الفصل 29 الجزء الأول*
لهفة قلب عاشق
سعاد علاء عباده
= معقول أنت بتبكي يا آدم!؟
آدم بابتسامه جذابة وهو ينظر لصدمتها ويضع يديه علي شفتيها: خليها بينا بقا ماتقوليش لحد
آريام بضحكه عاليه: علي أساس أنى لو قلت لحد هيصدقنى!!! دول هيقولوا عليا مجنونه.. قالت جملتها الأخيرة بتبرم برئ كالأطفال
آدم برفعة حاجب: أمممم يعنى النيه كانت موجوده أنك تفضحينى!!؟
آريام بابتسامه: ماكنتش ناويه بصراحه وبعدين قطبت حاجبيها ورفعت حاجبها الأيسر وقالت بخبث: بس كنت هضيفه لخزينة اسرارى
ليقهقه آدم عاليا وهو يستلقي بجانبها على الفراش ووجهه مقابل وجهها ويديه امتدت لتمسك اسفل فكها وانفه تداعب أنفها ليضيف بلهجه حانيه:، مش بس الأسرار دى إللي هتعرفيها عنى لااا ده في أسرار قوميه ووطنيه متوقف عليها مستقبل عيلة الجارحى كلها
آريام ببراءة شديدة: أسرار أيه دى
آدم بخبث: أنتى عرفتى جزء منها بس باقي الأجزاء بعد ماتخرجى من هنا هعرفهملك واحده واحده وخطوة خطوة...
آريام ببراءة: شوقتنى ليها طب ...
آدم قاطعها قبل ماتكمل وهو يحرك يديه علي شفتيها ثم اقترب أكثر حتى اختلطت انفاسهم ليقبلها برقه متناهيه ليتمتم وسط قبلاته: دى عينه من الأسرار بتاعتى
لتتخضب وجنتها بالأحمر بعدما ترجم عقلها حديثه لتبعده بخفه ليستسلم لدفعها الضعيف ويبتعد
آريام ببراءة وهي تضع يديه علي خصلاته المشعثه علي جبينه: أنت عارف من أمتى إنى آريام يا دومى
آدم بابتسامه: من أول يوم يا روح قلب دومى
ثم انتبه لشئ ما ليقول بحده مصطنعه: مافيش مخلوق على وش الأرض يسمعك بتقوليلي دومى دى مفهوم
آريام بضحك شديد: مفهوم يا حبيبي
لينهض آدم بصعوبه من جانبها لتنظر له بحزن وهي ممسكه يده ليتنهد بحزن وهو يخبرها: غصب عني يا حبيبتى مامتك مموته نفسها من العياط برة وعايزة تطمن عليكى
لتترك يده وهي تبتسم بشده ليقترب منها ويقبلها برقه مرة أخرى وهو يهتف لها: قبل ماخرج عايز منك وعد
آريام بابتسامه: وعد أيه يا دومى
آدم بجديه: مافيش حاجه تستخبي عنى بعد النهارده ولا تعملي حاجه من ورايا ولا تعرضي حياتك للخطر وكل حاجه فاهمه كل حاجه يا آريام أي حاجه تعرفيها عن العصابه إياها وعن ...ليتوقف حتى لا يجرحها ويتابع بهدوء: أي حاجه تعرفيها عن موت ليان تقوليلي عليها مفهوم
لتترك يده سريعا والارتباك يسيطر عليها والخوف والرهبه يملأوها
لينظر لها آدم باستغراب شديد وقبل أن يتشدق بشئ استمعوا لضوضاء عاليه بالخارج ليخرج آدم من الغرفه سريعا لينظر لها نظرة مطمئنه بينما انقبض قلب آريام فهي استمعت لصياح عز جيدا باسم ليان..
أنت تقرأ
لهفة قلب عاشق
Romanceبسم الله الرحمن الرحيم 🌸🌸🌸🌸🌸 آدم وآريام...الماء والنار....الحب والكره...السلام والانتقام....العلاقه وعكسها...عاشوا مابين سلام حبهما وجمال لقائهما وبين نار الماضي وطوفان الانتقام عشق نارى هل سينجو وينجو معهم عشق الطفوله أم سينهارو وينهار معهم ا...
