لهفة قلب عاشق

الفصل 34

الفصل 34 الجزء الأول
لهفة قلب عاشق
بقلم سعاد علاء عباده

في قصر الجارحى

سيف بصوت دوى كالرعد: خلاص كفايه

آريام انكمشت بصت حوليها بضياع بتحاول تهرب من نظرات والدها الحاده ناحيتها بصت لليان إللي في حضن قمر ودموعها نازله استغربت وخصوصا ان سيف مابصش حتى ناحيتها أول مرة في حياتها تخاف من والدها بالطريقة دي
بصت حوليها كان آدم واقف جانبها بعيد بمسافه صغيرة في لحظة واحده اتفاجئ بيها مستخبيه وراه ماسكه في جاكت بدلته وبتبص بجانب وشها وبملامحها البريئه ناحية والدها
آدم برغم الموقف بس ابتسم بحب وبص لعمه نظرة رجاء عشان مايزودش الموضوع علي آريام
اتنهد بضيق وبصلها
آدم  بجديه: نظرة واحده موتتك في جلدك وأنا بديكى كل علقه والتانيه مابيأثرش فيكى
آريام بدموع مكبوته في عينيها وفم مذموم كالأطفال وصوت خفيض للغايه،؛ أنت مختلف يا دومى أنا اتعودت منك علي كده من وأنا طفله بس بابي غير أنا خايفه أنه يكرهنى
آدم حضنها:ماتقلقيش مش هيكرهك
التفت بسرعه علي صوت سيف وهو بيقول بحده وبيمسك آريام من معصمها بقسوة من خلف آدم وقفها قدامه وقال: أنا عارف أنى دلعتك بزياده وعديتلك غلطه ورا غلطه ورا غلطه لكن أنتى مافيش فايده فيكى
آريام ببكاء: بابي أنا
سيف بقسوة: شششش مش عايز اسمع صوتك
التفت لليان المنكمشه في حضن والدتها لأول مرة يشوفها قلبه وجعه أوى وعيونه دمعت قرب منها ببطئ شديد وفجأة حضنها أوى وملس علي ضهرها بحنان وقال بندم: أنا آسف آسف غلطتى إنى مادورتش كويس سبتك ضحيه ليهم غلطتى إنى صدقت كلام طفله مستهترة وبص لآريام بحده وكمل: بتحب تألف قصص
أريام هزت راسها نفي وقربت من باباها ومسكت أيده وقالت بانهيار شديد: والله أبدا يا بابي والله أبدا إللي قلته ليك هو إللي حصل والله يا بابي مابكدب مستحيل اكدب في حاجه زى كدا أنا عمرى ما كدبت عليك حضرتك عارف كل حاجة ...بصت لليان واتكلمت ودموعها شلال علي وشها: ليو قولي لبابي أنتى كنتى شايفه قوليلهم إللي حصل عشان خاطرى
ليان كان قلبها واجعها علي آريام بس خافت تتكلم
سيف بحده موجه كلامه لآريام: عايزاها تقول أيه يا خسارة تربيتى فيكي يا آريام
آدم بصلها وقلبه وجعه عليها قرب منها وشاف الضعف إللي في عيونها قرب منها وحضنها شهقاتها زادت وقالت: ليان مابتتكلمش ليه يا آدم والله أنا لسه عارفه إنها عايشه يوم ما روحت شركة أجمد رجب عرفت من تسجيل عنده علي اللابتوب شوفت فيديو كامل للحادثه وعرفت عنوانها من ملف كان في الخزنه ورفعت راسها وبصتله ببراءة ودوعها مغرقه وشها الأحمر: أنا خرجت بعد مانت نزلت وروحت لعنوان ليان عشان أتأكد وتاكدت يا آدم والله هو ده اللي حصل أنا كنت فاهمه إنها ميته والله قول لبابي يصدقنى يا آدم والله ماقدرش أخبي أو أكدب عليه ليان خلتنى اوعدها ماقولش لحد فيكو حاجه خايفه تواجهكو وخصوصا إنها عايشه في بيت دعارة مع ناس مشبوهين واما رفضت هددتنى إنها هتموت نفسها لو قلتلكو حاجه أنا مش وحشه عشان أعرف سر زى كده من البدايه وماقولوش
بصت لوالدها وقربت منه وقعدت على ركبتها ومسكت رجله وحضنتها وكملت بكاءها إللي قطع قلوب كل الموجودين: بابي والله أنا ماكدبتش عليك أنا روحت البيت ده عشان كنت بكلمها وسمعت إنها بتتعذب بابي ليان اتعذبت كتير أنا مش ندمانه علي أي حاجة عملتها ليها أنا روحي رجعتلي بعد ماشفتها سامحنى يا بابي أرجوك بصت لليان برجاء: عشان خاطرى يا لينو اتكلمي قوليلهم إللي حصل عشان خاطرى
آدم بص لليان وهو مضيق عيونه مستغرب ضعفها ليان من صغرها كانت أقوى من آريام وإللي شايفه دلوقتى إن آريام هي القويه برغم ضعفها بس هي دايما عواطفها محركاها ومابتفكرش في نفسها لما الموضوع يتعلق بحد من عيلتها بص لليان بضيق هو متأكد إن آريام بتقول الحقيقه وعارف إنها متهورة وغبيه وبجحه وكل حاجة لكن مش كدابه مستغرب سيف وتصرفه هو مستحيل يأذى آريام أو يسمح لحد ياذيها حتى لو نظرة وهو بيعمل ده دلوقتى ....
أدهم قرب من ليان وقال: ليان ساكته ليه اتكلمي عمي فاهم ليان غلط ومقاطعها أنتى ممكن تنهي سوء الفهم ده ليان
سكت لما بصتله بضياع وقمر بصتله بضيق وقالت: كفايه بقا دلع سيف فيها هو عمل فيها كده خلاها تخبي علينا إن أختها عايشه و...
أريام بصت لمامتها بصدمه وهزت راسها لا يا ماما بلاش أنتى كمان تظلمينى
عز بصدمه قاطع كلام مامته: أيه إللي بتقوليه ده يا ماما انتى من يومين بس كنتى طايرة من الفرحه إن آريام عايشه
قمر بحده: بس ماكنتش أعرف إنها انانيه كده
هنا جاسم اتدخل بشراسه زقرب من آريام وقومها وقال: معقول بتعاقبوا بنتكو إللي مالهاش ذنب في أي حاجه معقول
آريام بصتله وقالت بدموع وصوت مبحوح:، بابي جاسم أنا ماعملتش حاجه والله ماعملت حاجه ليان مش راضيه تتكلم
قمر: تتكلم تقول أيه مش كفايه إللي جرالها أنتى عايشه مرفهه وهي
سيف بصوت حاد كالرعد: قمرررر
سكتت قمر بخوف وحضنت ليان أكتر آريام بصتلها بحسرة وكسرة
سيف بص لآريام وقلبه وجعه عليها أوى شدها وخدها في حضنه وباس راسها وفضل يلمس علي ضهرها بحنان وقال برقه: أنا عارف يا نور عيوني أنك مالكيش ذنب أنتى طول عمرك عايشه بذنب أنك السبب في إللي حصل لليان
بص لقمر وقال بفحيح غاضب: مافيش حد يستحق أنه يتحاسب غير....

معلش علي التأخير هنزلهم بكرة وبعده عشان نخلص من الجزء الأول نهائي
تعبانه اوي والله عشان كده تأخرت

#لهفة_قلب_عاشق

#آدم_وآريام

#سعاد_عباده