الحلقه 18
لهفة قلب عاشق
. . .
آريام وقفت تحت قدام السلم ومتوترة خايفه آدم يدخل في أي وقت
آريام: يووووه أنا أيه خلانى أوافق إن أدهم يطلع أوضة آدم قال يعنى هيلاقي حاجه فيها ده لو لقي الاوضه لسه فى مكانها نحمد ربنا اوووف ربنا يسترها عليك يا أدهم
مانو: أيوه ماريا قالتلي أنك معجب!! مستغرب ليه ده كفايه نظرتك ليا ..وبعدين قرب منه أوى وآدم وقفه وحط أيده علي صدره وقاله: أنت رايح فين يا بنى آدم أنت!..وبعدين مسكه من قفاه وقاله: وبعدين نظرتى ليك أيه!! هو أنا بابص علي أمك أصلا؟
مانو بدلال: لأ مابتبصش علي أمي بتبص عليا أنا
آدم مسكه من هدومه وهزه بغل: تصدق وتأمن بالله أنا هنفخك أنت وأمك النهارده
عز اتدخل بسرعه ووقف بينهم : أيه يا آدم مانو بيهزر معاك مش كده يا مانو
مانو: لأ مش كده أنا بصارحه بمشاعرى
عز ماقدرش يكتم ضحكته وانفجر في الضحك
آدم بابتسامه ماكرة: تعالي ياض أنت هخليك تصارح مشاعرك بطريقه أحلي من كده
مانو بكسوف مصطنع: أيه هتعترفلي بحبك علي المايك
آدم: علي المايك أمممم ...وبعدين آدم قلع جاكتة بدلته وبيفك زرار القميص ...عز بهمس: اجرى يا مانو دلوقتي أصله لو مسكك هيفجرك
ادم ابتسم بمكر ولسه هيقرب مانو جرى باقصي سرعه ليه
وعز بص لآدم وقال وهو بيقلد مانو: كسرت قلبه
آدم بصله بحده عز رجع لورا بخوف: أيه في أيه ده أنا بهزر وبعدين جرى بسرعه
آدم هز راسه بسخريه شديدة وراح علي القصر عشان يغير هدومه ويظبط شكله
عز راح الجنينه يدور علي مانو وبعدين من التعب سند علي شجره بس خاف لما سمع صوت ورا الشجرة عز لنفسه: سلام قول من رب رحيم انصرف انصرف وفجأة حس بحد بيمسك أيده صرخ مرة واحده وبعدين شاف مانو بيكمم بقه وبيقوله: اسكت يا عز أيه شفت عفريت
عز بتنهيده: أنت بتعمل ايه هنا ؟
مانو: أكيد مستخبي من آدم
عز بضحك: ماهو أدم مشي طلع علي فوق يظبط لبسه فجيت أناديك
مانو: أمممم الحمد لله وبعدين أفتكر ماريا: يا نهار أسود ماريا
عز: مالها ماريا؟
مانو: هحكيلك
من فترة ماريا قابلت مانو في الكليه واتكلموا مع بعض واتصاحبت عليه هو وجميله وبقت تحكيلهم حاجات كتير بالأخص مانو واللي وثقت فيه جدا بس طبعا ماعرفتهوش أي حاجه بخصوص حقيقتها ودعته للحفله هو وجميله وقابلته وقالت له: مانو بص عايزاك في موضوع مهم جدا
مانو: اؤمرة يا ميرى
ماريا: بص عايزاك لما أقولك تعطل آدم بأي طريقة ممكنه
مانو: آدم هييييح
ماريا بضيق: أتلم يا مانو ده جوزى
مانو بضحك: بحب اناغشه يا ميرى دكتور آدم ده ياما ساعدنى
ماريا بابتسامه: ناغشه زى مانت عايز المهم تعطلهولي
مانو بابتسامة: ماشي يا ست وأنا مش هسالك ليه ؟
ماريا: هحكيلك هييجي وقت واحكيلك اتفقنا وآه لما يفلت منك اتصل بيا قولي المهم تنبهنى ليطلع زرابينه عليا اتفقنا!!!
مانو: اتفقنا يا قمر
نرررجع بقااا
عز : طب وهي قالتلك كده ليه ؟
مانو بعدم معرفة: ماعرفش مابتدخلش لما حد صاحبي يطلب منى حاجه حتى لو فيها روحي مابتاخرش طالما مابيضرش حد
عز: اممممم طب وقلتلي ليه مش خايف أقول لآدم
مانو بابتسامة: لا يا صاحبي أنت كمان متأكد إن ماريا ما تاذيش ده غير أنك شفتها وهي بتهمسلي ونظرتك ليها فيها حاجه غريبه هي لو طلبت منك حاجه مش هتتأخر عليها
عز: عندك حق
مانو بشهقه: يا نهار أسود نسيتنى
عز: أيه!!!؟
مانو: ماريا مابلغتهاش إن آدم طالع علي فوق دي هتتنفخ
عز وهو بيبص ورا مانو: يا نهار أسود!!!
أنت تقرأ
لهفة قلب عاشق
Romanceبسم الله الرحمن الرحيم 🌸🌸🌸🌸🌸 آدم وآريام...الماء والنار....الحب والكره...السلام والانتقام....العلاقه وعكسها...عاشوا مابين سلام حبهما وجمال لقائهما وبين نار الماضي وطوفان الانتقام عشق نارى هل سينجو وينجو معهم عشق الطفوله أم سينهارو وينهار معهم ا...
