لهفة قلب عاشق

الفصل 28 الجزء الثاني

الفصل 28 الجزء الثاني

لهفة قلب عاشق

سعاد علاء عباده

آدم ألتفت بحده وبعيون بتطلع شرار وفتح عيونه علي وسعها من الصدمه لما اكتشف إن إللي ضربه هو عمه سيف الجارحى
سيف وهو ماسك آدم من هدومه قال بشراسه شديده وهو بيضغط علي كل حرف من حروف كلماته: أنت يا اااادم تتصرف بالغباء ده ازاااااي رد عليا إزاى ده أنا مطمن طول مانت في ضهرى مطمن وأنا عارف ومتأكد إن مافيش مخلوق على وش الأرض يقدر يمس آريام بالسوء وأنت معاها ضربه تاني قلم أشد آدم نزف من شفتيه واستمرت نظرات سيف بشراسه للحظات وضيق عيونه عليه وترك هدومه وقال بهدوء: أيه الضعف إللي في عيونك ده يابن الجارحى

آدم باستسلام وضعف شديد ودموع متحجرة في عينه وهو ينحنى ليجلس علي الأرض خلف الباب: اضربنى يا عمى واقتلنى كمان لو عاوز أنا تعبت بجد والله تعبت ...ماقدرش يمنع دموعه لتسقط وتعلن عن إنهيار قيصر الجارحي ولحظات ضعف ربما لن تظهر مرة أخرى عندما تتحسن حبيبته ليكمل وهو ينظر لعيون سيف المندهشه: أنا آسف يا عمى آسف أنا خبيت عليك إنى عارف إن آريام عايشه من البداية وابتسم بسخريه مريرة: بس برضو أنا متأكد أنك عارف أنى عارف ومتأكد أنك كنت بتسهلي عشان اشوفها من غير ما أكون متراقب وعارف برضو أنك أنت إللي قلت لدكتورها عشان يقنعنى إنها فاقده الذاكرة وأنا فعلا اقتنعت وابتسم بحب وسط دموعه وكمل وهو ينظر لسيف وقال: بس هي بريئة أوى يا عمى فعلا آريام إللي سيف الجارحى كان بيحلم بيها تلقائيه وبريئه عرفت من أول يوم جواز إنها مش فاقده الذاكرة...
Flash back

بعد ما دخلوا الأوضه آدم بصلها بتركيز شديد آريام بصتله برفعة حاجب وقالت: بتبصلي كده ليه ؟
آدم بتهكم: بتملي في جمالك يا ستى وبعدين مراتى وأنا حر ابصلها وقت مانا عايز في كل حال
آريام ببراءة: وليه بقا
آدم بتهكم وهو يمسكها من خدودها كالأطفال: لما تكبري يا بيضه هبقي أقولك
جاله تليفون وخرج يرد عليه برة الأوضه آريام استغلت خروجه ودخلت أخدت شور وعلي الرغم إنها دايما بتاخد احتياطاتها عشان تدارى الوشم إلا إنها نسيت تماما لما لبست بيجامه كات وهوت شورت بينك وكأنها عايزة تقول لآدم أنا مش فاقده الذاكرة
آدم دخل عليها واتسمر لما شافها بالمنظر ده كان لسه هيتكلم بس فتح عينيه علي وسعها لما شافها بتلبس سلسلته إللي متزينه بكلمة السر الخاصة بيهم( الاردام) آدم الذهول كان مسيطر عليه وفهم وقت لما شافها بتدخل السلسلعلى جوه هدومها إنها فاكرة كل حاجه
آدم بمكر: بقا بتستعبطى عليا يا بنت سيف أنا هوريكى بقا ابن مراد إللي هو أصلا تربية سيف هيعمل فيكى أيه هربيكى من أول وجديد يا آريامى

Back
آدم بدموع كنت بحميها في كل خطوة
سيف بهدوء: وجوازك من أسيل
آدم وهو ينهض من مكانه ويقف أمام سيف
آدم: جوازى من أسيل ده عشان.....وقص عليه آدم موقفه كامل
سيف بخبث وهو يبتسم: بقا عاوز تحمي أسيل ماشي هفوتهالك بمزاجى يا ابن مراد ليقترب منه سيف ويمسح دموعه ويحتضنه
آدم: منصور الجبالي هو إللي عملها
سيف بشر: عارف
آدم: وبعدين
سيف بشراسه:  كلها يومين بالظبط وهييجى يركع قدامى
ليومأ له آدم
آدم: طب آريام
سيف بجديه: ماتقلقش هي بقت كويسه وزمانها فاقت ومش عايزك تضعف كده تانى مفهوم
آدم: مفهوم يا عمى
سيف: يلا بينا