الجزء الثالث
بقلم:condee khalidمشيت للمدير ووريته انه عاوز اذن عشان انقل سدين للعياده بتاعتي اول مره رفض بس اقنعته قال لي خلاص بكره بالغصر انقلها بعد م تتم الاجراءات وافقت و فرحت جداََ لانه و اخيراََ ممكن سدين تبقى احسن المرض د م بتعالج بس ممكن يتحسن.... مشيت عاوز اطمن عليها لقيتها نايمه بريئه جداََ البت د م مفروض تعاني قدر ده و المشكله انها بتعاني من و هي عمرها 5 سنين د لو م اهلها عذبوها قبل و كمان المدرسه الكانت بتحكي لي بيها كيف طفله م فاهمه اي شي يعاملَوها و يخلوها تحس بالألم د كله؟؟ كويس انها جات ع مرض بسيط م جاها اكتئاب و انتحرت... انا عاوز اعرف هو الحصل بين امها و ابوها شنو عشان يتخلوا عنها كده لازم اعرف،، الليله نمت ف العياده عشان بكره طوالي اسوقها رقدت و غمضت عيوني كده جاتني صورة سدين و هي بتكورك حرفياا انا جريت اشوفها زي الكلام د حقيقه لكن الحمدلله طلع م في شي و كله تخيلات (انا مهند عمري ٢٦ ابوي متوفي و امي هي الربتني كنت عايش ف بلد زباله جداََ و مرات حق الأكل م بنقدر نجيبه و ايام كتيره عشت من غير اكل بقى عادي... كان عندي اصحابي هم العملوا شير و رسلوا لي حق الجامعه عشان اتعلم اما المدرسه ف اصلاََ كانت مجاني للما بقدروا يدفعوا مشيت الجامعه و ف سنه تانيه كان عندنا دكتور قال لينا عن المنح و انه نحن ممكن نقدم عشان نلقى عيشه احسن و سبحان الله كنت كاسر الحنك و م عاوز اقدم لانه اصلا م من رهابة حظي لكن ختيت الرحمن ف قلبي و قدمت اجرب م فيها مشكله م حأخسر شي... قدمت و مشيت انا و امي و اختي الصغيره اسمها جمانه عمرها كان ٨ سنين ف عمر سدين و احتمال د واحد من الاسباب الخلاني اعطف على سدين .....قدمت و وافقوا علي من اول مره و الحمدلله سافرنا بعد ٦ شهور بعد انتهت الاجراءات حياتنا اتغيرت كله كله و طبعاََ للأحسن.... قريت هندسة نفط و قريت كمان علم نفس و اول يوم لي ف العياده شفت سدين 💚... كانت عصبيه شديد بتضرب اي زول قدامها بتخبط و عدوانيه.... لكن طبعاََ اللين بلين القاسي ف حاولت اني اصحابها بكله و اعاملها بطريقه اخليها تثق فيني بقينا اصحاب اكتر من دكتور و بيشنت....... الصباح جا و جات داخله سدين و هي مظبطه و لابسه بنطلون اسود و تي شيرت بنفسجي و قابضه شعرها ضنب حصان لفوق 💛.... كنت بتم ف الاجراءات و قربت انتهي قالت لي صباح الخير... قلت ليها اهلا هلا صباح النور شنو الجمال د.... قعدت تضحك ووشها بقى بنبي😂... قلت ليها اقعدي.. قعدت قلت ليها عندي ليك خبر حلوو شديد.. قالت لي اه.. قلت ليها حترحلي معاي عيادتي ف... ،قالت لي اصلاََ م فارق معاي كله واحد المجنون بفضل مجنون.. قلت ليها سدين عايني لي.. عايني لي.. عاينت قلت ليها انت م مجنونه د مرض عادي و ممكن يجي لأي زول بعدين انت حتتحسني هناك و حأعرفك ع اختي و امي ححبوك💛....عاينت لي و ابتسمت.. قلت ليها يلأ قومي لمي حاجاتك عشان حنتوكل العصر... مرقت و انا قعدت اكمل ف الاجراءات....
عند الاستقبال :
امراه بيضاء اللون بنية الشعر يبدو علء قمسات ملامحها انها عاشت الف قرن عند رؤيتها قد يتوجس قلبك الخوف قساوتها تظهر مع ملامح وجهها...
=السلام عليكم اريد دكتور مهند..
-تامام (لا تحسن اللغه العربيه)..
ذهبت و جاءت مره اخرى و اخبرتها ان الطبيب مهند استقال و توقف عن العمل ف هذه العياده..
= ماذا؟ و لكنه لم يخبرني بذلك!..
-لا اعلم سيدتي
=حسنا نادي لي سدين اريد ان اراها!!
_هي كذلك ذهبت معه و لا اعلم الى اين و ارجوك تفضلي بالخروج توقفي عن التحقيق معي...
=بلكنه سودانيه خالصه(بلى يبلاهم الاتنين لكن ياخ ي ربي الزفت الاسمها سدين د طارت وين عاد ابوها كان جا اودي وشي وين..كدي انضرب ليه سعاد د)...ف مكان اخر ف احدى مناطق البلده الصغيره ظلام دامس يحيط بالأعشاب و الملامح الريفيه بها تجعلك تظن انهم لا يزالون يستخدمون الدواب للتنقل...
اتفضلي ي سدين...
![](https://img.wattpad.com/cover/228695359-288-k596021.jpg)
YOU ARE READING
فضاء
Non-Fictionكلً مننا له فضاء ف أعماقه... َ لكن هل سيظهر القمر و نرى النجوم و الضوء و يمتلئ هذا الفضاء؟!!. لا نعلم ف كله مكتوب و كله مقّدر. 💛