فضاء

الجزء الخامس

الجزء الخامس
بقلمي:condee khalid

ي ولد مهند البت د م يكون حصل ليها شي يبقى ذنبها ف رقبتنا!!... لالا ي امي م بكون حصل ليها شي بعد شويه بطلع بشوفها م تخافي.... ي جمانه تعالي عايزك.. اه قول!!،، طيب انا عاوز ادخل سدين معاك المدرسه بقبلوها لي؟ امم والله ي مهند بكون بقبلوها مش قرت قبل كده هي؟ اي قرت و نتائجها كانت كويسه شديد!.. خلاص عاين عندي ليك فكره ممكن بكره الصباح تمشي معايي و تكلم المديره.. خلاص طيب فكره بسوقها هي زاتها... يسسس و اخيرا قبلت تمشي معاي💃حاقشر بيك قدام صحباتي لي سنين بكلمك بتقول لي م فاضي!!.... عليك الله ي امي عان بتك د نحن ف شنو و الحسانيه ف شنو..... خلاص عايني بدري بدري م تقعدي تتاخري لي و حركات البنات د... طيب بس انتوا صحوني بدري.... طيب ي امي تصبحوا ع خير حاطلع اشوف سدين د و بعدين حأمشي انوم... اكُل ليك حاجه طيب مما جيتوا م اكلتوا شي!!... و الله ي امي تعبااان م قادر اكل بس لو عملتوا لي اكل سريع لي سدين كده بكون كويس... حاضر من عيوني هسه اقوم اعمل....

ذهب الى الغرفه المقابله لباب المنزل طرق عدة طرقات خفيفه و لكن ليس هناك اي استجابه!!... بدأ ف مناداتها بصوت اشبه بالمرتفع سدددين.... و لكن ايضاََ بِلا اجابه.... فُتح الباب بلا اي ضجيج... و دخلت الى غرفتها بصمت تام... اه ان شاء الله هديتي!... م عاوزه تتكلمي معاي؟؟،..........
خلاص م مشكله لي بكره نقعد كده م عندي موضوع غيرك اصلاََ انا.... سدين بطلي عناد انا داير مصلحتك و انت عارفه كده جوري د وهم يعني اكذب عليك لي شنو؟؟ لي ٩ سنين معاك حصل كذبت عليك؟؟ حصل اذيتك؟ م حافكر ذاته لانه عندي اخت قدرك و ممكن واحد يجي يأذيها!!.... بدأت ف النحيب و غطت وجهها بكفيها الصغيران ف محاوله منها لاخفاء ندبات الالم ع وجهها و لكن هيهات.... ابعد يديها عن وجهها و قال :م تخافي ي سدين الكنت بتقولي لي جوري قولي لي و لو م بتقدري (شي خاص يعني).. قولي لي جمانه او امي ديل اهلك بقو و م حيكونوا عاوزين يأذوك.. و ممكن كمان تكتبي عندك حلول كتيره غير جوري او الخيال البترجعي ليه د.... رفعت رأسها و نظرت اليه هم ححبوني؟ م حعاملوني كعب؟م حيقولوا لي ي مجنونه؟... لالا و ع مسؤوليتي انا بعرفهم كويس بالعكس هم مبسوطين بيك شديد.. جمانه د اربعه و عشرين ساعه قاعده ف التلفون او براها بتقول عاوزه اخت ابقي ليها اخت و هي حتبقى ليك و امي اصلاََ حتعاملك كويس لانه قلبها ابيض.. يعني شنو اخت و بعدين انا م بعرف اتعامل مع الناس كيف!!.. مع الزمن حتعرفي يعني شنو اخت! 💛 و مع العشره حتقدري تتعاملي و حيبقى ليك عادي انت لسه صغيره الحياة قدامك..( لم تعطه اي اجابه) ... عندي ليك مفاجاه بكره او بالاصح مفاجأتين!!... شنو المفاجاه؟ بكره بوريك ليها م هسه.. يلا هسه قومي غيري هدومك د و البسي البجامه و نومي لي بكره كان الله حيانا... صحي دقيقه اجيب ليك الاكل تاكلي... ذهب الى المطبخ و قدمه لها وودعها... اكلت و وضعته ع الكومنده التي بجانبها و نامت... انها اول مره ف حياتها تنام بطمأنينه عرفت معنى البيت و السكينه التي تكون ف اهله بدأت تعرف معنى عائله لم تلجأ الى الخيال ف وجدت م يرضيها ف الواقع......