My Confusing Partner (✔︎)

💘Twelve

Unicode

Heejinတစ်‌ယောက်တွေဝေသောမျက်ဝန်းအစုံနဲ့ Jiminကိုစေ့စေ့ကြည့်‌နေမိသည်။ ဝိဉာဉ်တဲ့လား... အဲ့လိုအရာမျိုးတွေက လောကကြီးမှာတည်ရှိနေရင်တောင် ဒီလိုအခြေနေမျိုးမှာယုံရမှာတဲ့လား။ Jiminရဲ့သူမကိုနား‌ချော့တဲ့ယုံတမ်းစကားကအရမ်းပေါလွန်းတယ်လို့သူမ,တွေးသည်။

" ဝိဉာဉ်? ပေါလွန်းတယ် oppa..။ ယုံချင်စရာမကောင်းတဲ့စကားတွေကို မျက်စိမှိတ်ယုံပေးရလောက်တဲ့ထိ ဘေဘီတုံးအမနေဘူး။ "

ခပ်နင့်နင့်ပြောလာတဲ့heejinစကားတွေကိုတုံ့ပြန်ပေးဖို့ စကားတစ်စုံတရာရှာမ‌တွေ့ခဲ့။ သူမဘက်ကကြည့်လည်း အခုလိုကိစ္စကိုယုံကြည်ပေးဖို့ဆိုတာခက်ရာကျနေမည်။ Jiminတုတ်တုတ်မျှမလှုပ်ဘဲ တိတ်ဆိတ်စွာရပ်နေခဲ့သည်။

" ပြောလေ oppa...."

တိတ်ဆိတ်ခြင်းဟာ ဝန်ခံခြင်းမည်၏တဲ့လေ...။ ထိုအခါမှစိတ်လွတ်လက်လွတ်ဖြင့်ကြမ်းပြင်ထက်အပုံလိုက်ထိုင်ချပစ်လိုက်တဲ့heejin...။ တသွင်သွင်စီးကျလာတဲ့အရည်ကြည်စတွေကိုမသုတ်ပစ်မိပါဘဲ မျက်ရည်ပေါ်မျက်ရည်ထပ်ကာရင်ထုမနာဖြင့်ငိုမိသည်။

" Heejin..."

သူမပုခုံးကိုခပ်ဖွဖွကိုင်ကာအမေးပြုလာတဲ့namjoonကို သူမမေးငေါ့ကြည့်ရင်း...

" Namjoon oppa... Heejinမှာဘာချို့ယွင်းချက်တွေရှိနေလို့လဲ။ ချစ်သူကနောက်တစ်ယောက်နဲ့တွဲနေရတဲ့အထိ heejinကငြီးငွေ့စရာကောင်းနေတာလား။ ဟင်?"

" မဟုတ်ဘူး Heejin... Jiminကအဲ့လိုလုပ်မယ့်လူမျိုးမဟုတ်ဘူးလေ။ ကိုယ်တို့အကြောင်းစုံကိုမေးရအောင်... နော်။"

" အကြောင်းစုံ?
ဘာမှအခြေမြစ်မရှိတဲ့စကားတွေနဲ့လိမ်နေတည်းက သူရိုးသားတော့သလား.. ဟမ်..။ တော်ပြီ.. oppaပဲသူ့ကိုမေးပြီးကျန်ခဲ့လိုက်... heejinကတော့ဘာမှမေးချင်စိတ်ရှိမနေဘူး။"

မျက်ရည်တွေကိုဖိသုတ်လိုက်ကာကြမ်းပြင်ပေါ်မှထပြီးထွက်သွားတဲ့heejinရဲ့ကျောပြင်ကိုကြည့်ပြီး namjoonသက်ပြင်းချမိသည်။ ‌ထိုစဥ်မျက်စိထောင့်စွန်းကတွေ့လိုက်ရတာက ကုတင်‌ပေါ်မှာလက်မှိုင်ချကာထိုင်နေတဲ့Jimin...၊ ကုတင်ဆီကိုသူလျှောက်သွားလိုက်ပြီး jiminဘေးကိုဝင်ထိုင်တော့မှ အသိပြန်ဝင်လာတဲ့လူတစ်ယောက်လိုဖြစ်သွားတဲ့jiminကိုကြည့်ပြီး သူခပ်ဟဟပြုံးမိသည်။