My Confusing Partner (✔︎)

💘Ten

Unicode

" Jimin ssi... ဆိုင်မသွားဘူးလား။ နောက်ကျနေပြီလေ။"

နေမြင့်နေပြီဖြစ်သော်လည်းအခုထိအခန်းထဲမှထွက်မလာသေးသောJimin...။ ဒီနေ့ Namjoonကလည်းခရီးသွားရမှာမို့ဆိုင်လာဖြစ်မှာမဟုတ်။ ဒါကြောင့် Haeunတစ်ယောက် Jiminကိုအမြန်လာနိုးနေရသည်။

တံခါးခေါက်နေပါသော်လည်း ‌တုံ့ပြန်မှုတစ်စုံတရာရှိမလာတာမို့ Haeunစိတ်ပိုင်းဖြတ်ကာတံခါးရွက်လေးအားခပ်ဟဟတွန်းဖွင့်လိုက်သည်။ ထင်တဲ့အတိုင်း အခုထိအိပ်ရာမှမထသေးတဲ့Jiminပင်။

" ညက မအိပ်ဘူးထင်တယ်။"

တစ်ကိုယ်တည်းသာစကားတစ်ခွန်းပြောလိုက်သည်။ ပြတင်းပေါက်နားသွားပြီးလိုက်ကာစကိုဆွဲဖွင့်လိုက်တော့ အခန်းထဲကိုဖြာကျလာတဲ့ရောင်ခြည်စတွေကြောင့် လူးလူးလွန့်လွန့်ဖြစ်လာတဲ့Jimin...။ သို့ပေမယ့် မျက်စိပင်သေချာမပွင့်သေးဘဲ တအင်းအင်းနှင့်ပြန်အိပ်ပျော်သွားခဲ့သည်။

Haeunလည်းကုတင်နားသို့တဖြည်းဖြည်းတိုးသွားကာ Jiminကိုလှုပ်နိုးမည့်အလုပ်တွင် သူမအာရုံတွေကိုလွှဲယူသွားသည်မှာ ကုတင်ဘေးကစာအုပ်လေးပင်။ ပုံမှန်ဆိုဒီစာအုပ်လေးကိုအမှုမဲ့အမှတ်မဲ့လုပ်မိမှာမှန်ပေမယ့် ပန်းရောင်သန်းကာလှလွန်းနေတဲ့စာအုပ်အဖုံးလေးကြောင့် ပထမတစ်မျက်နှာလေးကိုတော့လှန်ကြည့်ဖို့တွေးမိသည်။

" ဒီလိုလူက အခုလိုစာအုပ်လှလှလေးတွေလည်းဝယ်စုတတ်တာပဲလား။"

ကုတင်အစွန်းနားတွင်တင်ပလွဲဝင်ထိုင်လိုက်ပြီး စာအုပ်လေးရဲ့ပထမမျက်နှာကိုမဝံ့မရဲနှင့်ပင်လှန်ကြည့်လိုက်သည်။ ထိုအခါ အဖြူရောင်ဗလာစာရွက်လေးကကြိုဆိုနေတာမို့ ဒုတိယတစ်မျက်နှာကိုထက်လှန်ကြည့်ပြန်သည်။ မိန်းမငယ်တစ်ယောက်ရဲ့မျက်နှာသွင်ကိုအလှဆုံးပုံဖော်ထားတဲ့ ခဲဆွဲပုံလေးတစ်ပုံကဒုတိယစာမျက်နှာမှာနေရာယူနေသည်။

" ဟင်... ဒီမိန်းကလေးမျက်နှာက Heejinနဲ့လည်းမတူပါလား။ "

သူမနားမလည်နိုင်စွာတီးတိုးနေစဉ် အနောက်ဘက်မှရုပ်ချည်းရောက်ချလာတဲ့Jiminရဲ့လက်တစ်စုံဟာ သူမ့လက်ကောက်ဝတ်တစ်ဖက်ကိုဆွဲကိုင်ပြီးခေါင်းအုံးပေါ်တွင်ဖိကပ်လိုက်သည်။ ထိုမျှသာမက အပေါ်စီးမှငုတ်မိုးကြည့်လာတဲ့Jiminရဲ့စူးရဲရဲအကြည့်တွေကြောင့် Haeunတုတ်တုတ်မျှမလှုပ်ရဲပေ။