الحلقه 21 الجزء الثاني
لهفة قلب عاشق
آدم كان نايم صحى على صوت موبايله قام أخده وخرج يتكلم بعيد
آدم: كل حاجه زى ماخططنا؟
بعد الاستماع لمحدثه: طب تمام أوى كده أيوه هاجيلك
دخل الأوضه تانى قرب منها وانحنى وباسها في خدها وقال بصوت خفيض: الحمد لله أنك ماحستيش بالبوسه لتصرى أنك تسافري بره تتعالجي عشان اتاخرتي في الحمل خمس دقايق بصلها نظره سريعه ودخل أوضة اللبس لبس بدلته وظبط نفسه واتصل على شخص
آدم: جهزلي كل حاجه بسرعه
ومشي بسرعه شديدة هو خرج وهي فتحت عيونها بسرعه
آريام:يخربيتك هتموتنى ناقصه عمر
مسكت موبايلها
آريام: هاه جاهز؟ خلاص نتقابل هناك سلام
آريام: طب ما الموضوع طلع بسيط أهو آمال معقدينه ليه؟ أما أقوم ألبس
عز نايم ويتكلم أثناء نومه: لأ لأ لأ ماتقوليش كده والله بحبك هيييح لا أنا أكتر أيه ده استنى أنا هنا أنتى رايحه فين استنى استنى وبعدين اتقلب وقع على الأرض
عز: وبعدين بقا حتى في الأحلام مافيش بنت بتكمل معايا بعد 3 ساعات حلم المفتريه سابتنى وخلعت
وهو بيكلم نفسه سمع صوت حركه خفيفه في الخارج قام يشوف في أيه شاف ماريا خارجه تتسحب بص للساعه شاف إن الساعه داخله على 4 أستغرب وقرر يمشي وراها
آريام نزلت بسرعه لقيت الباب إللي عند حمام السباحه مش عليه حراس وهو البوابه الوحيده إللي مش عليها كاميرات عشان الخصوصية خرجت من غير ماحد يحس بيها وطبعا عز وراها كانت راكنه العربيه بعيد عن القصر بمسافه لكن المفاتيح وفعت منها بصت حوليها لقيتهم بيلمعو جابتهم عز استغل فرصة المفاتيح وركب في شنطة العربيه بخفه آريام فتحت باب العربيه ومشيت بسرعه شديدة
وصلت لمبتغاها بسرعه وكان في اتنين مستنيينها فارس وأدهم
فارس: اتاخرتي ليه
آريام: لما آدم خرج
أدهم: أوعي يكون شافك ينفخك وينفخنا
آريام: أنت بالذات تخرس
فارس ضحك
أدهم: يا سلام بتضحك حضرتك مانت لو مكانى كنت قريت بس أنا تماسكت لآخر لحظه
آريام: يلا يا فارس ده هيشلنى
فارس: أنتى لازم تلبسي القناع
أدهم: أيوه لازم تلبسي القناع
فارس: وتعملي الخطوات إللي اتفقنا عليها
أدهم: أيوه لازم الخطوات إللي اتفقنا عليها
آريام وفارس بصوله أدهم بتبرير: لاحظوا أنى باقول لازم عشان الاختلاف
دخلوا هما التلاته للداخل
عز إللي كان ورا شجره مستخبي : يا ولاد الذين انتوا يا ترى بتخططوا لأيه
دخل عز وراهم وشافهم بيلبسوا لبس أسود كامل حتى وشهم مخبيينه وخرجوا
دخل هو كمان عمل نفس الخطوات وقال: يعنى هي هتيجى عليا والله لالبس أنا كمان
وخرج وراهم
آريام دخلت علي الأوضه الضلمه وسمعت صوتها بيصرخ: والله لاندمكو ده أنا اسيييييل يا حيوانات
آريام ابتسمت وبصت وراها لأدهم وفارس
عز وقف بعيد وشهق بصدمه لما شاف أسيل مربوطه وبتصرخ: يا ولاد اللعيبه بتعذبوا آسيل من غيرى يارب تموتى يا عقربه
أنت تقرأ
لهفة قلب عاشق
Romanceبسم الله الرحمن الرحيم 🌸🌸🌸🌸🌸 آدم وآريام...الماء والنار....الحب والكره...السلام والانتقام....العلاقه وعكسها...عاشوا مابين سلام حبهما وجمال لقائهما وبين نار الماضي وطوفان الانتقام عشق نارى هل سينجو وينجو معهم عشق الطفوله أم سينهارو وينهار معهم ا...
