الفصل 34 الجزء الثاني« الأخير»
لهفة قلب عاشق
بقلم سعاد علاء عباده
كلهم بصوله باستغراب وترقب
سيف وهو بيمسح دموع آريام بحنيه وهمسلها بكلام ما محدش سمعه غيرها ابتسمت ببراءه وسابته وراحت لآدم وكورت نفسها في حضنه
آدم باس راسها وحاوطها بدراعه وسمع كلام سيف
أدهم هو إللي كان في عالم تانى بس فرحته برجوع ليان كانت أكبر بكتير أوى من صدمته إنها كانت في بيت دعارة وممكن كمان إنها تكون.... استغفر ربه وفكر نفسه إنها ضحيه وهو عمره ماهيسيبها بس استغرب جمود ليان بالطريقه دى وإنها مادافعتش عن آريام......علامة استفهام كبيرة
فارس بحده: ماما هو حضرتك بتفكرى إزاى هاه آريام غلطت فى أيه أيه ذنبها في الموضوع ده كله
قمر بصوت حاد:، ذنبها كبير أوى ذنبها إنها...
سيف بحده شديده وصوت كالرعد: أنا قلت مش عايز اسمع صوتك ولا صوت حد
نظراته مشطت كل الموجودين وفجأة رفع رأسه لأعلي وثبت نظرته الحاده على أسيل إللي ارتعبت وشهقت بصدمه وخوف ورجعت لورا
سيف بحده ونظرات مظلمه: ياريت تتصلي بامك تطمنى عليها يا أسيل هانم عشان وقتك مايضعش في كلام فاضي مش هيفيدك بحاجه
آسيل مافهمتش قصده: ممماما مالها؟
سيف بابتسامه شيطانية وصوت كالثلج: أبدا ماتت بس!!!
آسيل فتحت عيونها علي وسعها من الصدمه وهزت رأسها بنفي وكل الموجودين بان عليهم الصدمه والحيرة باستثناء آدم
إللي تابع بحزن مصطنع ماكر: أحمد رجب قتلها
آسيل بعدم استيعاب: أنتو بتقولو أيه ماما
جريت بسرعه نزلت ركبت عربيتها واتصلت بأحمد رجب إللي جاوب عليها
آسيل وهي تقود باقصي سرعه: عايزة اقابلك
أحمد رجب: في المطار كمان ساعتين
آسيل غيرت اتجاهها وراحت ناحية المطار
أحمد رجب بعد قتله لنورهان فاضله مهمه واحده وبس مسك موبايله وكلم.....
عند جنى
جنى دخلت أخدت شاور من غير ماتلاحظ الكاميرات والنظرات الخبيثه المليانه شر وحقد وبتخطط تدمر حياتها ماكانش حد غير فاطمه إللي صورتها وفي نيتها بلاوى هتعملها بالصور دى...موبايلها رن ابتسمت بشر وردت وزادت ابتسامتها انتصار
جنى خرجت كانت مبسوطه أوى ربنا بعتلها فارس بحبه الكبير ليها بعد ما عاشت سنين لوحدها بعد مشاكلها مع باباها وفاطمه إللي أكتر من أخت وبتفرح لفرحها اكثر من أختها الحقيقيه
فاطمه بابتسامه لعوب: جوجو أنا خارجه ومحضرالك مفاجأة كبيرة أوى هتتصدمى منها
جنى وهي بتحضنها: حبيبتى يا توتو مافيش مفاجأة أجمل من وجودك بحياتى ربنا يخليكي ليا
فاطمه بابتسامه شيطانية: طبعا يا حبيبتى أنتى كل حياتى هسيبك بقا عندى مشوار مهم وكمان عشان ألحق أشوف المفاجئة
جنى باستها من خدها وقالت بابتسامه بريئه:ربنا يخليكي ليا ومشيت تكمل لبس وسابت فاطمه ياكلها خبثها
فاطمه بشر: هيخلينى لحد ما تشوفينى فوق وأنتى بيتداس عليكى من طوب الأرض
وخرجت لتنفيذ خططها الشريرة.....
YOU ARE READING
لهفة قلب عاشق
Romanceبسم الله الرحمن الرحيم 🌸🌸🌸🌸🌸 آدم وآريام...الماء والنار....الحب والكره...السلام والانتقام....العلاقه وعكسها...عاشوا مابين سلام حبهما وجمال لقائهما وبين نار الماضي وطوفان الانتقام عشق نارى هل سينجو وينجو معهم عشق الطفوله أم سينهارو وينهار معهم ا...
