Cost of Taste | ✓

Kabanata 13

Kabanata 13

"Hoy Ms. Intramurals!"

"Hindi!" Agad kong pinag-krus ang mga kamay ko. "Di niyo ako madidimonyo!"

Ginawa ko parang crucifix ang daliri ko habang pinapaalis ko sila.

Inalog-alog ako ni Franny. "Ako na nga bahala sa make-up saka sa mga gagamitin mo, pumayag ka na!"

"Ayoko talaga!" Pagmamaktol ko.

"Ikaw din naman pipilitin ni Ma'am Santiago. Mukha mo kaya ang pambato ng TVL!"

Pinipilit nila akong lumaban para sa Ms. Intramurals. Una sa lahat, wala akong pakialam doon. Pangalawa, wala talaga akong pake. Pangatlo at panghuli, hahanapin ko muna ang pake ko.

Hindi na ito bago sa akin, kadalasan noong nasa junior highschool ay sinasali rin ako sa mga ganitong school activities. Hindi naman ako nananalo dahil tulad nga ng sinabi ko ay wala akong pakialam dito. It wasn't my passion.

Nakisali si Suzette. "Sasali raw si Adren."

Bumaling ako kay Suzy. "Kailan daw ba? Ano ba kayo? Sino bang nagsabi di ako sasali?"

Humalakhak si Suzy. "Marupok ka talaga!"

"Ayaw niya raw pero biglang arat na kapag nandiyan si Adonis niya!" Pangangatyaw ni Franny.

"Legit ba? Sasali si Adren?" Nararamdaman ko na kaagad ang mga paru-paru sa tiyan ko, hindi sila mapakali.

"Sabi ng kalandian ko si Adren daw pinili sa ABM e." Kibit balikat ni Suzette.

"Dami mo namang kalandian!" Ani Franny.

"Huwag ka, sa lahat ng strand meron akong kalandian!" Tumawa si Suzette, 'yung tawa pa naman niya parang isang witch na nakikiliti.

I decided to sign up for Ms. Intramurals when I confirmed that Adren was the representative for ABM.

The day of Intramurals came and Franny was the one who applied make up on me. Suot ko ang outfit na ginawa talaga para sa mga representative. It consists of a jersey and violet mini skirt. Naka-space buns ang buhok ko.

"Hindi ka talaga pwedeng mag-make up kasi nagmumukha kaming basurahan, alam mo 'yon?" Sambit ni Suzy habang nakaawang ang bibig.

I only wear make up when there's occasions or if Arya wanted to try a new look she's trying to practice.

Pumunta na kami sa main gymnasium at nakita ko ang iba't-ibang kulay na nagrerepresenta ng iba't-ibang strand. Intramurals lang ito ng SHS department kaya walang college o ibang grade level.

Nagulat ako nang may tumapik sa balikat ko. Tiningnan ko kung sino ito. It was a guy who is smirking at me. May mga kasama siya na nasa likod niya.

"Hi pwede mangligaw?"

Pinilit ko ang sarili ko na hindi matawa. He was flaunting his strand. Pinapakita niya pa na kulay red ang shirt niya na nagpapahiwatig na galing siya sa STEM. Sorry, pero nasa ABM ang puso ko.

"Pwede naman." I smirked. "Hindi nga lang sa akin."

"Sayang naman. May boyfriend ka na ba? Ayaw mo ba akong subukan?" He was persistent.

Sige lang, magmatigasan tayo rito.

I almost rolled my eyes but I fight back the urge to do so.

"May boyfriend na ako kahit di niya pa alam." Sagot ko at agad na ginala ang paningin ko. I saw Adren talking to a girl.

He was sporting a jersey and the girl he was talking to was wearing a blue shirt. Mukhang galing din sa ABM.

Naningkit kaagad ang mga mata ko. Instant badtrip.