The Gangster Heirs

Heir 30: Other Side

Heir 30 ♚ Other Side

Ayah Lynn's POV

6 hours before.

Text message: ( Dora&Boots )

Girlfriend ni Nathaniel Gabriel Evans, pumunta ka sa lugar na 'to.

Ngali-ngali kong ibato 'yung phone ko sa inis. Tatlong araw na akong tinetext nito na pumunta daw ako sa lugar na sinasabi n'ya.

Nung una akala ko joke joke lang, kasi unang text n'ya ay...

Girlfriend ni Nathaniel Gabriel Evans.

Gan'yan ako naman sabi ko sa sarili ko, sino namang girlfriend ni Nathaniel na 'yun? Baka wrong send 'tong nagtext sa 'kin.

Hindi ko pinansin, hanggang sa nagtext nanaman. Hindi ko ulit pinansin, pero hindi ako tinigilan. Tinawagan pa ako. Robot pa ang boses nung tumawag. Weird ng mga tao ngayon. Tsk.

Pinipilit n'ya ako na ako daw girlfriend ni Nathaniel. Ang kulit! Sabi ko nga hindi e. Pero nag-send s'ya ng video sa 'kin, 'yung video na hinahalikan ako ng gagong 'yun, tas sabi n'ya ebidens'ya daw 'yun na girlfriend ako nung gago.

Sabi ko dun sa nagtetext sakin, porket may video na ganun girlfriend na 'di ba pedeng ikaw muna? Pero ayaw talaga akong tigilan.

Nung ikalawang araw, pinapupunta naman ako sa lugar na kung nasaan na daw si Nathaniel. Aba malakas na talaga trip ng nag-tetext sa 'kin, gagawin pa akong si Dora na kung san-san pinapapunta ni Map.

Kaya Dora&Boots pangalan n'ya sa contacts ko e. Ang kulit. Nakakainis.

Tapos nung ikatlong araw nag-send s'ya ng video sa 'kin, habang binubugbog nila si Nathaniel, at kinunsens'ya pa ako. 'Pag hindi ako pumunta dun tutuluyan daw nila si Nathaniel. E syempre may konsens'ya ako.

Kaya 'di ko alam gagawin ko.

Andito kami ngayon nina Lian sa rooftop tutal lunch naman at etong si Dora ay tinetext pa din ako. At puro picture pa ni Nathaniel na duguan sinesend sa 'kin. Agh.

Gusto ko mag-reply ng, 'Tuluyan n'yo na, trip n'yo 'yan e,' kaso hindi kaya ng konsensya ko, kaya ang nireply ko ay...

"Wow, Hanep sa effects ang mga pictures n'yo mukang tunay na dugo 'yung ketchup! Nice! Anong editor 'yan?"

At ang natanggap kong text ay...

"Putang-na mo!"

Nakakawalangya lang. Namura pa nga. Kainis 'tong Dora na 'to e! Pasapak ko 'to kay spongebob at Barney e! Kakainis.

"Putang-na too."

I replied. Ano kala n'ya s'ya lang marunong mag-mura? Huh! Marunong din kaya ako, kay Shana ko natutunan 'yan hehehe.

Maya-maya pa nagsend nanaman s'ya sa 'kin ng video. Nakakakilabot 'yung video, binubugbog nila si Nathaniel tapos duduruan nila, samantalang 'yung si Nathaniel, halos mawalan ng malay pero hindi man lang nasigaw. He's hurt but you can't hear any screams from him.

Kinakabahan na ako lalo dun sa video. Pano 'pag pinatay talaga nila si Nathaniel? Edi pede akong makulong? Kasi hinayaan ko s'ya? Eh hindi naman ako ang pumatay e, hindi 'yan. Pero...

Anaknang! Bakit ba hindi ako mapakali?

Maya-maya nag-vibrate 'yung phone ko. Sinagot ko 'yung tawag.

[ "Hindi ka ba nakukunsyensya? Mamatay s'ya ng dahil sa'yo, kaya kung ako sa'yo pumunta ka na sa lugar na 'to. Dahil tutuluyan na namin 'to, at palalabasin na ikaw ang pumatay." ]