لهفة قلب عاشق

سيف الجارحى

الحلقه 24 الجزء الأول
لهفة قلب عاشق
سعاد عباده

آدم خرج من عند أسيل واتصل بشخص بيساعده
آدم: كل حاجه جاهزة زى ما اتفقنا
الشخص: كل حاجه تمام يا آدم بيه
آدم بحده: مش عايز حد يشك في حاجه
الشخص: ماتقلقش الخطه ماشيه زى مانتو عايزين
آدم ابتسم بانتصار وقفل الخط وسرح في حاجه في خياله

آسر قاعد في مطعم ماسك موبايله ومندمج في جيم عليه حس باللي بتبوسه علي جبينه بصلها بحده وبعدين اتحولت لابتسامه مصطنعه بتخبي نفور واشمئزاز كتير جواه بس احتفظ بابتسامته الجذابة وقال بمرح مصطنع وهو بيبص على ساعته الوهميه: معقول كل ده تأخير يا أنسه فاطمه
فاطمه بدلال: بلاش أنسه
آسر بعدم فهم وتجريح: ليه أنتى مش أنسه؟
فاطمه بارتباك: لا طبعا أنسه أنا قصدى بلاش ألقاب بينا أحسن
فارس بابتسامه مشمئزة: اااه ماشي يا فاطمه
فاطمه بسعادة: أنت مش متخيل أنا فرحت قد ايه لما كلمتنى وقلت أنك عايز تشوفنى يااااه حاجه مش ممكن اتخيلها
آسر لنفسه: وحياة أمك أنا قرفان وأنا معاكى بس لازم اتخلص منك ومش اخليكى تقفي بين سعادة أخويا
آسر: تعرفي إني من ساعة ماشفتك ماقدرتش أبعد عيونى عنك وبحمد ربنا إن فارس ماختاركيش أنتى وأختار جنى صاحبتك وإلا كان زمانى في خبر كان دلوقتى
فاطمه بخبث: أنا إللي مش فاهمه فارس إزاى حب جنى كده من غير ما يعرف ماضيها
آسر باهتمام: ماضيها
فاطمه: أيوه
أسر بخبث: اممممم لا ده أنا لازم أحذر فارس بقا...ثم مال ناحيتها جدا وتابع بمكر: بس أعرف الأول أيه هو الماضى ده عشان أعرف اتكتك
فاطمه بغل : هاقولك
اعتدل آسر في جلسته وسمعها وسمع كلامها كويس أوى إللي كان مبهم إلي حد ما بس كل إللي فهمه إن جنى علي خلاف مع والدها وأنه طردها بسبب أخلاقها وعلاقاتها الكتير ...آسر سمعها ووهمها أنه صدقها ومن جواه أقسم لهيوريها الويل( قصده فاطمه يا جماعه)
آسر بابتسامه: أمممم أنتى عملتى فيا جميل مش ولا بد بس أنا هحتاج منك خدمه عشان أثبت الكلام ده لفارس
فاطمه بسعادة: أوى أوى
آسر: عايز كب حاجه عن والد جنى
فاطمه باذبهلال: هه
آسر بمكر: لو مش عايزة خلاص براحتك بس فارس مستحيل يصدق من غير دليل وبعدين ده أخويا وسمعته من سمعتى يرضيكى سمعتى تبقي في الأرض يا وبتهكم قال توتى
فاطمه خافت هتعمل ايه تقوله علي أحمد ووقتها خطتها هتضيع ويا عالم أحمد هيتصرف معاها إزاى وكمان آسر هيعرف إنها كدبت عليه وجنى بريئه من اتهامها ليها وهي بنت محترمه
آسر فرقع صوابعه في وشها عشان تركز معاه
فاطمه بارتباك: خلاص هحاول اجبلك معلومات عنه
آسر بحركات مدروسه قرب منها وباسها من خدها وقالها: ياريت كل الناس نقيه زيك مبسوط أنى عرفتك
فاطمه بمكر: ماتكسفنيش بقا
آسر بصلها بازدراء وقال: همشي أنا عشان ورايا شغل وأكيد هشوفك تانى...ومشي وسابها من غير مايسمع ردها ...وهي ابتسمت لنفسها ومسكت فونها واتصلت على أحمد
أحمد بتافف: خير
فاطمه: عايزة اقابلك
أحمد: مش فاضي
فاطمه: لازم اقابلك هستناك في الشقه إللي بنتقابل فيها ولازم تيجى الموضوع يخص بنتك
أحمد بازدراء: ماشي.وبتهكم قال...يا زوجتى العزيزة
وقفل الخط
فاطمه لنفسها: والله والدنيا ضحكتلك يا توتي وعشان كده لازم أخلص من جوازتى من أحمد ده صحيح جوازة مأندله ....