"ဖတ်...ဖတ်...''
ကျိုးချန်တစ်ယောက် အနောက်ကနေ တစ်ယောက်ယောက်ပုတ်လိုက်တာကြောင့် လှည့်အကြည့်...
"အား !!! "
အရှေ့က ရုတ်တရက်မြင်လိုက်ရသောအရာကြောင့် အလန့်တကြားအော်မိသွားသည်။ အလွန့်အလွန်ကိုမှ ကြောက်ဖို့ကောင်းတဲ့ သရဲမျက်နှာဖုံးနဲ့ လူနှစ်ယောက် ။
သူလန့်သွားတာတွေ့တော့ တဟားဟားနဲ့ သူ့ကိုလက်ညှိုးထိုးပြီး အော်ရယ်နေသည်။ ကျိုးချန် ထိုနှစ်ယောက်အား မျက်မှောင်ကြုံ့ကာကြည့်လိုက်သည်။
"ဟား...ဟား..ကိုယ်ရံတော်ကျိုးချန်က သရဲကြောက်တတ်လိမ့်မယ်လို့ ကျွန်တော်မထင်ထားမိဘူး..ဟဲ..ဟဲ..''
မိမိအား ရယ်ကျဲကျဲဖြင့်ပြောကာ မျက်နှာဖုံးဖယ်လိုက်တဲ့အချိန်မှာ ပေါ်လာတဲ့မျက်နှာကြောင့် ကျိူးချန်ရင်ထဲမှာ ပန်းတွေဝေသွားသည်။
"ဟာ..ရှောင်းသခင်လေး ရှာလိုက်ရတာဗျာ..လာ..လာ..ပြန်ရအောင် ဒီမှာကြာကြာနေလို့မကောင်းဘူး..''
ကျိုးချန်,ရှောင်းကျန့်အားလက်ဆွဲကာ ပြန်လှည့်မည်အလုပ်..
"အယ်..ကိုယ်ရံတော်ကြီး..ကျွန်တော်က အခုမှနန်းတော်ထဲကထွက်လာတာလေ..မပြန်သေးပါဘူး..''
"အမ်..ကျွန်တော်တို့ နန်းတော်ထဲမှာရှာသေးတယ်လေ..မတွေ့ပါဘူး..သခင်လေးကနန်းတော်ရဲ့ဘယ်နားမှာနေနေတာလဲ..''
"ဪ..အဲ့ဒါကလေ..ဟို..ဟို..''
ရှောင်းကျန့် ဖြေရကောင်းနိုးမဖြေရကောင်းနိုးနှင့် စဥ်းစားနေရသည်။ ထိုစဥ် မိမိအားဆွဲထားသော ကျိုးချန်၏လက်ကဖြုတ်ချခံလိုက်ရကာ မိမိအားအနောက်သို့ဆွဲပို့လိုက်သောထိုလူသား။
ရိပေါ်အရှေ့ကနှစ်ယောက်အား ရပ်ကြည့်နေရင်း မျက်မွှေးစူးလာသည်။ ဟိုကျိုးချန်ဆိုတဲ့ကောင်ကလည်း စကားပြောတာတောင် အသားယူပြီး ကောလက်ကိုဆွဲထားသေးသည်။ ကြည့်မရတော့တဲ့အဆုံး ကျိုးချန်လက်ကိုဖြုတ်ချလိုက်ပြီး အနောက်သို့ပို့ပစ်လိုက်သည်။
"ဒီမှာ မင်းကဘာကောင်မို့လို့ငါ့လက်ကိုဖြုတ်ချရတာလဲ..သတ္တိရှိရင်မျက်နှာဖုံးချွတ်လိုက် ဟျောင့်..''
ESTÁS LEYENDO
💥ထိရဲရင်ထိကြည့် မီးပွင့်သွားမယ်💥 (Complete)
Fanficရှောင်းအိမ်ေတာ်ရဲ့ အငယ်ဆုံးသခင်လေးရှောင်းကျန့်..သိုင်းပညာရော မှော်ပညာပါမတတ်တဲ့အပြင် ပြဿနာပေါင်းစုံရှာပြီး မွှေနိုင်လွန်းသောအမွှေကိုယ်တော်လေး... အဖြူရောင်မိစ္စာဘုရင်လေးဝမ်ရိပေါ်..တည်တည်ငြိမ်ငြိမ်နေတတ်ပြီး အရယ်အပြုံးမရှိ..တလောကလုံးကဖိန့်ဖိန့်တုန်အော...
