Unicode
ဆိုင်သိမ်းပြီးချိန်တွင် အိမ်ပြန်လမ်းတစ်လျှောက်တိတ်ဆိတ်တဲ့လေထုကသူတို့နှစ်ဦးကြား,ကြားဝင်နေခဲ့သည်။ အတွေးကိုယ်စီနဲ့ပြည့်နှက်နေတဲ့အသိစိတ်တို့က အငြိမ်မသက်နိုင်ပေ။
ထိုစဉ် တိတ်ဆိတ်မှုကိုစတင်ဖြိုခွင်းသူကHaeun....။
" Jimin ssi.. အပမ်းမကြီးရင် အိမ်တန်းမပြန်သေးဘဲဟန်မြစ်ဆီသွားရအောင်လား..။ "
" အင်း... သွားကြတာပေါ့ "
ဟုတ်တယ်... ဒီနေ့နတ်သားမူဆီကကြားရတဲ့စကားတွေအရဆို Jiminကိုမေးစရာတွေ ၊ ပြောပြစရာတွေတပုံကြီးရှိနေတယ်။ နောင်တတွေပွေ့ပိုက်ပြီးအဆုံးသတ်လိုက်ရမယ့်အစား... အတည်ပြုသင့်တာကိုအတည်ပြုရမယ်။
မကြာမီတွင်ပင် မှောင်ရီပျိုးနေပြီဖြစ်တဲ့ကောင်းကင်ကြီးအောက်က လှိုင်းသဲ့သဲ့လေးထနေတဲ့ရေပြင်ကြီးကိုမြင်စပြုလာတော့ ဟန်မြစ်ဆီရောက်ပြီဆိုတာသိလိုက်ပြီ။ Jiminလည်းမြစ်နံဘေးကလမ်းလေးပေါ်မှာ ကားကိုခနတာရပ်လိုက်ပြီး ဘေးဘီကိုလှည့်ကြည့်မိချိန်တွင် သူ့ဆီကိုအကြည့်တွေကျရောက်နေပြီးဖြစ်တဲ့haeunရဲ့မျက်ဝန်းနက်နက်တွေနဲ့ အကြည့်ချင်းဆုံကြိုက်ရသည်။ Jiminရဲ့နေသားမကျသလိုဖြစ်နေတဲ့စိတ်အစဉ်ဟာ ခါတိုင်းနဲ့မတူစွာထူးကဲနေတဲ့သူမရဲ့စူးနင့်နင့်အကြည့်ကြောင့်ပေ။ အဓိပ္ပာယ်တစ်ချို့ရှိနေလောက်သည်လား...။
" ဆင်းရအောင်လေ။ စိတ်ပြေလက်ပျောက်လမ်းလေးဘာလေးလျှောက်ရအောင် "
" အင်း Jimin.."
ဆိတ်ငြိမ်တဲ့ဝန်းကျင်... အစဖော်မရတဲ့ စကားလုံး... ဒီလိုနဲ့ပဲ ဒီအခိုက်အတန့်ကကုန်ဆုံးမည်ထင်။ ထိုစဉ် တိုးညှင်းညှင်းခုန်မြည်နေတဲ့ရင်ခုန်သံကိုအံတုဖို့ ဘယ်ဘက်ရင်ပေါ်ကိုလက်နဲ့ဖိလိုက်တော့အေကာင်ပေါက်ရဲ့စည်းချက်တွေဟာ သူမရဲ့လက်ဖဝါးနုနုဆီသိသိသာသာလာရောက်ထိတွေ့ခံစားမိသည်။ ဪ... သူနဲ့ပတ်သတ်ရင်ဒီလောက်တောင်ရင်ခုန်နေရပြီလား...။
" Jimin ssi.. "
အားတို့စုကာခေါ်မိလေတော့ သူ့ဆီကချက်ချင်းပင်ထူးသံတန်ပြန်လာသည်။
KAMU SEDANG MEMBACA
My Confusing Partner (✔︎)
RomansaTry not to fall in love with your partner! A Park Jimin FanFiction. Cremie's fourth completed fiction. oct112021 - april22021 M@y15,12 #cremie