Unicode
ဝမ်ချိုချိုလေး
(အပိုင်း.၂၄)တစ်ပတ်ကြီးတောင် ခွဲနေရတာ ဦး ကအိမ်ရောက်နေပြီဆိုတော့ အမြန်လာခဲ့လိုက်တယ်။စချင်တာမို့ အသံမပေးပဲအိမ်ထဲခြေလှမ်းဖွဖွလေးဝင်လာတော့ ဖိုးဖိုးနဲ့ဦးက ဧည့်ခန်းထဲမှာ အခွေကြည့်နေကြတယ်။ဘာတွေများစိတ်တူကိုယ်အတူကြည့်နေကြလည်းသိချင်တာမို့ အသာရပ်ကြည့်နေတော့....
ကျွန်းမှာသူတွေ့ခဲ့တဲ့ တိုင်းရင်းသားအဖွားအို။ဒီအဖွားကနာမည်ကြီးနေတာလား ။"အဖွားဘာမှမသိပါဘူး ရှေ့ဖြစ်နောက်ကြောင်းလည်း မဟောနိုင်ပါဘူး အဲ့တုန်းက မိန်းကလေးလီအကူညီတောင်းလို့ လုပ်ပေးခဲ့တာပါ...သူတို့သားမိက အဖွားသားလေးအပေါ်ကျေးဇူးရှိလို့ သူတို့ပြောခိုင်းတဲ့အတိုင်းပြောပေးရုံပါပဲ...အဲဒါမှသူ့တူလေးအန္တာရယ်ကင်းမယ်ဆိုလို့ အဖွားစေတနာနဲ့ကူညီခဲ့တာပါ''
"ကျေးဇူးတင်ပါတယ်အဖွား ဒီလောက်ဆိုရပါပြီ ကျွန်တော့်ကိုခွင့်ပြုပါဦး''
Videoလေးက ပြီးဆုံးသွားပါပြီ မပြီးသေးတာက သူ့ရင်လှိုင်းထခုန်နေတာပဲ။တခုခုပေါက်ကွဲသွားသလို ဖန်ပန်းကန်လေး လန့်ပြီးကွဲသွားသလို သူ့နှလုံးသားလေးဖျတ်ကနဲကွဲကြေသွားတယ် နေရာကမရွေ့နိုင်တော့။
"ဟင်...ရိပေါ်ရောက်လာပြီလား.''
"မြေး...video မြင်သွားပြီလား''
"ဖိုးဖိုး''
သူ့အဖိုးကိုပြေးဖက်လို့ ငိုနေပေပြီ တကယ့်ကလေးပေါက်စလေးပဲ။
"ဖိုးဖိုး ရိပေါ် ရိပေါ်အကြာကြီး အီးဟီး....
အကြာကြီးခံစားခဲ့ရတာ အိမ်မပျော်တဲ့ညတွေရှိတယ် လန့်နိုးတဲ့ညတွေရှိတယ်..''"အင်း...အင်း...ဖိုးဖိုးသ်ိတယ်''
"ဒေါ်လေးလီတမင်လုပ်တာပေါ့ ရိပေါ်ကိုဘာလို့အဲလောက်တောင်ရက်စက်ရတာလဲ ရိပေါ်သူ့ကိုဘာလုပ်မိလို့လဲ ''
ဝမ်ကျိုးချန်မှာ ပြောစရာစကားတို့ဆွံအလို့ ငွေပေါ့မြေးရယ် ငွေကြောင့်ဆွေးမျိုးရင်းချာလုပ်ရက်တာလို့ ပြောမထွက်။
ငိုနေတဲ့မြေးကို ကျောလေးပုတ်ပေးပြီးချော့နေပုံက ကလေးပိစိလေးလို။ ဒီအဖိုးနဲ့ဒီမြေးကလိုက်လည်းလိုက်ပါ့။သူ့အဖိုးရှေ့ဆို ကလေးဖြစ်သွားတာပဲ။
.
"ဦးကိုသနားလိုက်တာ ...လက်ထပ်ရအောင်ပြောတိုင်း ရိပေါ်က.ငြင်းနေမိတာ...ဦးသနားပါတယ်နော် အသက်ကကြီးပြီလေ အရွယ်မလွန်ခင် လက်ထပ်ချင်ရှာမှာပေါ့ ''