السلام عليكم، كيفكم و كيف الحجر وياكم؟انشاءالله سويتوا انجازات فيه✊🏼
المهم، حبيت اسولف وياكم شوي، و نتعرف على بعض،
انا قريب بتخرج من الثانوي اخيراً و بيفتحون تسجيل الجامعة قريب، و للأسف الشدييييد تخصص علم النفس قفلوه هالسنة 😔 و تتخيلون إني مقررة ادخل علم النفس من يوم كنت في ثالث اعدادي، و ما جيت ثالث ثنوي الا انصدمت انهم قفلوه🙂💔
يعني احلامي تحطمت في ليلهفـ انا مترددة بالتخصص الي بدشه هالسنه و مو عارفه شنو اختار، نص شهر سته بيفتحون التسجيل يعني ماباقي الا شهر تقريباً و انا مو عارفه شنو اختار😩
قلت بدخل علم الاجتماع و بعد قفلوه🙂
اطق راسي في الطوفة مثلاً ؟!!!!يمكن ادخل كلية المعلمين و اصير بالمستقبل معلمة ابتدائي🤷🏻♀️
و يمكن ادخل كلية الاداب تخصص فنون و تصميم🤷🏻♀️٢+اخاف ادخل تخصص و ما امشي فيه
اختيار التخصصات جددداً صعب و محير، يعني لحد يفكر انه سهل و اوه بختار هذا و مدري شنو🙂
اختيار التخصص يبيله تفكير عميييق و اهم شي اشوفه اذا مناسبني او لامن صار بنفس موقفي؟
انا متحمسة كثيير للجامعة و انا عارفة كمية الصعوبة إلي فيها بس متحمسة للتغير إلي بيصير في حياتي
فـ احاول انسى الصعوبات الي بواجهها قريباً في الجامعة و استمتع بتخيلاتي😂قولوا لي إلي تخرجوا من الثانوي و دشوا جامعة، شلون كنتوا اول ايام الجامعة؟ و شنو واجهتوا فيها؟ الصعوبات...المشاكل ...الايجابيات...الخ،
خلنا نستفيد من تجارب بعض🤷🏻♀️💕من بعد بيتخرج مثلي او تخرج هالسنة؟
و هل انتوا متحمسين مثلي 😂💕؟؟!
ولا محبطتنكم الكورونا😟؟؟انا ولا فكرت بكورونا، بس قاعدة و افكر شلون بصير في الجامعة وشلون بتتغير حياتي، و مستقبلي وووو
لا تقولون إني دافورة و ابي بس ادرس🙂
لا انا بس متحمسة لاجواء الجامعة ،
و الدراسة شوي يعني لأن بيكون غير عن المدرسة🏃🏻♀️شنو بيكون او تبون تخصصكم؟
و إلي في الجامعه شنو تخصصكم؟
و قولوا لنا الاشياء الحلوة الي صادتكم و الاشياء الموحلوة بعد😂 متحمسة اعرف تجارب غيري في الجامعة🙆🏻♀️[ احس كلامي مو متناسق و مخربط 🙂
الكلام في مخي بس مو عارفة شلون اطلعه😂]المهم مابي اطول عليكم
حبيت اسولف وياكم شوي مدام رمضان و الكل قاعد في بيته🙇🏻♀️اشوفكم على خير🌙
و #خلكم_في_البيت
اهتموا بنفسكم و بأهلكم⭐️💕و لا تعرضوا حياة اهلكم و احبابكم للخطر بسبب طلعاتكم و جمعاتكم🔴
![](https://img.wattpad.com/cover/176442741-288-k535882.jpg)
ESTÁS LEYENDO
علم النفس | Psychology
No Ficciónتُريد أن تُصبح عالِم نفس أو إخصائي نَفسي وليس لديكَ معلومات كافية عن هذا المجال؟ - أنتَ في المَكان المُناسب🌟. هُنا كل ما تُريد معرِفَته عن عِلم النَفس👩🏻🔬. انا فقط طالبة و لستُ طبيبة نفسية🙅🏻♀️ -- يتم أخذ المعلومات من مواقع و مصادِر عِدة☄. ___...