Unicode
" ပိန်သွားလိုက်တာ "
" အင်း...."
" ငိုနေတုန်းလား "
" ..... "
Haeunပေါင်ပြင်ထက်တွင် ခေါင်းအုံးကာအိပ်နေတဲ့jiminတစ်ယောက် haeunရဲ့အမေးကိုမဖြေအား...။ လက်တင်ထားခဲ့သော သူမ့ပေါင်တံဖြူဖြူအား ပိုတိုး၍ဖက်ကာ မျက်ဝန်းတွေကိုစေ့စေ့မှိတ်ရင်း အလွမ်းဖြေနေသည်။
အခုနတည်းက 'မထားခဲ့ပါနဲ့တော့' ဆိုတဲ့ တစ်ခုတည်းသောစကားကိုထပ်ခါတလဲလဲပြောရင်း ကတိတွေအထပ်ထပ်တောင်းနေတဲ့jiminဟာ ဝမ်းသာလို့ဆိုပြီး မျက်ရည်ကြည်တွေက မျက်ဝန်းလှလှလေးတွေဆီကနေ စီးသွန်လာသေးတာ...။ ပေါင်ပေါ်ခေါင်းအုံးစေပြီး ချော့ထားရသည်မှာမကြာသေး ၊ အခု ပေါင်သားပေါ်ကစိုစွတ်မှုကြောင့်သူငိုနေပြန်ပြီဆိုတာ သူမသိလိုက်ပြီ။
" အိုက်ဂူးး မျက်ရည်လွယ်လိုက်တာ ဒီကလေးက.. မကြာခင်ပဲ ကလေးအဖေဖြစ်တော့မှာကို..."
စရင်းနောက်ရင်း သူ့ပါးဖောင်းဖောင်းဖြူဖြူလေးပေါ်က မျက်ရည်စီးကြောင်းကို လက်ဖဝါးနှင့်ဝိုက်ချကာ ဖိကပ်သုတ်လိုက်ပြီး နီမွတ်နေတဲ့နှာထိပ်ကို သူမ့လက်ညှိုးလေးနဲ့တောက်လိုက်တော့ မျက်ဖြူလှန်ကြည့်လာတဲ့ Jimin..။ မကျေနပ်တဲ့ပုံနဲ့ သူဟာ တစ်ခုခုကိုဘဝင်မကျသလိုနှင့် တစ်ကယ့်ဂျစ်လေး။
" အခု လူကိုကလေးလိုဆက်ဆံနေတာလား "
" ဟုတ်တယ်.... ရှင့်ကို ကလေးလေးလိုရင်ဝယ်ပိုက်ထားချင်တာ "
ထိုအခါ လှဲအိပ်နေရာမှ ဆက်ကနဲထထိုင်ကာ သူမ့မျက်နှာနားတိုးကပ်လာတဲ့jiminကြောင့် haeunရင်တွေအဆမတန်ခုန်ရပြန်ပြီ။ Jiminနဲ့ဘယ်လောက်ပင် ထိတွေ့ဖူးခဲ့ပါစေ ၊ နတ်သက်ကြွေထားသလားအောက်မေ့ရတဲ့ ကြွေမျက်နှာလှလှလေးကို အနီးကပ်မြင်ရတိုင်း သူမ့နှလုံးသားက မရင့်ကျက်တတ်တဲ့အတိုင်း သိပ်ခုန်ပြနေသည်။
အခုလည်း သူမ့အနားကိုတဖြည်းဖြည်းတိုးကပ်လာတဲ့jiminရဲ့ပါးနှစ်ဖက်ကို လက်ဖဝါးနှစ်ဖက်ဖြင့်ဖိကိုင်လိုက်ကာ စူထွက်လာတဲ့နှုတ်ခမ်းရဲရဲကို သူမနှုတ်ခမ်းပါးနှင့်ဖိကပ်နမ်းလိုက်သည်။
YOU ARE READING
My Confusing Partner (✔︎)
RomanceTry not to fall in love with your partner! A Park Jimin FanFiction. Cremie's fourth completed fiction. oct112021 - april22021 M@y15,12 #cremie