فضاء

الجزء السادس

الجزء السادس
بقلمي:condee khalid

انا جييت.. خلعتيني!!.. ياخ م ممكن تكوني طوالي مع مذكراتك د عيشي حياتك حبه... (ابتسمت لها ف تصنع واضح)... اه م وريتيني جبتي شنو؟.. بدأت ف اخراج م اشترته من السوق ف فرح بالغ و سعاده عارمه.. اخذت سدين تنظر اليها و الى مدى رضاها و قناعتها ف حسره كيف يمكنها ان تصبح سعيده بمججرد كتله من الملابس و الاشياء التي ف نظرها تافهه لا تقدم و لا تأخر... حلوين شديد... شكراََ ماشه اكل لي شي... طيب.. نهضت من الفراش و اخذت تنظر الى النافذه ف حزن و تنفست الصعداء و قالت(يجب ان اعيش حياتي الى متى ساظل حزينه و متدّعيه لدور الضحيه؟...)...

ف احدى ارياف العاصمه هدوء بالغ و كذلك الكأبه تغطي المنازل مما يعبر عن اجواء غير مستقره من البرد القارس و عن اجواء شتوية رمادية ... في قريه تكاد تظن ان لا حياة فيها.. :

انا قروشي خلصت خلاص!.. اعمل شنو ي امي لي متين حتقعدوا تشحتوني كده حق اللبن م عندكم.. بقى كده هسه يخس عليك ولادة الندم انا حياتي كلها قضيتها بخدم فيكم عشان شحتك اشتري لبن تتسوي فيني كده!!.. عليك الله ي امي وقفي الدرامات بتاعتك د انت عارفه قضيتي حياتك ف شنو م تقعدي تعيشيي دور الام المضحيه... ياها بنتك سكتك ف الكنت بتعملي و شوفي نهايتها كانت شنو هه و الله لكن و قذفت لها بالنقود ع الارض... هاك شيليها و اخر مره تشحتيني فاهمه امشي اشحتي راجل بتك داك مقرش و م عنده هموم... خرجت و اقفلت الباب خلفها بقوه جعلت الباب المهترئ يهتز حتى كاد ان يسقط ع سكانه...
جلست الام تواري خيبتها و تصبر نفسها ع ان المؤمن مبتلي.. ي للعجب!! لا تعلم انه جزاء ع م فعلته ف حياتها.. اقصى حسناتها انجابها لبنتيها و من ثم السيئات بدأت ف التفاقم بشكل ملفت....بدأت تحدث نفسها:احي انا ي الله هسه انا اعمل شنو!! اكل من وين.. الراجل الفقر د لو كان منه فائده هو بته كان ساعدني بس قفل الابواب كلها ف وشي... تستاهلي انت زاتك البخليك تودي البت للمصح و تجدعيها براها هناك شنو.. ياها لمن هربت و لقت البساعدها.. كنت حاخلي ابوها يرسل لي ع اساس ليها... عاد بتي ولدت فقر و لادت السجم و الندم لا لقيت فايده منها لا من عيالها بيسس... نهضت و توجهت الى بيوت جاراتها لتحتال عليهم بأحدى طرقها المعروفه....رمي الودع، و قراءة الكف و الفنجان و كل تلك الاساليب التي توضح جهالة عقلها و فكرها و لكن اهل المنطقه اصبحوا يعرفون دجلها و بدأوا ف تجنبها و الابتعاد عنها... منهم الشامتين ع وضعها و م حدث الى بنتها بأن السحر التي تمارسه له علاقه قويه بوفاتها و اخرين مشفقين و يسألون لها الهدايه من الله.....

ف مكان اقامة والد سدين:جالس مع صديقه يلعبان الضمنه :
م ناوي ترجع لبنتك ي عماد؟.. والله يااخ نفسي اشوفها بس خايف من المرا ديك.. تقوم تعرف اني رجعت و تكتبني و لا تعمل لي انا و بنتي مصيبة زمان!!... ي زول كيف يعني بعدين. الحافظ الله هسه بنتك د لا سمح الله لو حصل ليها شي!!... م بحصل ليها شي انا بتكلم طوالي مع مهند د..و كمان د منو!!. كان دكتورها كلمت حبوبتها توديها لانه قالت لي بتعمل حركات غريبه و خايفه انه حالتها تسوء و كده فقلت ليها وديها لدكتور نفسي يكون كويس و انا م عندي مشكله بدفع قلت احتمال انه م لقت امها و لا اي زول اثر فيها ف بس و كنت بدفع ليها طوالي و كده و رسلت اخوي برضو يمشي يشوفها تاني يوم و يجيب لي رقمه و اتكلمت معه ووصيته عليها و استودعتها الله.... و الله قلبك قوي هسه انا اجدع بتي كده لناس م ضامنهم!!...( ف محاوله منه لتغيير الحديث) م شفتها بقت حلوه كيف بتشبه امها الله يرحمها و بقت بت كبيره و شكلها هادئه من الصور ♥️.. حسبي الله ف الخلاني ابعد منها بس حسبي الله.. ربنا يعينك والله.. اه طيب م ناوي تعرس تاني حتقضي حياتك عايش براك كده بكره تكبر و تحتاج السند!.. لالا م بفكر ف الموضوع د هسه... ع كيفك لكن بعدين حتندم.... ارح ارح هسه العب اقفل المواضيع د...

صلوا ع سيدنا محمد..