطبيعى بفعل الكحل الأسود المحيط بعينيها بجمال وشعرها الطوييل إللي غيرت لونه للبنى الفاتح وزادها جمال مش طبيعى شافها بتقرب منه بإغراء لحد ما وصلته وابتسمت بانتصار لما لاحظت تنفسه البطئ استطالت لحد ما بقت في مواجهته وباسته بعمق وبعدين بعدت عنه بعبث وقال بخبث لما شافت حالته؛ مالك يا دومى ساقع كده ليه
فاق من انبهاره وبصلها وقال: يخرببت جمال أهلك أيه يا بت الجمال ده
اريام بحزن مصطنع وهي بتجذبه من ياقة قميصه وبتقول بدلع لا يليق إلا بها: أخص عليك يا دومى هو أنا الأول كنت وحشه
آدم باذبهلال: هو أنا كنت مستحمل جمالك في الأول لما هستحمله دلوقتي
اريام بابتسامه ساحرة: طب أيه هفضل مستنيه كتير
آدم بصلها بعدم فهم وقال: أنتى عايزة أيه
اريام بصتله بصدمه: نعم يا روح قلبي فبك أيه أنت اتحسدت ولا إيه ولا عايزنى اقولها صريخه
آدم ابتسم بخبث ومسكها من خصرها وايده بتمر عليها بإغراء وهمس بجاذبيه:. ولا هتعملي نفسك بتتكسفي
اريام بحزن مصطنع وهي تفتح ازرار قميصه: اخص عليك يا دومى مانت عارف أنى خجوله
آدم بصلها وهي بتفتح الزر وقال: واضح
اريام قلعته القميص وقالتله: واضح أيه يا قلبي
آدم: واضح أنك وقحه يا وقحه
اريام : أنت إللي علمتنى كده يا بيبى
آدم: علمتك الانحراف يا وقحه
اريام بامتعاض: بنحرف معاك ولا مع الغريب
آدم وهو بيشلها بين أحضانه وماشي ناحية السرير: عشان اقتلك تنحرفي جوه حدود الأوضه دى بس برة الاوضه السيدة الموقرة اريام آدم الجارحي
قال جملته الاخيرة وهو بينيمها علي السرير ليطفئ النور ويعيش معها حكايات الغرام
💔💔💔💔
كان ماسك صورتها في ايد والابد التانيه كاس من الخمر : وبعدهالك بقا هفضل مستحمل كده لحد امتى ....اوففففف عمرى ماتخيلت أنى هحب حد بالطريقه دى أنا معرفش هستحمل إزاي لحد ماتبقي معايا امتى يا اريام امتى.....

💔💔💔💔💔
اسيل مسكت الموبايل وطلبت الرقم بسرعه وقالت: أنا موافقه
وبعدين قفلت ومسكت موبايلها وبصت بشر ناحية صورة لعيلة الجارحي وقالت: ورونى بقا هتعملوا أيه ههههههه

دى نبذة من البارت الجزء التانى من البارت يا النهارده بالليل يا بكرة
#لهفة_قلب_عاشق
#سعاد_عبادة