Cost of Taste | ✓

Kabanata 17

Kabanata 17

"Kailangan ba talaga ganyan?" Tinuro ko ang damit na nakalatag sa hinihigaan ko. Naka-double deck bed kasi kami ni Arya.

May dumating na package kinaumagahan matapos ang Noche Buena. Isa itong ready-to-wear dress galing sa isang kilalang luxury brand. I don't know about it that much, pero nanglalaki ang mga mata ni Arya nang makita ang package.

The package contains a dark blue v-neck long chiffon gown and a pair of strappy heels.

"Alam niya size mo, Ate." Nangliit ang mga mata ni Arya.

"Maniwala ka saakin, wala pa akong sinusukong bataan."

Arya scrunched her nose. "Pakilala mo ako sa mga kaibigan niya Ate, kailangan ko rin sponsor."

I remembered Gio and shook my head profusely. "Sa iba na lang, Arya! Magi!"

"Bakit Ate? Ikaw lang pwede lumandi?"

Tumawa lang ako kay Arya. Hindi naman siya mahilig makipag-landian. Mas mahal niya pa ang mga palette at contour stick niya.

Before 8pm, nag-ayos na ako para diretso sundo na lang. Nanghiram ng gamit si Arya sa malapit na parlor para ayusan ako. She's really good at this, balak nga niya maging stylist 'yata pagkatapos niya sa pag-aaral.

She straighten my hair using a hair iron. She applied make up on me, sinigurado niya na bagay ito sa damit. Nang matapos ay sakto namang dumating ang Ford Expedition nila Adren sa harap ng bahay namin.

"Basta kapag nag-offer ng pera, sabihin mo kailangan mo networth ni Bill Gates para umatras." Seryosong sabi ni Arya.

I laughed at her. "Noted, Arya."

Pumasok ako sa kotse at nginitian ako nung driver. Ito palagi ang driver ni Adren. Ngumiti ako pabalik at inayos ang aking pagkakaupo. Hindi ko alam bakit ngayon pa lang ay kinakabahan na ako.

Gumagapang ang kaba sa aking puso habang parami nang parami ang mga building na nadadaanan namin. Hindi ko mapigilan na isipin na totoo ba itong pinapasok ko? I was entering his world. Alam ko naman na iba ang antas naming dalawa.

The car turned to a path that leads to a long driveway that is surrounded by tall trees. Nakatingin lang ako sa mga matatayog puno na nilalagpasan ng aking mga mata.

Huminto kami sa isang malaking gate. Madilim ang paligid at tanging ang loob lamang ng mansyon ang maliwanag.

Mala-palasyo ang anyo nitong mansyon nila. Parang inabandonang palasyo pero hindi naman ito marumi tingnan bagkus ang linis nga nito sa mata. Parang gawa ito sa Victorian era. It reminds of the palaces from the disney movies.

It was grand to look at, actually. A little too grand for me.

Pinagbuksan pa ako ng pinto ng kotse. Tumango ako sa driver at nagpasalamat.

Tiningnan ko ang hawak kong imbitasyon na kasama sa damit na binigay ni Adren sa akin. Nang makapunta ako sa isang staircase paakyat sa loob ng mansyon, may nakaabang na naka-tux na lalaki.

Ngumiti ito sa akin at nilahad ang kamay, ang tingin niya ay nasa imbitasyon sa kamay ko. Inabot ko ito at tumango lang siya at pinayagan na akong umakyat sa itaas.

Kung nandito si Franny at Suzette, kanina pa nila ako tinawanan nang wagas. I was really trying my best to behave properly.

Mabait 'yan? Totoo ba 'yan? Si Arrisea ka ba talaga?

I could hear them making fun of how I'n trying to fit in. Minsan lang naman ito kaya sana pagbigyan na nila ako.

Sumalubong sa akin ang samu't-saring mga tao. Ang mga tindig nila ay halatang mga galing sa mayayaman na angkan. The way they dress, talk and drink from their champagne glass screams rich.