Unicode
" မြန်မြန်ရွေး... ပင်ပမ်းနေပြီမို့ အိမ်ပြန်ချင်ပြီ။"
Jiminတစ်ယောက်Haeunအတွက်ဝတ်စရာမရှိဖြစ်နေတာမို့ ကော်ဖီဆိုင်မှအပြန်,အင်္ကျီဆိုင်တွင်ဝင်ဝယ်ပေးနေခြင်းပင်။ ဝယ်ပေးတာထက် ပြောဆိုနေသည်ကများတာမို့ Haeunစိတ်တွေရှုပ်လာသည်ဆိုလည်းမှန်သည်။
" ပြီးပါပြီ။ ရှင်ကလည်း... စိတ်မရှည်တာကများနေတယ်။"
Jiminမှဘာမှဆက်ပြောမနေတော့ဘဲ Haeunရွေးထားသည်များကိုယူကာကောင်တာတွင်ငွေရှင်းမည်အလုပ်... အထည်များထဲတွင်ကပ်ပါလာသော မိန်းမတွင်းဝတ်များကြောင့် အရောင်းသမလေးများရဲ့ငြီစီစီရယ်သံပြုသံတွေ၊ အကြည့်စိမ်းစိမ်းတွေကိုလည်းjiminခံခဲ့ရသေးသည်။ ဟုတ်ပ... သူများအမြင်မှာတော့ Jiminရွေးသည်လို့ပဲမြင်လေမှာပေါ့...။ ဒါကိုသိနေတဲ့haeunကတော့အားနာသည့်အရိပ်အခြေစိုးစဉ်းမပြဘဲ မျက်နှာလွှဲကာထွက်သွားခဲ့သည်။
" ဘယ်သွားကြမှာလဲ...."
အရှေ့မှဦးကာသွားနေတဲ့haeunတစ်ယောက်အနောက်သို့လှည့်ကာမေးလိုက်ပါသော်လည်း ဘာတစ်ခွန်းမှမဖြေဘဲအေရှ့သို့ဦးတက်သွားတဲ့Jiminကြောင့် Haeunစိတ်နည်းနည်းတော့တိုမိပြန်သည်။ အမှန်ဆို ဒီနေ့တစ်နေကုန်သူမမည်သည်မျှအပြစ်မလုပ်ထားပေမယ့် အကြောင်းရင်းမဲ့စွာပဲစိတ်အလိုမကျကာအော်ငေါက်နေတဲ့Jiminကြောင့် သူမနေစရာပျောက်နေသည်။
ကားထဲအရောက်, ထိုင်ခုံခါးပတ်ပတ်ပြီးတာနဲ့ သူ့ဘက်ကိုမရဲမဝံ့လှမ်းကြည့်မိပြန်သည်။
" အိမ်ပြန်မှာလားဟင်..."
" အင်း..."
အမှန်ဆို သူမဗိုက်ဆာနေပြီ။ အိမ်မှာလည်းစားစရာရှိ,မရှိမသေချာတာမို့ တစ်ခုခုဝယ်ဖို့ရာအသိပေးချင်ရုံသက်သက်ပင်...။ သူကတော့ ဒေါသတွေသာလှိမ့်ထွက်နေပြီးဗိုက်ဆာဖို့တောင်မေ့နေပြီထင်ပါရဲ့။
" ဒါနဲ့ Park Jimin ssi..."
" နည်းနည်းတိုးတိုးနေပေးလို့ရမလား Kang Haeun.."
" အာ...ဟုတ်ကဲ့။"
Jimin ဆိုင်သိမ်းချိန်တည်းကစိတ်မကြည်ဖြစ်နေသည်။ hoseokရဲ့နောက်ကြောင်းတွေက သူ့စိတ်မကြည်ရတဲ့အဓိကအကြောင်းရင်းဆိုပိုမှန်လိမ့်မည်။ Haeunတွေးသလို Hoseokသာhaeunရဲ့ချစ်သူတစ်ယောက်ဖြစ်နေခဲ့ရင်ဆိုတဲ့အတွေးဟာလည်း Jiminကိုစိတ်မကြည်စေတဲ့အကြောင်းရင်းတွေထဲကတစ်ခုဖြစ်နေသည်။
YOU ARE READING
My Confusing Partner (✔︎)
RomanceTry not to fall in love with your partner! A Park Jimin FanFiction. Cremie's fourth completed fiction. oct112021 - april22021 M@y15,12 #cremie