Love and Lost (On Going - Under Editing)

CHAPTER VI; Untold feeling

-KIANDRA-

Magkadikit ang mga labi namin!

Literal na nanlalaki ang mga mata naming nagkatitigan. Nawala ang hilo ko dahil sa pangyayari. Taranta kaming napahiwalay sa isa't-isa, at napatayo.

Packing tape! First Kiss ko iyon!

"Huy Charles". Kulbit sa kaniya ni Dan.

"Hmm"?

"Yare ka".

Mapupungay ang mga mata nitong umupo. Napatingin naman siya sa akin.

"Bakit umuusok ang ilong ni Kia"?

"Charles David Ibañoz, ewan ko sa iyo"!

"H-Ha? T-Teka, anong ginawa ko"?

Hindi ko na lang siya pinansin at naglakad na ako papunta sa kwarto ko. Sinalag pa nito ang mga braso niya nang makaraan ako sa harapan niya.

"Huy. Kia naman". Rinig ko pang tawag niya.

Bahala siya jan.

Nagmamadali akong isinarado ang pinto, at inis na padapang ibinaksak ang sarili ko sa kama.

Isinubsob ko ang mukha ko sa unan para impit na sumigaw.

Sa dinarami-raming makakakuha ng first kiss ko, sa isang hambog pa mapupunta.

Patuloy lang ako sa paghihimutok. Dahil na rin sa epekto ng alak, hindi ko na namalayan, at nakatulog na rin ako.

Naalimpungatan lang ako nang makaramdam ng uhaw. Nakangiwing umupo ako.

Tila yata ako magkakasakit. Alak pa, Kia.

Tumayo ako at lumabas ng kwarto. Sumilip na muna ako sa sala kung saan natutulog ang mga ugok.

Lahat sila ay mga nakanganga na. Napailing na lang ako. Hindi sinasadyang nahagip ng paningin ko ang bakanteng sofa.

Nasaan ang isang iyon? Napailing ako. At ano naman daw ang pakielam ko?

"Tsk".

Dumeretso ako sa kusina para gawin ang tunay na pakay.

Kasalukuyan akong umiinom ng tubig, nang may biglang nag salita sa likuran ko.

Anak ng tinapa.

"Bakit gising ka pa"?

Sandali lang akong pinasadaan ng tingin nito, bago ako lagpasan at kumuha rin ng tubig  Sinundan ko lang ng tingin ang ginagawa niya.

"I just woke up".

Nang wala akong makuhang sagot mula sa Lars, ay inubos ko na lang ang bago kong kuhang tubig.