အမုန်းဖွဲ့ချစ်ခြင်း❣️21
ကလောကိုခရီးထွက်မည်ဆိုတာကြောင့်
သားနှစ်ယောက်ရော ဟန်လေးပါ တက်ကြွနေကြသည်။ဟန်လေးကလိုအပ်တဲ့အသုံးအဆောင်တွေထည့်နေတော့ ဦးစက်က မပြီးပြတ်သည့်အလုပ်တွေလက်စသတ်နေသည်။
တစ်ပတ်လောက်ကြာမှာဆိုတော့ အလုပ်တွေသေချာပြင်ဆင်ထားခဲ့မှရမှာလေ။
"ဦးစက် အကျီ ၤလက်ရှည်တွေရော ထည့်လိုက်မယ်နော်"
"အင်း ကလေးအဆင်ပြေမယ်ထင်တာထည့်လိုက်"
"ဟုတ်"
ဟန်လေးတို့အဝတ်စားတွေထည့်ပြီးတော့
ကလေးနှစ်ယောက်အခန်းဝင်လာခဲ့သည်။"ပိစိတို့"
"ပါး ဒါတွေထည့်ပေး အကုန်ယူမယ်"
"အများကြီးမယူနဲ့လေပိစိတို့ရဲ့
တစ်ပတ်ပဲနေမှာကို ဟိုမှာလျှောက်လည်ရင်လဲ
ဒယ်ဒီကလိုချင်တာတွေဝယ်ပေးအုံးမှာလေ""ဟုတ်"
သွားတိုက်တံအစ ခြေအိတ်လေးတွေအဆုံး
အကုန်ထည့်ပေးပြီး အထုပ်တွေအပြင်သယ်လာခဲ့သည်။
အခန်းထဲလှမ်းကြည့်တော့ ဦးစက်မပြီးသေးတာမို့ အထုပ်တွေကို ကားစီသာသယ်ခဲ့လိုက်သည်။အိမ်အပေါ်ထပ်ကိုတစ်ခေါက်ပြန်တက်လာတော့ ဦးစက်ကအကျီ ၤလဲနေပြီဖြစ်သည်။
"ကလေး ကိုယ့်ကိုကြယ်သီးတပ်ပေးအုံး"
"ဦးစက်ကလဲ ကြယ်သီးလေးနှစ်လုံးကို"
"ကလေးတပ်ပေးစေချင်လို့လေကွာ"
စပို့ရှပ်ကြယ်သီးတပ်ဖို့ပင် ဟန်လေးမပါရင်မပြီး။
တစ်ခုခုဆို ကလေးရေ လာပါအုံးဆိုတာက အခုရက်ပိုင်းပိုဆိုးလာသည်။
ရေချိုးပြီးခေါင်းသုတ်တာကအစ ခါးပတ်တပ်ပေးခိုင်းသည်အထိ ဟန်လေးလက် ဟန်လေးခြေ။
သားတွေရော ဒယ်ဒီလုပ်တဲ့သူရော တစ်ပုံစံထဲ။
သားနှစ်ကလဲ တစ်နေ့တစ်ခြားငပျင်းလေးတွေဖြစ်လာကြသည်။ကျောင်းဝတ်စုံတောင် ပါးလဲပေးတာမှ စတိုင်မိတယ်ပြောကြတာမျိုး။
ဆံပင်ဖြီးခိုင်းတာ ဘောင်းဘီလဲခိုင်းတာ ရေချိူ းရင်တောင် အပြင်ကနေ အကျီ ၤထုပ်ပေးပါဆိုသည်အထိ အပျင်းတစ်လာကြသည်။
YOU ARE READING
အမုန်းဖွဲ့ချစ်ခြင်း / အမုန္းဖြ႔ဲခ်စ္ျခင္း(Completed)
RomanceOrginal plot-Nay Zar Linn(အငယ္)ကုိ အျပည့္အဝ #crdေပးပါတယ္ရွင့္✨ (29.6.2020)