First Rainfall of May [MEDICAL SERIES #1]

CHAPTER 27: The Justice You Deserve

A/N: 

So as you can see, I made this story as the first installment of MEDICAL SERIES which I plan to write this year. You can see the title of each installment in my profile. 

The second installment would be about Jayla and Nicco. 

So excited for this series <3

_______________________________-

STORM

"UUWI na kayong dalawa?" Nagkatinginan muna kami ni Niccolo bago namin binalingan ng tingin si Kisses, siya 'yong babaeng pinagselosan nina Sabrina at Jayla noong nakaraan. "Ayaw niyo bang mag-breakfast muna?"

Katatapos lang ng night shift naming tatlo at pauwi na kami.

As much as I don't want to reject anyone's offer, my Sabrina is waiting for me home. Besides, hindi ko talaga alam paano mang-reject since no one's been paying attention to me before. Bahagya kong siniko si Nicco dahil hindi ko alam ang sasabihin.

"Sorry Kisses, ha? Gutom na rin naman kami kaya lang gusto ko sanang maabutan si Jayla bago siya pumasok, saka itong si Storm may inaalagaang patabaing baby sa dorm niya."

"Baby?"

Siniko ko nang mas malakas si Nicco at tinawanan lang ako. "Baby as in...girlfriend," sagot ko.

"Ah, akala ko naman may baby ka na talaga." She sighed in relief then she pouted. "Sayang naman. Sige. Kakain na lang ako mag-isa." She played with her fingers while pouting.

Bakit kapag si Sabrina gumagawa nu'n ang cute? Bakit kapag si Kisses parang gusto ko siyang itumba?

"Pasensya na talaga, Kisses. Next time na lang." Binalingan ako ng tingin ni Nicco. "Tara, tol."

Sumakay na kami sa kotse niya at nag-drive na siya palayo.

"How's Sabrina? Three days na raw siyang absent sabi ni Jayla."

I heaved a sigh. "Nagmumukmok pa rin sa dorm."

"Hanggang ngayon ba hindi pa rin siya kino-contact ng Daddy niya?"

"Hindi pa nga rin, eh. Wala rin siyang idea kung saan pa pwedeng pumunta ang Daddy niya since he's just either in the hospital or in their house. Hindi niya pa rin binibisita ang kapatid niya."

"Bakit? Is she angry with Theo?"

"No. Impossible. She can't visit, she's afraid she'll see her mom. You know how scared she is with her mom."

"Kawawa naman si Sab. Ang dami talagang tinatagong baho ng pamilya niya."

Hindi ako nakasagot.

"Ikaw...may progress ka na ba sa plano mo?"

Nicco knows everything. Alam niya ang plano ko kaya ginusto kong makapasok sa ADMC. He knows that I'm looking for answers with my Dad's death.

"I already got the names of the other doctors and nurses that operated with my Dad the day he died. Pangalan lang ng main surgeon ang nakita ko sa charts niya noon sa medical records. It's just difficult to trace them now since it happened 13 years ago, malay ko ba kung nasaan na silang lahat ngayon."

"Gago Tol, baka nga patay na main surgeon no'n."

"Siraulo." Huminga ako nang malalim. "I don't think I can still do this."