فضاء

الجزء التاسع

الجزء التاسع
بقلمي:condee khalid

اججييي ي سدين؟ عان عليك الله البت د! تجيب لينا المشاكل و قال م بقدر ع المجتمع د! انت ي بتي دقيتي ولدددد عارفه يعني شنوو دقيتي ولد؟؟ و الله لكن اححييي بس سدين اعمل فيك شنوو؟ هسه نمشي وين و القاعات بوين و نصدق منو زاته!!... خلاص ببطلي بكى قوميي ارح نشوف لينا زول نسأله....هسه د الجابه شنو؟.... اممم 😬معليش والله ع حركتهم الزباله د هم اصلاََ كانوا متابعنكم من ما دخلتوا الجامعه و عملوا فيكم المقلب د... عاين انا م عاوزه مشاكل كفايه المشاكل الجات لي اختي امشي شوف ليك شغله غيرنا.... لالا والله م عاوزه اعمل مشاكل حابي اساعدكم..... ههههه عان قال داير يساعدنا ي جمان😂... عليك الله اتلهي ارح ارح زاته مش البكى د زاته خليته(امسكتها من قبضة يدها و دفعتها معها بقوه)... قال الشاب مستهزئاََ:بالله شوف عاوز اساعدهم و عاملوني كيف بجد اعمل خير و اجدعوا ف البحر اه اصلاََ م مهم... و عاد الى رفاقه مره اخرى....ف اثناء رحلة بحثهم عن القاعه تحدثت سدين.. ي جمان عايني ارح نسأل عمو الواقف البشوف البطاقات د م اظن يمقلبنا... ي بت نحن دخلنا للمكتب عديل و مقلبونا د غالبه يعملها يعني؟؟... ارح انا عندي فكره.. انا م بثق ف افكارك د... كدي دقيقه ي سدين!! (و امسكتها من مرفقها)انت م خايفه؟؟ الاولاد ديل م حخلوك كان م عملوا فيك مصيبة زمان ع فكره... اه اصلا م هاميني و الدايرين يعملوا يعملوا... و الهسه كان ببكي منو!!.. م بعرف ي جمانه يااخ ارح الزمن فضل ربع ساعه و المحاضره تبدا... خلاص طيب نتفاهم بعدين و انا حاكلم مهند.... نظرت لها بنظرات توعد و قالت:جمان😑... ارح هسه انسي الموضوع د و ماف داعي ندخل ناس مهند و نقلقهم ساي ديل شفع م بعملوا شي... تمام 😒 ارح..... ذهبتا الى المسؤول عن جمع البطاقات اخبرهما بمكان القاعه و ذهبتا ع اساس الوصف و لكن بحذر شدييدد.... اتفقتا ع ان لا يدخلا المكان الا عندما يروا طالبات و طلاب يمرون بذلك المكان (اي يدخلونه)....اووف الحمد و الشكر لك ي رب و اخيررررراََ يااخ... ارح ارح خشي الدكتور هسه حيجي....

مهند ف منزل والدته:
ي مهند انت سدين د ابوها طوالي بضرب لي و بسأل عنها لمن م ترد و كم مره حسيت بيها شكت بس انا بحأول م اظهر الموضوع حنعمل شنو نحن طوالي حندس منها يعني؟ اكيد حجي يوم و تعرف انه ابوها في و كمان بسأل منها انا خلاص بعد ده بكلمها... لالا ي امي م تكلميها لسه هي يدوب بدت جامعه و مشت ف نص العلاج او اتعالجت عامةً و حياتها بقت ماشه زي باقي الخلق..خليها تخلص سنه اولى د و بعدين بكلمها انا بنفسي بتكون بقت انضج و مع جو الجامعه و كده بتتقبل الشي د.. غايته بسس،،سمح عاد انت ادرى... هسه ي ربي بعملوا ف ششنو... ان شاءالله يكون اليوم ماشي ع خير عندهم... ان شاءالله ي امي بس كتري من الدعوات... طيب اه و انت جهزت حاجاتك كلها!!... لسه فضل لي كم حاجه كده و بجهز اصلاََ م حاشيل حاجات كتيره... اه و المقابله بتاعتك القلتها عنها ان شاءالله نجحت؟ ااي نجحت الحمد لله م تتخيلي كنت خايف كيف!! لانه ديل ناس كبار كبار كده و ناس مهمه ف صعب اتعامل قدامهم بطبيعتي ههههه لكن الحمد لله....الله يوفقكم و اشوفكم كده ناس مهمين و تخلوا بصمه ف المجتمع د و تربيتي م تروح ساي... لا لا اكيد م حتروح ساي... اصوات دقات الباب تتعالى..د الباب بدق ماشي افتح... اي امش بلبس لي توب و بجي... طيب
قام بفتح باب المنزل و المفاجاه!!!
انت؟؟ 😕

ف احدى ارجاء الجامعه و بالتحديد ف الزاويه المقابله لقاعة سدين و جمان... جلس مجموعه من الشباب يسجرون ومنهم من يتعاطى حبوب من الممنوعات...
اه ي صحبي بت قبيل د حنكها شنو😉.. عجبتني صراحه خليها لي انا بتعامل معاها...... يااخ والله د اول مره تحصل ليك ي مان عشنا و شفنا بت تضربك!!.. كدي احكي لي حصل شنو بالتفصيل و البت زاتها عامله كيف بالتفصيل😉.... انا البت د حلفت اني م حاخليها و اكيد م حاكسر حليفتي... هههههه ي زوول التقول داك المقطع الايمان م متذكر لمن سرقت الامتحانات و صور البت غالبك تكذب🤣... الكلام د م بشبهك ي مان.... عليك الله ي مجتبى وقف تريقتك د م فاضي ليك انا.... المهم تعالوا اوريكم حاعمل ليها شنو و اكيد حاعجبكم يعني انا يوسف م بتلعب معاي..اه ورينا ي اصلي..

سدين و جمانه:
خرجتا من القاعه و في ثغرهما ابتسامه عذبه تدل ع الرضى.. الدكتور د عجبني كلامه مضحك ياخ😂... ااي لذيذ كده عايني م نقعد نلعب ف الجامعه ي سدين لازم نجتهد... د لو الحياة خلتني و م قعدت تجيب لي مشاكل كل يوم.. واي ي سدين عايني ديل اولاد قبيل.. التافهين عايني ليهم متجمعين كيف... غايته ي سدين انا شايفه انه نكلم مهند لانه الموضوع د م حمر ع خير.. لأ م تكلميه بزعل منك و الله ي جمان هو بعد بكره مسافر يعني م ممكن نشغله بحاجات تافهه زي د... لكن لو عملوا ليك شي ياخيي😭... م بعملوا شي ان شاء الله الحافظ الله... سمح ارح نشوف لينا بينش نقعد فيه بعيد من الفقر ديل.... اوك... جلستا ع احدى المقاعد.. و حديث تلو حديث يشغلهما و لكن يبدو ان سدين تفكر بشيء اخر... سدين بتعايني وين؟في شنو؟ التفتت الى الخلف.. وجدتها تنظر الى اولئك الشبان... مالك؟ هم كيف بسجروا كده عادي قدام الناس؟ ماف مدراء ماف مسؤولين!!... برري الا يكون عندهم اهلهم شغالين هنا لانه من فرعنتهم د بتعرفوا... اي احتمال.. اه غيري الموضوع م تفكري كتير حبيبتي طيب💜.. مهما حصل ليك انا معاك.. نظرت لها و اكتفت بأبتسامه و همست قائله:الله يخليكم لي.... فضل كم محاضره! واحده بس الجايه د... اوك اكلي سريع عشان نرجع القاعه.. طيب..

صلوا ع سيدنا محمد.