"ဒီဆေးလေးသောက်လိုက်အုံး မိန်းမ...... "
"ကျွန်မဘယ်ချိန်ထိ ဒီဆေးတွေသောက်နေရအုံးမှာလဲ ကျွန်မသက်သာနေပြီလေ..... "
Mr.Kim တစ်ယောက် မိန်းမဖြစ်သူ စကားကြောင့်သက်ပြင်းအသာ ခိုးချလိုက်သည်။မိန်းမဖြစ်သူ မသက်သာဖူးဆိုတာ သူအသိဆုံး။
"သားကြီး ပြန်လာပြီလား..... "
"အင်း ပြန်လာပြီ ....."
"ဒါဆို ငယ်လေးကော ပြန်လာပြီလား ....."
"ငယ်လေးကတော့ ပြန်မလာသေးဖူး ကျောင်းမပြီးသေးလို့ ....."
"ကျောင်းက ဘယ်တော့မှ ပြီးမှာလဲ ကျွန်မသေမှ ပြီးမှာလား ....."
"ပြီးတော့မှာပါ မားရဲ့ ဒီလကုန် ငယ်လေးပြန်လာလိမ့်မယ် ....."
"တကယ်လား သားကြီး.... "
"ဘယ်တုန်းက မားကို သားလိမ်ပြောဖူးလို့လဲ.... "
"ဟုတ်တယ် မားသားကြီးက လိမ်မပြောဖူးဘူး မားယောက်ျားသာ လိမ်ပြောဖူးသာ..... "
ပါးကို မျက်စောင်းထိုးပြီးပြောလိုက်သော မားကြောင့် သူကောပါးပါ ပြိုင်တူပြုံးမိလိုက်ကြသည်။
"ဒီဆေးသောက်ပြီး အနားယူလိုက်အုံးနော်မား ဒါမှ ငယ်လေးပြန်လာရင် မားက လှပပြီး ကျန်းမာနေမှာလေ ...."
ခေါင်းငြိမ့်ပြလာတော့ လက်ဖဝါးထဲဆေးထည့်ပြီး ရေခတ်ပေးလိုက်တော့ ချက်ခြင်းသောက်လိာက်တော့ မားကြောင့် စိတ်အေးသွားရသည်။နှစ်နှစ်ဆယ်ရှိပြီ ငယ်လေးစိတ်နဲ့ မားစိတ်ဝေဒနာ ခံစားနေရတာ။နည်းလမ်းမျိုးစုံနဲ့ ပျောက်ကင်းအောင် ကြိုးစားကြပေမယ့် ပျောက်လည်းခနပဲ။ပြီးရင် ပြန်ဖြစ်လာတာပဲ။
